Dvd versionလက်ထဲသို့ရလာလို့မြန်မာ့သမိုင်းနဲ့ပတ်သတ်တဲ့ရာဇ၀င်ရုပ်ရှင်ဇာတ်ကားကြီးကို ကြိုးစားပြီး တင်လိုက်ပါတယ်။ youtubeမှာတင်ထားတာတွေ့ရပေမဲ့ ရုပ်မကြည်လင်မှု အင်္ဂလိပ်စာတမ်းထိုးမပါတာနဲ့ဖြစ်နေပါတယ်။နရဲစွမ် ဇာတ်ကား မကြည့်မီ သမိုင်းကြောင်းဆိုင်ရာ အချက်အလက်များ ဖတ်ရှုထားပါကပိုပြီး စိတ်ဝင်စားဖွယ်ကောင်း သည်ကို ခံစားရမှာဖြစ်ပါကြောင်း။
ထိုင်းနိုင်ငံ မှ ရိုက်ကူးသော သမိုင်းဆိုင်ရာ ရုပ်ရှင်များအနက်“ THE LEGEND OF KING NERASUAN THE GREAT ’” ကို ထိုင်းဘုရင် ၏ တူတော်သူ မင်းသား Chatrichalerm Yukol က ရိုက်ကူးခဲ့ ခြင်းဖြစ်ပြီး ၄င်း ဒါရိုက်တာ သည် ၂၀၀၁ ခုနှစ် ဆီတုန်းက Legend of Suriyothai ရုပ်ရှင်ကားကြီး ကို ရိုက်ကူးခဲ့သူလည်း ဖြစ်ပါသည်။ထိုင်းရုပ်ရှင်သမိုင်း မှာ အကြီးအကျယ်ဆုံး၊အခန်းနားဆုံး၊ ကုန်ကျစရိတ် အများဆုံး ဖြစ်ဖွယ်ရာ ရှိသော နရဲစွမ် ဘုရင် ( ဖရာနရာဇ် ၊ ဗြနရာဇ် ၊ Black Prince စသဖြင့် ခေါ်ကြသည် )အကြောင်း ရုပ်ရှင်ကားကြီး ကို ကန်ချနာဘူရီ ခရိုင် တွင် ကမ္ဘောဇသာဒီ နန်းတော် ပုံစံ ဆက်တင်ဆောက်ကာ ဘတ်သန်း ၇၀၀ အကုန်အကျ ခံ ကာ ရိုက်ကူးခဲ့ခြင်းဖြစ်သည်။
ဒီဇာတ်ကားကတော့ ရာဇဝင် စစ်ဇာတ်ကြမ်းရုပ်ရှင် ကားတစ်ကားနဲ့ ပိုတူပါတယ်။ သရုပ်ဆောင်အင်အား တစ်သိန်း ကျော်၊ ဇာတ်ဝင်အခမ်းအနားဝတ်စုံ ၆၀ဝဝဝ (ခြောက်သောင်း)၊ စစ်လက်နက်ကိရိယာ ၄၀ဝဝ (လေးထောင်) နဲ့ ရိုက်ကူးထုတ်လုပ် မှု ကုန်ကျစရိတ် ဘတ် သန်း ၇၀ဝ ရှိတယ်လို့ ဆိုတာမို့ထိုင်းရုပ်ရှင် သမိုင်းမှာတော့ အကုန်အကျ အများဆုံးနဲ့ အခမ်းနား အကြီးကျယ်ဆုံး ပြင်ဆင် ရိုက်ကူးထားတဲ့ ဇာတ်ကားပါပဲ။
လွန်ခဲ့သော သုံးနှစ်က အချိန်ယူပြီး အသေအချာ ပြင်ဆင် ရိုက်ကူးခဲ့သော အပိုင်း(၃)ပိုင်း ပါသော ယင်းဇာတ်ကား အတွက် Lord of the Rings ရုပ်ရှင် ဒါရိုက်တာ Peter Jackson ထံ မှ အကြံဥာဏ် များ ရယူခဲ့ပြီး အပိုင်း သုံးပိုင်း ခွဲ ကာ ရိုက်ကူးခဲ့ခြင်းဖြစ်သည်။ ယင်း ဇာတ်ကား၏ အပိုင်းများကို အောက်ပါအတိုင်း ခွဲထားသည်။
၁။ ဟံသာဝတီ အကျဉ်းသား Pegu's Hostage
၂။အချုပ်အချာအာဏာ ကို ပြန်လည်ရယူခြင်း Reclaiming Sovereignty
၃။မြန်မာအိမ်ရှေ့မင်းသား မင်းကြီးစွာနှင့် ဆင်စီးချင်းထိုးခြင်း The historic elephant battle between Naresuan and Phra Maha Upparacha of Burma.
အထက်ပါ အပိုင်းများအနက် အပိုင်း ၁ နှင့် ၂ သည် ရုံတင်ပြီး ဖြစ်သည်။ အပိုင်း ၃ ကို ထိုင်းဘုရင်, King Bhumibol Adulyadej ၏ အသက် ရှစ်ဆယ်ပြည့် မွေးနေ့ ကျရောက်သော ၂၀၀၇ ၊ ဒီဇင်ဘာလ ၅ ရက်နေ့ တွင် ရုံတင် နိုင်ရန် ကြိုးစားခဲ့ သော်လည်း အဆင် မပြေခဲ့ပါ။
ဇာတ်လမ်းအကျဉ်း
အပိုင်း(၁)ဟံသာဝတီ အကျဉ်းသား Pegu's Hostage ဇတ်လမ်းအကျဉ်း
ဟံသာဝတီ အကျဉ်းသား Pegu's Hostageတွင် အဓိက အပိုင်းကြီး ၄ ပိုင်း ပါဝင်ပါသည်။ ယင်းတို့မှာ
(၁) အယုဒ္ဓယ နှင့် ပစ္စနုလောက် ကျဆုံးခန်း
ဘုရင့်နောင် မင်းတရားကြီး၏ ပဲခူးတပ်များ ပစ္စနုလောက် ကို ၀င်ရောက်တိုက်ခိုက်ခဲ့ သောအခါ ဘုရင် ဓမ္မရာဇာ က အယုဒ္ဓယ ဘုရင်ထံမှ စစ်ကူ ကို မျှော်လင့်ခဲ့သော် လည်း အယုဒ္ဓယ ဘုရင် ချက္ကရာပါဒီ ကိုယ်၌က အယုဒ္ဓယ ကို ကာကွယ်နေခဲ့ရ သဖြင့် ပစ္စနုလောက် ကျဆုံးခဲ့ပြီးနောက် ဘုရင့်နောင်ထံ တွင် သစ္စာခံခဲ့ရသည်။ ဘုရင့်နောင် က စိတ်ချရစေရန် ဘုရင် ဓမ္မရာဇာ ၏ သားတော် နရဲစွမ် မင်းသားကို ဓားစာခံ အနေဖြင့် ခေါ်ဆောင်သွားခဲ့သည်။ သို့ဖြင့် နရဲစွမ် မင်းသားလေး သည် ဘုရင့်နောင် စစ်ချီရာ အယုဒ္ဓယ သို့ ပါသွားခဲ့ပြီး စစ်မြေပြင် အတွေ့အကြုံများစွာ ရခဲ့ သည်။ အယုဒ္ဓယ ကျဆုံးပြီး ပဲခူး ၏ လက်အောက် သစ္စာတော်ခံပြည်နယ် တခု ဖြစ်လာ ပြီး ဘုရင် ဓမ္မရာဇာ ကို မင်းအဖြစ် ဘုရင့်နောင် က တင်မြောက်ပေးခဲ့သည်။(၂) အယုဒ္ဓယ နှင့် ဟံသာဝတီ နန်းတော် အတွေ့အကြုံ
ပဲခူး နေပြည်တော် သို့ ခေါ်ဆောင်ခြင်းခံ ခဲ့ရသော နရဲစွမ် မင်းသားလေး ကို ဘုရင့်နောင် မင်းတရား ၏ သားတော်တစ်ပါး ကဲ့သို့ ဆက်ဆံခြင်း ခံရပြီး မင်းသား တစ်ပါး ၏ အဆောင်အယောင် ဖြင့် လေးစားစွာ ဆက်ဆံခြင်းခံရသည်။ တစ်နေ့ တွင်ယိုးဒယား မှ ပါလာသော စစ်သုံ့ပန်းများ၊စစ်ပြေး များ စုစည်းထားရှိရာ နန်းတော်အနီး ယိုးဒယား ရပ်ကွက် သို့ မြင်းစီးအသွားတွင်စားစရာများ ခိုး ယူသည် ကို မိသွား သဖြင့် လူအုပ်ကြီး က ၀ိုင်းလိုက်ခြင်းခံရသော လမ်းတေလေး တစ်ဦး ကို ကယ်ခွင့် ရ လိုက် သည်။ အမည်ပင် မရှိ ရှာ သော ယင်း လမ်းတေလေလေး ကို နရဲစွမ် မင်းသား လေး က “ဘန်တင်း” ဟု အမည်ပေးခဲ့သည်။
(၃) မွန်ဆရာတော် ထံ တွင် ကိုရင်ဝတ်ပြီး စစ်ရေးအတတ်ပညာ သင်ယူခြင်း
နရဲစွမ် မင်းသားလေး ကိုရင် အဖြစ် သင်္ကန်းစီးသောအခါ ဘန်တင်း က ကျောင်းသား အဖြစ် ရှိလာတော့သည်။ ဘုန်းကြီးကျောင်း မှ ကျောင်းသူ Manechan နှင့် သူငယ်ချင်း ဖြစ်လာခဲ့ပြီး သူငယ်ချင်း ၃ ယောက် ပေါင်း လောင်းကျော်ခဲ့သည်။ ဆရာတော် တားမြစ် ထားသော ကြက်တိုက်ခြင်း ကိုပင် လုပ်ခဲ့ကြသည်။ ဆရာတော် ၏ သွန်သင် ဆုံးမမှုအောက်တွင် နေရင်း ကိုယ်ခံ ပညာ နှင့် စစ်ရေး အတတ် ပညာ များကို ဆည်းပူးလေ့လာ ခွင့် ရခဲ့သည်။
(၄) ပဲခူးဈေး မှ ယိုးဒယားများ၏ ဘ၀
ဘုရင့်နောင် မင်းတရားကြီး မှလည်း လက်အောက်ခံ ယိုးဒယားပြည်နယ် ကို ထိန်းချုပ်မှု ခိုင်မာအောင် ပြုလုပ် လာခဲ့သည်။ နရဲစွမ် မင်းသား၏ အမတော် မင်းသမီး ဆုပန်ကလျာ ကို ပဲခူး သို့ ခေါ်ဆောင်ပြီး ကြင်ယာတော် အဖြစ် တင်မြောက်ခဲ့သည်။ အမတော် မှာ လည်း ဓားစာခံ အဖြစ် ပဲခူးသို့ရောက်လာပြီ ဖြစ်သဖြင့် မင်းသား နရဲစွမ် က ပြည်တော်ပြန်ရန် အချိန်ကျပြီ ဟု ဆုံးဖြတ်လိုက်ပြီး သူ ၏ သစ္စာတော်ခံ နောက်လိုက် ငယ်သား များကို စုစည်းကာ ထွက်ပြေးလွတ်မြောက်တော့သည်။
ရုပ်ရှင်နှင့်ပါတ်သက်၍ သူတို့အပြော၊သူတို့အမြင်
၃ ကားတွဲ ဇတ်လမ်း၏ ပထမဆုံး အပိုင်း ဖြစ်သော ဟံသာဝတီ အကျဉ်းသား Pegu's Hostage ဇတ်ကား ကို ထိုင်းနိုင်ငံ တွင် ၂၀၀၇ ဇန်န၀ါရီ ၁၈ က ရုံတင်ပြသသော အခါ စာနယ်ဇင်း များကြား တွင်လည်း လှုပ်ခတ်သွားခဲ့သည် ဟု ဆိုသည်။ ရှေး ယခင် ယိုးဒယား ရုပ်ရှင်ကားတိုင်းတွင် ယိုးဒယား များ ၏ ရန်သူ ဆိုလျှင် မြန်မာ ဟု သတ်မှတ်ပြီးသား ဖြစ်နေ ခဲ့ကြသည်။ သမိုင်းအရကော အမြင်အရပါ မြန်မာတွေ ကို လူကြမ်း တွေရန်သူတွေ အဖြစ် အလွယ် လက်ဖြစ် သရုပ်ဆောင် စေခဲ့တာ ချည်း ဖြစ် သည်။ထိုင်းရုပ်ရှင်ကြည့် ပရိသတ်ကလည်း အဲဒီအချက် ကို ရိုက်သွင်း ခံထားရ သည့်အတွက် စိတ်ဓါတ်ရေးရာမှာကို ရန်သူ တွေ လို့ လက်ခံထားပြီး ဖြစ် နေခဲ့တာ ချည်း ပဲ ဖြစ်ခဲ့ရာ က မတူသောအမြင် နှင့် ချဉ်းကပ်ထားသော ဤ ရုပ်ရှင် ကား သည် အထူးအဆန်း ဖြစ်ခဲ့ကြသည်။
ထိုင်းသမိုင်း ကို အမြင်သစ်ဖြင့်ချဉ်းကပ်ခြင်း ဟူသော ခေါင်းစဉ် ပေးရ လောက်အောင် ယိုးဒယား-မြန်မာ သမိုင်းကြောင်း ကို အကောင်းမြင်ဝါဒ ဖြင့် ရိုက်ခဲ့ ကြောင်း ဖော်ပြခဲ့ကြသည်။ အထူးသဖြင့် ယိုးဒယား သမိုင်း တွင် သြဇာကြီးသော၊ လေးစား ချစ်ခင်ခြင်း ခံရသော ( သူတို့ဘာသာဖြင့် Pu Chanah Sip Tit အရပ်ဆယ် မျက်နှာ ကို အောင်နိုင်သူ အဖြစ် ၀တ္တုဇတ်လမ်း နှင့်လည်းကောင်း၊ သီချင်းဖြင့် လည်း ကောင်း တင်စားခေါ်ဝေါ်ခြင်း ခံရသည့် ) မြန်မာဘုရင် ဘုရင့်နောင် မင်းတရား ကြီး နှင့် ပါတ်သက်ရှုမြင်ပုံ မှာ လက်ရှိသမားရိုးကျ အမျိုးသားရေး ၀ါဒဖြန့် မြန်မာ မုန်းတီးရေး ရုပ်ရှင်ကား များ နှင့် ခွဲထွက်ထားကြောင်း ဖော်ပြ ထားသည်။
သူတို့အပြောအရဆိုလျှင်တော့ယခုဇတ်ကား(KING NARESUAN)သည်အမျိုးသား ရေးဝါဒ ဦးစားပေး ရိုက်ထား တာ မဟုတ်ပါ ဘူး ဟုဆိုပါသည်။
ဒါရိုက်တာ . MC Chatrichalerm က သည်လိုပြောထားပါသည်။
“ကျွန်တော်တို့ သမိုင်း အခြေခံတဲ့ ရုပ်ရှင်ကားရိုက်ရင် “ဘယ်သူ့သမိုင်းရိုက်မှာလဲ” လို့ ကိုယ့်ကို ကိုယ် ပြန်မေး ပါတယ်။ နရဲစွမ် အတွက် သမိုင်းအထောက်အထား သုတေသနလုပ်တော့ အိမ်ရှေ့မင်းသားကြီး Utumporn ရေးတဲ့ အချက် တွေ ကို အခြေခံရ ပါ တယ်။ သူက နရဲစွမ် အဖြစ်အပျက်ဖြစ်ပြီး နှစ် ၁၅၀ လောက်အကြာ မှာ မြန်မာပြည် ကို သွားနေပြီး လူအတော် များများ နဲ့ တွေ့ဆုံမေးမြန်းပြီး သမိုင်းမှတ်တမ်း ရေးခဲ့တာပါ။ အဲဒါ ကို ဘာသာပြန်ဘို့ ကျွန်တော့မှာ မြန်မာ ပရော်ဖက်ဆာ တစ်ယောက် ရှိပါတယ်။ ပြီးတော့ အခြားသမိုင်းစာအုပ်တွေ နဲ့ အပြန်ပြန် အလှန်လှန် တိုက်ဆိုင် စစ်ဆေးခဲ့ပါတယ်။”
“ ကျွန်တော်တို့ နရဲစွမ် ဘုရင် ဇတ်ကား ကို ထိုင်းအမျိုးသားရေးဝါဒ နဲ့ ချဉ်းကပ်ပြီး ရိုက်ထားတာ မဟုတ်ပါဘူး။ဘာဖြစ်လို့ လဲ ဆို တော့  အခုခေတ်ဟာ ထီးထီးကျန်နိုင်ငံ ပုံစံ နဲ့ ရပ်တည်လို့ မရပါဘူး။ ၁၆ ရာစုတုန်းက ဒေသလေးတွေကိုမြန်မာဘုရင်ဘုရင့်နောင် က သူ့လက်ရုံးအောက် သိမ်းသွင်း ထားနိုင်ခဲ့တယ်။ Ghost Game လို Mak Te လို ဇတ်ကားတွေဟာ အိမ်နီးချင်းနိုင်ငံ တွေကို နှိမ့်ချရိုက်ကူး ပုံဖော်ထားလို့ သူတို့ရဲ့ အမျက်ဒေါသ တွေကို ထွက်စေခဲ့ပြီးပြီ။ နရဲစွမ် မှာတော့ ကျွန်တော်က မြန်မာ ကို အယုဒ္ဓယ ထက် အသာ စီးနေရာ က ပုံဖော်ရိုက်ကူးထားတယ်။ မြန်မာ တွေ ကို ကျွန်တော်တို့ရဲ ရန်သူတော်ကြီး ဆိုတဲ့ပုံမျိုး ကျွန်တော် ပုံဖော် မထား ပါဘူး”
ဒါပေမယ့်လည်း ၀ိဝါဒကွဲစရာ၊ အမြင်မတူတဲ့ အချက် တချက် ကတော့ ဒီရုပ်ရှင် ကားမှာ ရှိလာလိမ့်မယ် လို့ ဒါရိုက်တာ ကဖွင့်ဟ ပါတယ်။ အဲဒါကတော့ နရဲစွမ် က သူ့တပ်အတွက် လူစု တဲ့အခါ မွန်လူမျိုးတွေ ပါဝင် ကူညီပြီး မြန်မာတွေ ကို ပြန် တိုက်တယ် ဆို တဲ့ အချက်ပါ။
“လူထုကို ဖျော်ဖြေရန်ရေပန်းစားလူကြိုက်များဘို့ နဲ့ တည်ကြည်လေးနက်တဲ့ သမိုင်းကဏ္ဍ ဖြစ်ဘို့ နှစ်ခုအကြားမှာ ကြားညှပ်ရရှာတဲ့ ရုပ်ရှင် ” လို့ ဘန်ကောက်ပို့စ် သတင်းစာကြီး က မှတ်ချက်ပေးပြီး ဿ နေရှင်း သတင်းစာကြီး ကတော့ “ တစ်မူ ထူးခြားတဲ့ ဘုရား ကျောင်းတွေ၊ နန်းတော်ကြီးတွေ ၊ရောင်စုံနန်းတွင်း အ၀တ် အစား တွေ၊ဒီဇိုင်းပြုလုပ်ချက်တွေအားလုံးကိုအသေးစိတ်စေ့စေ့စပ်စပ် စီစဉ်ပြသ နိုင်ခဲ့တာမို့ လှပသေသပ်တဲ့ ရုပ်ရှင်ကား ဖြစ်ပါတယ် ” လို့ မှတ်ချက်ပေးခဲ့ပါတယ်။
အပိုင်း ၁ အပြီးထိတော့ ခံစားမိသည်မှာ ဘန်ကောက်ပို့စ် သတင်းစာကြီး က ဝေဖန်သလို သမိုင်းအချက်အလက်တွေ ပီပြင်သလား ဆိုတော့လည်း မပီပြင်ဘဲ ဟိုဘက် သည်ဘက် ထောက်ပြစရာတွေ အများကြီးတွေ့ရပါသည်။ သမိုင်းအချက် အလက် မှန်ကန်ရေး ဟူသော အချက် ကို ဖျော်ဖြေရေး နှင့် လူကြိုက်များ ၀င်ငွေ ရရေး ဟူသော အချက် က ဖုံးလွှမ်းသွားသည် ဟူသော အချက် ကို ခံစား ရပါ သည်။ အထူးသဖြင့် နိုင်ငံတကာ ထိုးဖောက်နိုင်လောက်အောင် ငွေတွေ တလဟော သုံးကာ ရိုက်ခဲ့သော ရုပ်ရှင်ကားကြီးသည် ထိုင်း ပြည် သူတွေထံက ၀င်ငွေရလိုဇော နှင့် ဖျော်ဖြေရေးကဲသော ထိုင်းပြည်သူ အကြိုက် ဇတ်ကွက် များနှင့် ပြည့်နှက် နေရာ သဲတ ရှပ်ရှပ်၊ အဆီတ၀င်းဝင်း ဖြစ်နေပါသည်။
မြန်မာဇတ်ကောင်တွေ နှင့် ယိုးဒယား ဇတ်ကောင် တွေ အ၀တ်အစား၊ အသုံး အဆောင် တွေ ကွဲကွဲပြားပြား မရှိရသည့် ကြားထဲ မြန်မာ ဇတ်ရုပ် သရုပ်ဆောင်များ နေရာတွင် ထိုင်း လူမျိုးများ သရုပ်ဆောင်စေခြင်း ၊ အဓိက ဇတ်ရုပ် ဘုရင်နောင် မင်းတရားကြီး အပါအ၀င် မြန်မာ နေပြည်တော် မှ မြန်မာဇတ်ရုပ်အားလုံးတို့ က ထိုင်း စကားကို သွက်သွက်လက်လက်ကြီး အစမှ အဆုံး ပြောဆိုနေ သည့် အချက် က တော့ မဖြစ်သင့်ပါ ။(နိုင်ငံခြားတိုင်းပြည်တွေ ကို ပြသခဲ့လျှင် အော် အရင်ခေတ် တုန်း က မြန်မာတွေ ဟာ ယိုးဒယားစကားကိုပဲ ပြောကြ တာပဲ နောက်မှ မြန်မာစကား ပေါ်လာ တာလား မသိပါဘူး ဆိုသော အတွေး မျိုး ပေါ်လာစရာ ရှိ ပါသည်။) မြန်မာစကားသံ ထည့်ပြီး ထိုင်း နှင့် အင်္ဂလိပ် စာတမ်းထိုးလျှင် တောင်မှ ဒီလောက် အကုန်အကျခံကာ ရိုက်ထားသည့်ကားမှာ မြန်မာ သရုပ်ဆောင် အချို့ နှင့် တွဲမရိုက် သင့်ဘူးလား ဟု စဉ်းစားကြည့်နေမိပါသည်။
ဟံသာဝတီ ရွှေနန်းတော်မှာ ဘုရင့်နောင်ရှေ့မှောက် ခစားနေကြတဲ့ ရံရွေတော် မြန်မာမင်းသမီးလေးတွေအဖြစ် သရုပ်ဆောင်တဲ့ လှပငယ်ရွယ်တဲ့ ထိုင်း အမျိုးသမီးငယ်လေးတွေရဲ့ ဝတ်စားဆင် ယင်မှုကတော့ ကျွန်တော်တို့ မြင်တွေနေကျနဲ့ ကွဲပြားပါတယ်။ သူတို့က နန်းတွင်းဝတ်စုံကို (ထိုင်းအမျိုးသမီးတွေလို) ပခုံးသား ဖော်ပြီး ဝတ်ထားတာပါ။ မြန်မာမှတ်တမ်းတွေက တောင်ငူခေတ် ဝတ်စားဆင်ယင်ပုံနဲ့ကွဲပြားမှုရှိမရှိ သမိုင်းပညာရှင်တွေမှ သိနိုင်မှာပါပဲ။ ဟံသာဝတီရွှေနန်းတော်မှာ မြန်မာ့စောင်းတီးဖျော်ဖြေတဲ့ အခန်းတွေ၊ မြန်မာမင်းသား တွေနဲ့ နာရေစွမ်တို့ ကြက်တိုက် ကစား ကြတဲ့ ပြကွက်တွေလည်း တွေ့ရပါတယ်။
ဘုရင့်နောင် မင်းတရားကြီး အဖြစ် သရုပ်ဆောင် သော ဇတ်ကောင် က အသက် ၉ နှစ် အရွယ် နရဲစွမ် မင်းသားလေး ကို ဓားစာခံခေါ်ဘို့ အတွက် “ ကျွန်ုပ် ဘုရင့်နောင် က ဖရာနရာဇ် ကို သား အရင်း ကဲ့သို့ စောင့်ရှောက်မွေးမြူ သွားမည် ဖြစ်ပါကြောင်း ကို မြတ်စွာဘုရား နှင့် ထက်ကောင်းကင် နတ်ဒေ၀တာ များကို တိုင်တည်ကျိန်ဆို ပါသည်။မဟုတ်ပါက -------” စသဖြင့် ပြဇတ် ဆန်ဆန် ပြောစကား များက လည်း သမိုင်းအချက် များ ကို ထိခိုက်စေပါသည်။
အပိုင်း ၁ ဇတ်ကား တစ်လျောက် လုံးလိုလို မင်းသားငယ် ကို ကိုရင် ၀တ် နှင့် သရုပ်ဆောင် သွားခြင်း ကလည်း မလိုအပ်သလို ခံစားရ သည်။အထူးသဖြင့်ကြက်တိုက် ခန်း များတွင် ကိုရင်ဝတ် ကြီး နှင့် ဖြစ်နေ သည်မှာ မြန်မာမှု နှင့် အတော်ကလေး ဖီလာဖြစ်နေသည် မှာ ကြည့်ရ ဆိုးလှသည်။
သမိုင်းဆိုင်ရာ အထောက်အထား မရှိသော ကြက်တိုက်ခန်း ကလည်း (ကျွန်တော့ အထင်) မပြရသေးသော တတိယပိုင်း မှ မြန်မာ ဥပရာဇာ မင်းကြီးစွာ နှင့် ဆင် စီးချင်း ထိုးခန်း အတွက် ကြိုတင် နမိတ်ပုံ ပြထားသော အခန်းများလား ထင်မိပါသည်။ ငယ်စဉ် ကလေး ဘ၀ ကတည်းက ရန်ဘက် ပုံစံအစပျိုးထားခြင်းဖြစ်နိုင်ပါသည်။
“ ဟေ့ - အဖဖ်းခံထားရတဲ့ တိုက်ကြက် ဟာ ထာဝရ အဖဖ်းခံ ရမယ် ကွ” ဟူသော စကား နှင့် “ လွတ်လပ်မှု ကို ရချင်တဲ့လူ ဟာ တိုက်ယူ ရလိမ့်မယ်”ဟူ သော စကား များ က အပိုင်း ၂ နှင့် ၃ အတွက် ဖြစ်ပါလိမ့်မည်။။ ကြက်တိုက်ပွဲ တွင် အနိုင် ရသွားသော နရဲစွမ် မင်းသား နှင့် ၄င်းကို ပြိုင်ဘက်သဖွယ် မုန်းတီးကာ ရန်ဘက် ဖြစ်သွားသော မြန်မာဥပရာဇာ တို့ နန္ဒဘုရင် လက်ထက် အယုဒ္ဓယစစ်မြေပြင် တွင် ပြန်လည် ရင်ဆိုင်တွေ့သော အခန်း သည် နရဲစွမ် ဇတ်ကား၏ အထွဋ်အထိတ် ဖြစ်လာ မည် ဟု မှန်းရပါသည်။
ဒီဇာတ်ကား ရုပ်ရှင် ပိုစတာက မှိန်ပျပျ ပုံဂံဘုရား စေတီ ပုထိုးတွေနောက်ခံမှာ အဓိကဇာတ်ကောင်တွေရဲ့ ပုံတွေနဲ့အတူ အလွင့်လွင့်ဖြစ်နေတဲ့ အောက်ခံအနီရောင်အလံပေါ်မှာ လူတစ်ယောက် မြင်းတစ်စီးနဲ့ လှံတံကိုကိုင်ပြီး ဝံ့ကြွားနေတဲ့ပုံကို ထိုင်းရိုးရာ ပုံစံ ကနုတ်တွေနဲ့ ပုံဖော်ထားတာဖြစ်ပါတယ်။ 'နိုင်ငံ၏ ကံကြမ္မာကို ရဲဝံ့စွာ ပြောင်းလဲစေနိုင်ခဲ့သော ဘုရင်' ဆိုတဲ့ ဇာတ်ကားရဲ့ စာစုလေးနဲ့ ဒီရုပ်ရှင်ဇာတ်ကားအကြောင်းကို ဝက်ဘ်ဆိုက် [ဒီနေရာမှာ] တစ်ခုလည်း ပြုလုပ်ထားပါတယ်။ ဒီဝက်ဘ်ဆိုက်မှာ ရုပ်ရှင်ဇာတ်ကားနဲ့ ပတ်သက်တဲ့သတင်းတွေ၊ ဇာတ်လမ်း အကျဉ်းချုပ်၊ သမိုင်းကြောင်း၊ ဒါရိုက်တာ၊ သရုပ်ဆောင်တွေနဲ့ အင်တာဗျူးတွေ၊ ရိုက်ကွင်း ပြင်ဆင်ကြတာတွေ၊ ပုံစံတူမော်ဒယ်တွေ တည်ဆောက်ကြတာတွေ၊ ဆင်မြင်းတွေကို လေ့ကျင့်သင်ကြားပေးနေကြပုံနဲ့ ရုပ်ရှင်ကား ပိုစတာတွေ၊ ဇာတ်ကားပိုင်း နမူနာထွေလာတွေ၊ e-Card ၊ ဘလော့ဂ်ရုပ်ရှင်ဇာတ်ဝင်ခန်း ပုံတွေအစရှိသဖြင့် စုံစုံလင်လင် တွေ့ရပါတယ်။
ယခု အပိုင်း ၁ ပြီးသည်အထိတော့ သူတို့ပြောသလို မြန်မာ -ယိုးဒယား သမိုင်း ကို အကောင်းမြင် အနေ နဲ့ ရိုက်ထားသည် ဆိုသော စကား ကို လက်သင့်မခံနိုင် သေးလျှင် တောင်မှ (သမိုင်းကို လိုရာဆွဲတွေး ရိုက်ထားသော အချက် များ မှ အပ ) ယခင် ရိုက်ကူးနေကျ ယိုးဒယား ရုပ်ရှင် များလို မြန်မာမုန်းတီးရေး ရုပ်ရှင်ကား မဟုတ် ဟု ခံစားမိပါကြောင်း။
အောက်ပါ LINK မှ ဓါတ်ပုံများ နှင့် ၀ီကီ ၊ အင်တာနက် ဆောင်းပါးများ နှင့် YOUTUBE ဗွီဒီယိုဖိုင် များ ကို အခြေခံပြီး သိသမျှအချက်လေးကို ရေးသားပါသည်။
မြန်မာဝီကီပီဒီ
sharing truths and feelings
.jpg)
0 comments:
Post a Comment