ဦးခွန်ထွန်းဦး၊ ရှမ်းပြည်နိုင်ငံရေးခေါင်းဆောင်နှင့် နိုင်ငံရေးအကျဉ်းသားများလွတ်မြောက်ရေးတောင်းဆိုဆန္ဒပြပွဲ

လွန်ခဲ့သော (၅) နှစ် ၂၀၀၅ ခုနှစ် ဖေဖော်ဝါရီလ ( ၈ ) ရက် နှင့် ( ၉ ) ရက်နေ့များတွင်  တိုင်းပြည်၏ နိုင်ငံရေးအရ ပြု ပြင်ပြောင်းလဲရေးအတွက် ငြိမ်းချမ်းစွာစည်းရုံးလှုံ့ဆော်နေသော ရှမ်းတိုင်းရင်းသားခေါင်းဆောင်များဖြစ်သည့် ဦးခွန်ထွန်းဦး၊ ဗိုလ်ချုပ်ဆေထင်၊ စိုင်းနွတ်(ခေါ်)စိုင်းညွှန့်လွင်နှင့် ရှမ်းပြည်နယ် မှ နိုင်ငံရေးခေါင်းဆောင်များ၊ မြန်မာနိုင်ငံတဝန်းရှိ အကျဉ်းထောင်များအသီးသီးတို့တွင် ဆက်လက်အကျဉ်းကျဆဲခံနေရသည့် နိုင်ငံရေး အကျဉ်းသားများ လွတ်မြောက်ရေးအတွက် တောင်းဆို ဆန္ဒပြပွဲ ကို ညီညွတ်သောတိုင်းရင်းသားများအဖွဲ့ ( AUN-JAPAN) ၏ ဦးဆောင်မှုဖြင့် ယနေ့ ဒီဇင်ဘာလ ( ၉ ) ရက် နေ့ တွင် တိုကျိုမြို့ ရှီဘူယ ရပ်ကွက်တွင်ရှိသော ကုလသမဂ္ဂအဆောက်အဦးရှေ့တွင် ပြုလုပ်ခဲ့ကြပါသည်။
 

ဦးခွန်ထွန်းဦးသည် နအဖ၏ဥပဒေလုပ်ထုံးလုပ်နည်းများနှင့်အညီ မှတ်ပုံတင်ထားသော ရှမ်းအမျိုးသားများ ဒီမိုကရေစီအဖွဲ့ချုပ်၏ဥက္ကဌတစ်ဦးလည်းဖြစ်သည်။ ထိုနည်းတူ ဗိုလ်ချုပ်ဆေထင်မှာလည်း ရှမ်းပြည်ငြိမ်းချမ်းရေး ကော်မတီ၏ဥက္ကဌဖြစ်ပြီး  တစ်ချိန်ကနအဖစစ်အုပ်စုအား တိုက်ခိုက်ခဲ့သူတစ်ဦးဖြစ်သော်လည်း ၊ပြသနာများကို ငြိမ်းချမ်းသောနည်းဖြင့် အပေးအယူပြုလုပ်ပြီး ၊ပြုပြင်ပြောင်းလဲလိုသူတစ်ဦးဖြစ်သည့်အလျောက် စစ်အစိုးရနှင့် ငြိမ်းချမ်းရေးရယူထားသူ တစ်ဦးလည်းဖြစ် ပေသည်။ သူတို့ကို စစ်အစိုးရက ထိန်းသိမ်းလိုက်သည့် အချိန်အထိ သူတို့သည်မြန်မာနိုင်ငံအတွက် အမျိုးသားပြန်လည်သင့်မြတ်ရေးကို တခြားသော ညီအစ်ကိုတိုင်းရင်းသားများနှင့် လက်တွဲကာပျော်ရွှင်စွာ ပူးပေါင်းဆောင်ရွက်နေသူများ ဖြစ်ပေသည်။ ငြိမ်းချမ်းသော ကြိုးစားအားထုတ်မှုနှင့် ကိုယ်ကျိုးစွန့်မှုများကို စစ်အစိုးရက နိုင်ငံရေးပြိုင်ဘက်များအပေါ် နှစ်ရှည်ထောင်ဒဏ်များဖြင့် တုံ့ပြန်ချီးမြှင့်လိုက်ခြင်းပင်ဖြစ်ပေသည်။
 

နအဖစစ်အုပ်စုသည် ဦးခွန်ထွန်းဦးအား ထောင်ဒဏ် (၉၃)နှစ်ဖြင့် မြန်မာနိုင်ငံ မြောက်ဖျားပိုင်း ကချင်ပြည်နယ် ၊ ပူတာအို အကျဉ်းထောင် သို့လည်းကောင်း ၊ ဗိုလ်ချုပ်ဆေထင်အား ထောင်ဒဏ် (၁၀၆)နှစ် ဖြင့်  မြန်မာနိုင်ငံ အနောက်မြောက်ပိုင်း စစ်ကိုင်းတိုင်းရှိ ခန္တီးအကျဉ်းထောင် သို့လည်းကောင်း ၊ စိုင်းနွတ် ခေါ် စိုင်းညွန့်လွင်အား ထောင်ဒဏ် (၈၅) နှစ်ဖြင့် စစ်ကိုင်းတိုင်းရှိ ကလေးမြို့ အကျဉ်းထောင်သို့လည်းကောင်း၊ ၂၀၀၆ခုနှစ် မေလ က သံတွဲထောင် တွင် နှလုံးရောဂါဖြင့် ကွယ်လွန်သွားသော သျှမ်းပြည်မျိုးဆက်သစ်ခေါင်းဆောင် (တောင်ကြီး)  ဆရာဦးမြင့်သန်းနှင့် အဖွဲ့ ဝင်များကို ထောင်ဒဏ် (၇၅)နှစ်နှင့် အခြားခေါင်းဆောင်များအား မြန်မာနိုင်ငံအနောက်ပိုင်း ရခိုင်ပြည်နယ်ရှိ  အကျဉ်းထောင်အသီးသီးသို့ ပြောင်းရွှေ့ချုပ်နှောင်ခြင်းများခံခဲ့ကြရသည်။ ပြီးခဲ့သည့် ၂၀၁၀ ခုနှစ် ဇူလိုင်လ (၃၁) ရက် နေ့တွင် ဗိုလ်ချုပ်ဆေထင် အား မျက်စီခွဲစိတ်ကုသပေး မည်ဟူသော အကြောင်းပြချက်ဖြင့် ခန္တီးထောင် မှ မန္တလေး အိုးဘိုထောင်သို့  ပြောင်းရွှေ့ခဲ့ပါသည်။ ထို့ပြင်ဗိုလ်ချုပ်ဆေထင်သည် သွေးတိုး ၊ ဆီးချို နှင့် နှလုံးရောဂါများ ခံစားနေရကြောင်း သိရှိရပါသည်။ထို့နည်းတူ ဦးခွန်ထွန်းဦး သည်လည်း ဆီးအိမ်ပြသ နာ များ ၊ ဆီးချို နှင့် သွေးတိုးရောဂါ များကိုပါ ခံစားနေရပါသည်။ ခံစားနေရသည့် ရောဂါဝေဒ နာများကို  ဆရာဝန်များနှင့် ပြသခွင့် မရရှိခဲ့ခြင်း ၊ ဝေးလံသော ထောင် များသို့ တစ်ဦးစီ ပြောင်းရွှေ့နေရာချထား ခြင်းများက မိသားစုများနှင့်ပါ အဆက်ဖြတ်ထားခြင်းဖြစ်ပြီး ၊ အကျဉ်းသားများ၏ လူ့အခွင့်အရေးများကို လျစ်လျူရှူခြင်းများက စစ်အစိုးရ အနေနှင့် ကုလသမဂ္ဂ ပဋိညာဉ် စာတမ်းပါ အချက်အလက်များကို ပြောင်ပြောင်တင်းတင်း ချိုးဖောက်လိုက်ခြင်းပင်ဖြစ်သည်။
စစ်အုပ်စုအနေဖြင့် စစ်အာဏာရှင်စနစ် သက်ဆိုးရှည် လိုသည်ကလွဲရ်ျ ပြသနာများကို နိုင်ငံရေးနည်းလမ်းဖြင့် ဖြေရှင်းလိုသော ဆန္ဒအလျဉ်းမရှိပေ။ ဦးခွန်ထွန်းဦး ၊ဗိုလ်ချုပ်ဆေထင် နှင့် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများသည် မိမိတို့၏ ကံကြမာ®ကို ကြိုတင်သိမြင်သည့်ကြားက ယခုလို မိမိတို့၏ ဘဝကို အမိနိုင်ငံ အတွက် မြှုပ်နှံစတေးပြီး ပေးဆပ်ကာ စစ်မှန်သော ဒီမိုကရေစီ ရရှိရေး တို့အတွက် ယခုအချိန်အထိ ဆက်လက်တိုက်ပွဲ ဝင်လျက်ရှိ ပါသည်။
 

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ ထုတ်ပြန်ကြေငြာချက် အရ မြန်မာနိုင်ငံတစ်ဝန်းရှိ အကျဉ်းထောင်များတွင် နိုင်ငံရေးအကျဉ်းသား (၂၁၇၁)ယောက်  ရှိကြောင်းနှင့် ထိုနိုင်ငံရေးအကျဉ်းသားများထဲတွင် တိုင်းရင်းသားအကျဉ်းသား (၂၀၇)ယောက် ရှိကြောင်း သိရှိရပါသည်။
 

ထို့ကြောင့် မြန်မာနိုင်ငံတစ်ဝန်းရှိ အကျဉ်းထောင်များတွင် အကျဉ်းကျခံနေရဆဲ နိုင်ငံရေးအကျဉ်းသားများ၊ ဦးခွန်ထွန်းဦး၊ တိုင်းရင်းသားအကျဉ်းသားများ၊၁၉၈၂ ခုနှစ်ကတည်းက စတင်အကျဉ်းချခံနေရသော ထောင်သက် (၂၈) နှစ်ရှိပြီဖြစ်သည့် ကရင်ရဲဘော်လေး တူးကီ တို့ လွတ်မြောက်လာ စေရန်အတွက် ဂျပန်ရောက် မြန်မာ့ဒီမိုအရေးလှုပ်ရှုားသူများက လစဉ်လတိုင်း (၉) ရက်နေ့တွင် တောင်းဆိုမှုများကိုပြုလုပ်သွားမည်ဖြစ်ပါသည်။

 

နန်းအိမွန်ချစ်

Posted in: ဂျပန်လှုပ်ရှားမှုသတင်း(Japan Movement News)