လူငယ့်ကြေးမုံ-၆(တင်မိုး)

မိုးသောက်ကြယ်ဂျာနယ်အယ်ဒီတာအာဘော်အဖြစ် 

ဆရာတင်မိုးရေးသားပေးခဲ့သော `လူငယ့်ကြေးမုံများ`

(၂၀၀၅ ခုနှစ်၊ ဧပြီလထုတ် မိုးသောက်ကြယ်ဂျာနယ် အတွဲ ၂၊ အမှတ် ၄ မှ)

“စိတ်ငယ်ဖွယ် အမှောင်ဆိုင်းပြန်တော့၊ သပိတ်လွယ် တောင်စစ်ကိုင်းဆီက၊ မောင်မှိုင်းမှာဖြင့်ပါတော်မူ”တဲ့။

ဆရာကြီးမှိုင်းက တခါတုန်းက တိုင်းပြည်အတွက် စိတ်ငယ်စရာနဲ့ကြုံတော့ ပူပုံပွားခဲ့ဖူးတယ်။ ဒိုင်အာခီခေတ်မှာ မှိုင်ကာမကြည်ဖြစ်ခဲ့ဖူးရသတဲ့။ 

ဟုတ်မှာပေါ့။ ပုထုဇဉ်ဟာကိုး။ လက်ခမောင်းတောင် ခတ်တန်ခတ်မိတယ်။ စိတ်ပျက်အားငယ်စရာနဲ့ကြုံရင်လဲ ပုံလဲကျမတတ် အရုပ်ကြိုးပြတ်ဖြစ်တန်ဖြစ်မိမှာပဲ။

“ဒိုင်အာခီရုံးပေါ်သနေ့ရယ်က၊ ဂနိုင်ဝါသီ ဖုန်းမော်ရသေ့မှာဖြင့်၊  ပြုံးဖော်မအေ့တွေနဲ့ အတွေ့မသာယာပေ (အိုကွယ်) နှလုံးတော်မခွေ့ပေသနဲ့၊ ဓလေ့ဘာသာလဝါနေ...”တဲ့။

မှိုင်းဆရာခမျာ ဗိုင်းတာမကံဆိုးတွေလို့ဆိုရပေမဲ့ မြန်မာပြည်သူတွေရဲ့ရှေ›ရေးကိုတွေးမိတိုင်း စိတ်လေးမိရှာတယ်။ စကားတောင် ဟဟမပြောချင်တော့။ စိတ်မရွှင်မလန်းနဲ့ ပင်ပန်းပြီး ဥပက္ခာသဘောနဲ့ ဘာသာလဝါပဲနေ ချင်စိတ်ပေါက်ခဲ့မိဖူးသတဲ့။ အင်း-ခုနေခါမှာ ဆရာကြီးသာရှိပါရင် ဘယ်လိုများခံစားမိရှာပါလိမ့်။

“ဆရာမသေခင် ငြိမ်းချမ်းရေးရတာမြင်ချင်တယ်...”ဆိုတဲ့ သူ့ဆန္ဒပြည့်ဝမသွားရှာခဲ့။ ငြိမ်းချမ်းရေး၊ ဒီမိုကရေစီရေးနဲ့ အမျိုးသားညီညွတ်ရေးတွေအားလုံးဆုံးရှုံးပြီး သူတောင်းစားလုံးလုံးဖြစ်နေရှာတဲ့ စစ်မသမာတို့ရဲ့ ကျေးကျွန်၊ တို့ဗမာမွန်သူကိုတွေ့ရရင် ရင်ကွဲနာကျလိမ့်မယ်ထင်ရဲ့။

“ကိုယ်တော်မှိုင်း ရာဇဝင်တွေလည်းရိုင်းခဲ့ရပြီအဖိုးရေ”တဲ့။  လူငယ်ကျောင်းသားတွေရဲ့တိုင်တည်သံ။ ရှစ်လေးလုံးအရေးတော်ပုံမှာ အတုံးအရုံးကျဆုံးခဲ့ကြတဲ့ လူငယ်ကျောင်းသားတွေရဲ့အလောင်းတွေပေါ်က ‘တက်’ခေါက်သံ။ ဒီအသံတွေကိုကြားယောင်မိတယ်။ ဘယ်တော့မှမေ့မရနိုင်တဲ့ ရင်ထဲကအသံတွေပါ။

ဒါပေမဲ့ နှလုံးသည်းပွတ်တွင်းက စီးဆင်းလာတဲ့အားတင်းသံတွေဟာ အမြဲလှုံ့ဆော်နေဦးမှာသေချာတယ်။ ဘယ်တော့မှ ဆိတ်သုဉ်းမသွားနိုင်တဲ့အသံ။ လူထုရဲ့ပဲ့တင်သံ။

“ဟယ်-သို့သော်လည်း ယောင်္ကျား၊ ကံရှေ့သွား၊ ကံထားရာတဲ့၊ မနုံနဲ့ပါဘု၊ အလှည့်သင့်ချက်ပိုင်၊ ကြက်ကန်းခွပ်လို့၊ ပွဲကျွတ်အောင်နိုင်သေးသပ”ဆိုတဲ့ ဦးပုညရဲ့ “ရေသည်”ယောင်္ကျားကြုံးဝါးသံလိုပဲ တနေ့နေ့မှာတော့ ပွဲကျွတ်အောင်နိုင်ဦးမှာအမှန်ပါ။ အခက်အခဲဆိုတာရှိစမြဲ။ အဟန့်အတား အလှန့်တွေလဲရှိစမြဲ။

ဒါပေမဲ့ ဘာစိတ်ငယ်စရာရှိသလဲ။ စိတ်ခွန်အားကြီးမားသူတွေရဲ့ရှေ့မှာတော့၊ ခြင်္သေ့ထံမှောက်ရောက်လာ တဲ့သားကောင်ပမာ၊ အခက်အခဲများစွာဟာ မျက်နှာငယ်ငယ်နဲ့ ဘေးဖယ်နောက်ဆုတ် ကြောက်ရုပ်နဲ့နေရတယ်။ မှိုင်းမှုန်ရီမှာ နေရောင်ခြည်တောက်သလို၊ မကြောက်တဲ့စိတ်ဟာလဲ ခြင်္သေ့စိတ်၊ အောင်စိတ်ဟောက် သလိုနေမှာပဲ။

တင်မိုး
၂၈-၄-၂ဝဝ၃

Read More

လူငယ့်ကြေးမုံ-၅(တင်မိုး)

မိုးသောက်ကြယ်ဂျာနယ်အယ်ဒီတာအာဘော်အဖြစ်

ဆရာတင်မိုးရေးသားပေးခဲ့သော `လူငယ့်ကြေးမုံများ`
(၂၀၀၅ ခုနှစ်၊ မတ်လထုတ် မိုးသောက်ကြယ်ဂျာနယ် အတွဲ ၂၊ အမှတ် ၃)

လူငယ့်ကြေးမုံ-၅

‘ငါသည် ငါ၏ကိုယ်ကျိုးအတွက် သက်သက်ငှာ အသက်ရှင်အောင်မမွေး…။ ငါ့တိုင်းပြည်၊ ငါ့စာပေ၊ ငါ့သာသနာအတွက် ရသမျှအချိန်ကလေးကိုယူ၍ ဆောင်ရွက်ရင်း အသက်ရှင်အောင်ငါမွေးအံ့…။’

ဒါဟာအဓိဌာန်တခု၊ ဒါဟာ‘သစ္စာ’ဆိုတဲ့ပွဲတခု၊ ဒါဟာဆုံးဖြတ်ပြဌာန်းချက်တခု။
ဒီလိုနဲ့ လူငယ်တွေဟာ မိမိသီလကိုဆောက်တည်မယ်ဆိုရင် ကိုယ်ကျိုးတဖက်မြင်သမားမဖြစ်နိုင်။ အမြင်ကျဉ်းမြောင်းသူမဖြစ်နိုင်။

ငါ့ဟာမှငါ့ဟာ။ ငါ့သာသနာမှ ငါ့သာသနာဟု ငါစွဲတန်းလန်းနှင့် မျက်ကန်းသမားမဖြစ်နိုင်။ လူငယ်တွေဟာ အကြောင်းကြောင်းကြောင့် အမိမြေစွန့်ခွာပြီး နိုင်ငံတကာရောက်ခဲ့ကြ ရတယ်။ ကြုံရာကျပန်း သက်မွေးဝမ်းကျောင်းပြုကြရတယ်။ ငါတို့နိုင်ငံသားတွေ အလွန်သနားဖွယ်ကောင်းတယ်။
ဒါပေမယ့် တို့လူငယ်တွေရဲ့စိတ်ဓါတ်က မွန်မြတ်တယ်၊ သန့်ရှင်းတယ်၊ အများအကျိုးအတွက် တလက်ခုပ် တလက်ချ ရရာတာဝန်ထမ်းဆောင်ချင်တဲ့ စေတနာအပြည့်ရှိတယ်၊ ပင်ကိုယ်စိတ်ကောင်းရှိသူများပါ။

ကျွေးချင် မွေးချင် ပေးကမ်းချင်တဲ့စေတနာ၊ ကူညီစောင့်ရှောက်ချင်တဲ့ သဒ္ဓါတရားအားကြီးတဲ့တို့လူမျိုး။ တို့နိုင်ငံသားစရိုက်ကို ဘယ်တော့မှမစွန့်လွှတ်။ ပင်ကိုယ်သန္ဓေကောင်းပြီးသား လူမျိုးဖြစ်တယ်။

အဖြူအမည်းမရွေး၊ အနူအဝဲမရွေး၊ သွေးကွဲခြင်းမရှိ၊ အခန့်အညား အဟန့်အတားတွေမလုပ်တတ်။ မြင့်မြတ်တဲ့စိတ်ဓါတ်ပိုင်ရှင် သခင်နိုင်ငံသားတွေဖြစ်တယ်။ ဒီစိတ်ဓါတ်၊ ဒီစေတနာ၊ ဒီအစဉ်အလာကို ငါချစ်တယ်။
ဒီသွေးကို ငါလေးစားတယ်..။ မိမိတို့ရဲ့ ဇာတိသွေး အမြဲပူနွေးနေစေဖို့ သတိပေးရခြင်းဖြစ်တယ်။ အားလုံးသိတဲ့အတိုင်း အခုအခါမှာ တို့နိုင်ငံအမှောင်ကျလို့ ဒုက္ခတွေပင်လယ်ဝေနေတဲ့အချိန်မဟုတ်လား။

ဒီတော့- အမှောင်ကိုတန်ဆောင်လင်းပြီး အမှောင်ခွင်းဖို့အရေး ကြိုးစားပေးကြရမှာပဲ၊ ဒါလည်း တို့တာဝန် တရပ်ပေပေါ့။

တို့ငယ်ငယ်တုန်းက သွေးသောက်မဂ္ဂဇင်းရဲ့ဆောင်ပုဒ်ကလေးကို သဘောကျမိတယ်။ အဲဒါက တော့-‘သွေးသောက်ပီပီ တာဝန်သိသိ သစ္စာရှိရှိ…’တဲ့။

အဲဒီဆောင်ပုဒ်ကလေးလိုပါပဲ။ တို့တတွေဟာ ‘တာဝန်သိသိ၊ သစ္စာရှိရှိ’ဆိုတဲ့စိတ်ဓါတ်ကို အညွန့်တလူလူဖြစ်အောင်ပျိုးထောင်ရင်း အကျင့်ဆိုး စရိုက်ဆိုးတွေ မစိုက်ပျိုးမိအောင် ကာကွယ်ထိန်းသိမ်းရမယ်။

လူငယ်အလှဟာ နိုင်ငံရဲ့ အသရေတပါးမဟုတ်ပါလား။
လူငယ်တွေထွန်းတောက်မှ တို့နိုင်ငံ တမိုးသောက်မှာ မဟုတ်ပါလား…။

တင်မိုး
၅-၃-၂ဝဝ၃

Read More

လူငယ့်ကြေးမုံ-၄

မိုးသောက်ကြယ်ဂျာနယ်အယ်ဒီတာအာဘော်အဖြစ်
ဆရာတင်မိုးရေးသားပေးခဲ့သော လူငယ့်ကြေးမုံများ
(၂၀၀၅ ခုနှစ်၊ ဖေဖော်ဝါရီလထုတ် မိုးသောက်ကြယ်ဂျာနယ် အတွဲ ၂၊ အမှတ် ၂)

လူငယ့်ကြေးမုံ(၄)

သတိသည်ဆား၊ ကဗျာသည်ပျား…တဲ့။
သတိဆိုတာလိုသလောက်ခပ်ရမတဲ့။
မပါလဲမဖြစ်။ ပါလွန်းပြန်တော့လဲ အလုပ်မဖြစ်။
အရာရာရဲရင့်မှုတွေပျောက်၊ ကြောက်စိတ်တွေဝင်၊ အပြစ်တွေချည်းမြင်နေမှဖြင့် မလုပ်ရဲ၊ မကိုင်ရဲ၊ လမ်းမလျောက်ရဲဖြစ်တတ်တယ်။

သတိမပါတော့လဲ အရာရာမှာ အထိန်းမဲ့တဲ့ချည်ခင်လို ပရမ်းမတာဖြစ်တတ်တယ်။ ဟင်းလျာမှာ ဆားကို သင့်ရုံခပ်ရသလို သတိကိုလဲသင့်ရုံခပ်။ သတ္တိလဲမပျောက်စေနဲ့။ အိုးနင်းခွက်နင်း နင်းကျိုး နင်းကျွံ လူလွန်မသား လူရမ်းကားလဲ မဖြစ်စေနဲ့။
တော်ရုံခပ်တဲ့ဆား ဟင်းလျာရဲ့အရသာကအမြိန့်သား။
ကဗျာကတော့ ပျားပါပဲ။ ဖတ်လိုက်တိုင်းချို မျိုလိုက်တိုင်းဆိမ့်တဲ့ အရသာမဟုတ်လား။
‘မျက်မြင်မှာဉာဏ်တွဲလို့၊ အနဲနဲရှုပါ…’တဲ့။
လယ်တီဆရာတော်ကဖွဲ့တယ်။
တန်ဖိုးရှိလှတဲ့ ကဗျာအဆို အမိန့်ပါကလား။
ဒိဠမျက်မြင်မှာ ဉာဏ်နဲ့ယှဉ်ရမတဲ့။ အမြင်မှန်ရအောင် အနည်းနည်းရှုရ၊ သုံးသပ်ရမတဲ့။
ကဗျာကတိုပေမဲ့ အရသာကအချိုသား။ တွေးလိုက်တိုင်း ဉာဏ်ကျယ်၊ အမှန်တကယ်ကိုမြင်စေနိုင်တဲ့စကား ပါလား။
‘တို့ဗမာ၊ တချို့ဝါစာကမာ…’တဲ့။
ဆရာကြီးမှိုင်းက ကဗျာသံနဲ့ဆုံးမတယ်။
ဟုတ်ပါပေ့။ ငါတို့တမျိုးသား လုံးကို ဆုံးမတာ။
ဘာကိုမှမလေးနက် ပေါ့ပျက်ပျက်လုပ်တတ်တဲ့ ငါတို့ရဲ့အကျင့်စရိုက်ကိုဖွင့်ပြတာ။

တို့ကလဲတို့ပဲမဟုတ်လား။ အပြောကတော့ လေလုံးမိုးလုံး မိုးတောင်ကချုန်း။ လက်တွေ့ကျတော့ မရေမရာ ၀ါစာကမာ။ ဖြစ်ကတတ်ဆန်း ရောက်ရာကျဘမ်း။ ဘာလုပ်လုပ် ကျကျနနလုပ်မှ။ ပိုင်ပိုင်နိုင်နိုင် လေ့လာဆည်းပူးပြီး ထူးထူးခြားခြားဖြစ်အောင်လုပ်မှ။ ပေါ့ပေါ့တန်တန် ကစားသမားဉာဏ်နဲ့ အပေါ်ယံဗန်းပြ ကောင်းရုံလုပ်တတ်တဲ့ အကျင့်ဆိုးကိုဖျောက်မှ။
သမိုင်းပုံပြင်ထဲက ကံရာဇာငယ်ရဲ့အကျင့်ဆိုးကို တမျိုးသားလုံးကျင့်သုံးမိတယ်။
ကံရာဇာကြီးလို သစ်ကြီးဝါးကြီးနဲ့ခိုင်ခိုင်မဆောက်။
မိမိထီးနန်းရပြီးရောဆိုတဲ့ လောဘစိတ်ရှေ့ထားပြီး ညတွင်းချင်း သစ်ငယ်ဝါးငယ်နဲ့ ထီးနန်းဆောက်ပြခဲ့သတဲ့။
ဖြစ်ကတတ်ဆန်း တောရမ်းမယ်ဖွဲ့သမား၊ ဉာဏ်နီဉာဏ်နက်ကစားနဲ့ ကံရာဇာငယ်က အနိုင်ရခဲ့သတဲ့။ ပြီးပါလေရောဗျာ။ ကျုပ်တို့ဗမာပြည်မှာ ပပလွှားလွှား ပြပြစားစားလုပ်တတ်တဲ့ တနပ်စား ၁၂ ပွဲစားတွေ နေ ရာရခဲ့တယ်မဟုတ်လား။
နေရာရပြီးစတမ်း၊ အဖြီးအဖြန်း ညာလုံး ၀ါးလုံးတွေနဲ့ ဗမာတွေ လူဖြစ်ရှုံးခဲ့ တယ်မဟုတ်လား။

တင်မိုး
၁၀-၂-၂၀၀၃

Read More

လူငယ့်ကြေးမုံ-၃

မိုးသောက်ကြယ်ဂျာနယ်အယ်ဒီတာအာဘော်အဖြစ်
ဆရာတင်မိုးရေးသားခဲ့သော `လူငယ့်ကြေးမုံများ`
၂၀၀၅ ခုနှစ်၊ ဇန်န၀ါရီလထုတ် မိုးသောက်ကြယ်ဂျာနယ် အတွဲ ၂၊ အမှတ် ၁ မှ)

လူငယ့်ကြေးမုံ-၃

လူငယ်တိုင်းမှာသမိုင်းရှိတယ်။ အတ္ထုပ္ပတ္တိရှိတယ်။ ကိုယ့်သမိုင်းကိုယ် မှဲ့စွန်းမှဲ့ပြောက်အထင်မခံရဘူး။
သန့်စင်အောင် အမြဲပွတ်တိုက်ဆေးကြောရမယ်။ သမိုင်းမှာအစွန်းထင်မိရင် တော်တော်နဲ့မပျောက်။
ကြောက်စရာအလွန်ကောင်းတယ်။
ဒါကြောင့် ကိုယ့်သမိုင်းကိုဖွပ်ပါ…။ လျော်ပါ…။ သန့်စင်ပါစေ…။
‘သတိ’သည်‘ဆား’၊ ‘ကဗျာ’သည်‘ပျား’တဲ့…။ အမှားကင်းအောင်နေပါလေ။

စိတ်ဓါတ်ခွန်အားတိုးပွားအောင် အတ္ထုပ္ပတ္တိစာတွေ များများဖတ်ပေးဖို့လိုမယ်။
ဗိုလ်ချုပ်အောင်ဆန်းအတ္ထု ပ္ပတ္တိဖတ်ရရင် ရိုးသားခြင်းက ထင်းထင်းပေါ်တယ်။ ဖြောင့်မတ်တာကိုတွေ့ရမယ်။ ကိုယ်ကျိုးမကြည့်၊ အများအကျိုးကိုကြည့်တတ်တာကိုသိရမယ်။ စံနမူနာယူစရာဖြစ်ရပ်တွေကို အမှတ်ရရဖြစ် နေမယ်။

တချို့ဆိုရင် ‘ဂျာနယ်ကျော်မမလေး’ရေးတဲ့ ‘သူလိုလူ’ကိုဖတ်မိလို့ သတင်းစာဆရာ၊ စာရေးဆရာ ‘ဂျာနယ် ကျော်ဦးချစ်မောင်’ကိုအားကျမိ၊ စံထားမိတယ်။ သူလိုစိတ်ဓါတ်မျိုးကို လေးမြတ်ကြည်ညိုမိတယ်။
‘ဗန်းမော်တင်အောင်’တို့၊ အခုအကျဉ်းစံသတင်းစာဆရာကြီး‘ဦးတင်းဝင်’တို့ဟာ ‘ဂျာနယ်ကျော်ဦးချစ် မောင်’ကို အားပြုခဲ့တဲ့ပုဂ္ဂိုလ်တွေပါ။ ကောင်းတာတွေအတုယူတော့ ကောင်းတဲ့စိတ်ဓါတ်တွေကူးစက်တယ်။ ကောင်းတဲ့အကျင့်စာရိတ္တကို အားကျမွေးမြူမိတယ်။

‘ဦးနေ၀င်း’အတ္ထုပ္ပတ္တိကို ဒေါက်တာမောင်မောင်ကရေးခဲ့တယ်။ စိတ်ဝင်တစားဖတ်ကြည့်မိပါတယ်။ ဆောင် ရန်မဟုတ်။ ရှောင်ရန်သင်ခန်းစာတွေရခဲ့တယ်။သူ့ရဲ့မကောင်းတဲ့စရိုက်ဆိုးတွေ ရုပ်လုံးပေါ်နေတာမြင်ရတယ်။
စာရေးသူ‘ဒေါက်တာမောင်မောင်’ကတော့ ကုဋ္ဌနူနာကိုရွှေချ၊ သနပ်ခါးလူးပေးတာပဲ။

ဒါပေမဲ့ပင်ကိုယ်ကပုပ်နေလေတော့ ညှီစို့စို့ပုပ်အဲ့အဲ့အနံ့ကမပျောက်။ အဲဒီအတ္ထုပ္ပတ္တိကတော့ စံပြုစရာ အတ္ထုပ္ပတ္တိမဟုတ်။ ဝေးဝေးကရှောင်ရမဲ့ သရုပ်ဆောင်ဇာတ်ကောင်တွေဖြစ်တယ်။

အတ္ထုပ္ပတ္တိတွေဖတ်ရတာကောင်းတယ်။ ဆောင်ရန်၊ ရှောင်ရန်တွေကို ဝေဖန်စဉ်းစားချင့်ချိန်နိုင်တယ်။

‘မာန်ဝင်ကာ အလှဂုဏ်ကိုးသူရဲ
အန်ချင်စရာ ငါ့ပုံကဆိုးရော့သလား’တဲ့…။
(ဦးဖိုးစိန်ကြီးရဲ့မင်းကုသငိုချင်းမှ)

တင်မိုး
၁၅-၀၁-၂၀၀၃

Read More

လူငယ့်ကြေးမုံ-၂

မိုးသောက်ကြယ်ဂျာနယ်အယ်ဒီတာအာဘော်အဖြစ်
ဆရာတင်မိုးရေးသားခဲ့သော `လူငယ့်ကြေးမုံများ`
(၂၀၀၄ ခုနှစ်၊ ဒီဇင်ဘာလထုတ် အတွဲ ၁၊ အမှတ် ၁ မှ)

လူငယ့်ကြေးမုံ-၂

ဖြူစင်တဲ့လူတွင်ကျယ်တွေကို ‘လူငယ်’လို့သတ်မှတ်ရမယ်။
နိုင်ငံရဲ့‘မိုးသောက်ကြယ်’တွေပေါ့။
လူငယ်ဆိုတာ ငါစွဲမကြီးရဘူး။ ငါစွဲမသို၊ ကိုယ်စွဲမထား၊ မေတ္တာပွားမှ လူငယ်တရားရှိရာရောက်မယ်။
လူငယ်အင်အားဖြုန်းတီးရင် နိုင်ငံကြီးပြိုပျက်မှာသေချာတယ်။ လူငယ်တွေဖရိုဖရဲဖြစ်နေသမျှ နိုင်ငံပြိုကွဲမှာမုချ။

လူငယ်တွေဟာ ကိုယ့်အခန်းကဏ္ဍကို ဖော့တွက်လို့မရဘူး။
နိုင်ငံရဲ့ တန်းဖိုးရှိတဲ့အသီးအပွင့်တွေဆိုတာ အမြဲသတိရရမယ်။
ကိုယ့်တန်ဖိုးဟာ နိုင်ငံအတွက် အင်မတန်ကြီးမားပြီး တန်ဖိုးရှိတဲ့ခွန်အားဆိုတာမမေ့ရဘူး။
လူငယ့်ဂုဏ်ကို အမြဲတစေပွားများနေအပ်တယ်။
ငယ်ရွယ်နုပျိုခြင်းဆိုတာ ထာဝရမပိုင်ဆိုင်ဘူး။ တခဏသာပိုင်ဆိုင်ခြင်းဖြစ်တယ်။
ခုလို သွေးသစ်သားသစ်လောင်းတုန်း၊ အရွယ်ကောင်းတုန်း၊ အကျိုးရှိအောင်နေရမယ်။ ကျင့်သုံးရမယ်။ ပျက်စီးလေလွင့်နေမယ်ဆိုရင် ဘ၀တခုလုံး အမှိုက်ပုံလို တန်ဖိုးမဲ့သွားလိမ့် မယ်။
‘တက်လူသာလျင်
မြန်မာပြည်မ၊ အားသစ်ရ၍
ဇေယျာအောင်လံထူမည်တည်း’တဲ့…။
မျိုးချစ်စာဆိုကြီး ဆရာဇော်ဂျီကလှုံဆော်ခဲ့ဖူးတယ်။
ဟုတ်တာပေါ့။
တိုင်းပြည်တခုရဲ့အနာဂတ်ကိုသိချင်ရင် ဒီနေ့လူငယ်တွေအခြေအနေကို အကဲခတ်ကြည့်ရင် သိနိုင်တာပေါ့။
လူငယ်တွေဦးတည်ချက်လွဲနေရင်၊ အပျော်ကြူးပြီး ယစ်မူးနေရင်၊ အချင်းချင်းအစေးမကပ်၊ စိတ်ဓါတ်တွေအကြောင်အကျားနဲ့ တကွဲတပြားဖြစ်နေရင် ဒီတိုင်းပြည်နာပြီသာမှတ်ပေတော့…။
အောင်ဆန်းလိုလူငယ်ကလေးတယောက် ထွန်းထွန်းတောက်တောက်ပေါ်ပေါက်လာလို့ တို့တိုင်းပြည်ဟာ ကိုလိုနီထမ်းပိုးအောက်က လွတ်မြောက်ခဲ့ရတယ်။
အောင်ဆန်းဟာ မြန်မာ့လွတ်မြောက်ရေးလမ်းကို ဘယ်ပုံရှာခဲ့တယ်ဆိုတာ ဂျပန်ရောက်မြန်မာလူငယ်တွေ အသိဆုံး…။ အထူးပြောဖွယ်မလို…။
“အရေးကြီးပြီ ညီနောင်အပေါင်းတို့ သွေးစည်းကာ ညီစေညီကြစို့…”

တင်မိုး
၂-၁၂-၂၀၀၂
ခေတ္တ ဘန်ကောက်

Read More

ဆရာတင်မိုးရေးသားခဲ့သော လူငယ့်ကြေးမုံများ-၁

မိုးသောက်ကြယ်ဂျာနယ်အယ်ဒီတာအာဘော်အဖြစ်
ဆရာတင်မိုးရေးသားခဲ့သော `လူငယ့်ကြေးမုံများ`
(၂၀၀၃ ခုနှစ်၊ နိုဝင်ဘာလထုတ် အာဟာရစာစောင် အမှတ်စဉ် ၄၅ မှ)

လူငယ့်ကြေးမုံ-၁
“အရာရာတွင်ကျယ် တို့လူငယ်
နောင်တခေတ်မှာ ခေါင်းဆောင်ဖြစ်နိုင်တယ်…”တဲ့။
ဂျပန်ခေတ် ‘အာရှလူငယ်’သီချင်းထဲက စာတပုဒ်။ အလွန်အဖိုးတန်တဲ့စာသားပါ။
ဟုတ်ကဲ့- လူငယ်ဆိုတာ ဘာမဆိုဖြစ်နိုင်စွမ်းရှိတဲ့ အရွယ်ပျို၊ အရွယ်ကောင်းကလေးတွေပါ။
ခေတ်ကိုဖန်တီးနိုင်တယ်။ ဦးဆောင်နိုင်တယ်။

“တို့တကိုယ်ကောင်းစိတ်ထားပယ်
အများအကျိုးအတွက် ထမ်းရွက်မယ်။
နေမင်းရောင် လမင်းရောင်၊ တို့စွမ်းပြရမယ်…”တဲ့။
ဒါလဲ ‘အာရှလူငယ်’သီချင်းထဲကစာပုဒ်ပါပဲ။
ဘယ်လောက်ကောင်းသလဲ။ တကိုယ်ကောင်းစိတ်ကို ပယ်ရမတဲ့။ ဟုတ်လိုက်လေ။
မိမိတကိုယ်တော်နာမည်ကြီးဖို့၊ ရှေ့တန်းရောက်ဖို့၊
အကျိုးစီးပွားဖြစ်ထွန်းဖို့… ဖို့… ဖို့…၊ အဲဒီ ‘ငါ့ဖို့’ အကျိုးရှေးရှုတဲ့အရာတွေကို ဖယ်ရှားပစ်ရမယ်။
ကုလားထိုင်မမက်ရဘူး။ နေရာမမက်ရဘူး။ တွင်ကျယ်အောင်မရည်ရွယ်ရဘူး။
တော်သူကို တော်သလိုနေရာပေးနိုင်ရမယ်။ အများအကျိုးကိုအဓိကထားရမယ်။
ပြောတော့လွယ်လွယ်ကလေးပါ။ လက်တွေ့ကျင့်တော့ အလွန်ခက်တယ်။ ငါ့နေရာ၊ ငါ့သြဇာ၊ ငါ့လူ၊ ငါ့မူ၊ ငါ့သဘော၊ ငါ့မနော၊ ငါတကောကောနေကြတဲ့အတွက် အစည်းအရုံး၊ အဖွဲ့၊ အသင်းပျက်တယ်။
ကိုယ့်ကိုယ်ကိုယ်ပဲ အမှန်ထင်
ကိုယ့်အပြစ်ကို ကိုယ်မမြင်
ကိုယ်ထင်ကုတင်ရွှေနန်း
ကိုယ်သွားတဲ့လမ်းမှအမှန်
‘ငါ’နိုင်ငံ ‘ငါ’နယ်ချဲ့ကြတယ်။
ဒီတော့ ပန်းတိုင်ပျောက်၊ ပန်းတိုင်ကတလွဲ၊ အဓိက သာမညမကွဲ၊ ပုံကြီးချ›ဲတတ်ကြတယ်။ လူကဲ့ရဲ့စရာတွေ ဖြစ်လာတာပေါ့။ ကိုယ့်ကိုယ်ကိုယ်သိ၊ ကိုယ့်ကိုယ်ကိုယ်ဝေဖန်၊ ကိုယ့်ဉာဏ်နဲ့ဆင်ခြင်၊ အမှန်ရောက်အောင်ပြင်ဖို့ လိုတယ်။
အများအကျိုးဆောင်တယ်ဆိုတာလွယ်တာမဟုတ်။
အလွန်ခက်ခဲမွန်မြတ်ပြီးစွန့်လွှတ်ရတဲ့အလုပ်။

တင်မိုး
၁၄-၁၁-၂၀၀၂
ခေတ္တ တိုကျို

Read More