သာသနမောဠိပဓာနစေရ မစိုးရိမ်ဆရာတော်ဘုရားကြီး ဘဒ္ဒန္တကောဝိဒါဘိဝံသ ဘ၀နတ်ထံပျံလွန်တော်မှုခြင်းနှစ်လည်

မောင်စွမ်းရည်

ဧပြီ ၂၉၊ ၂၀၀၉
မစိုးရိမ်ဆရာတော်ကြီးဟာ ၂၀၀၈ ဧပြီ ၂၉ ရက်နေ့က အမေရိကန်ပြည်ထောင်စု နယူးယောက်မြို့မှာ နှလုံးရောဂါနဲ့ ခန္ဒာဝန်ချတော်မူကာ ဘ၀နတ်ထံ ပျံလွန်တော်မူသွားခဲ့ပါတယ်။

ဆရာတော်ကြီးကို ပုသိမ်မြို့ အသည်ကြီးရပ်နေ ဦးမောင်စီ၊ ဒေါ်သိန်းတင် တို့က မြန်မာသက္ကရာဇ် ၁၂၈၉ ခုနှစ်မှာ ဖွားမြင်ခဲ့ပါတယ် မြန်မာသက္ကရာဇ် ၁၃၆၉ ခုနှစ်မှာ ပျံလွန်တော်မူတာဖြစ်လို့ ပျံလွန်ချိန်မှာ သက်တော် ၈၀ ၀ါတော်၊ (၆၀)ပါ။ ငယ်စဉ်က ဓနုဖြူမြို့နယ် ခင်မကန်ကျောင်းတိုက်နဲ့ မန္တလေးမြို့ မစိုးရိမ်ကျောင်းတိုက်တို့မှာ ပညာသင်ခဲ့ရာက သာသနာ့ဓဇ သီရိပ၀ရဓမ္မာစရိယ၊ စေတီယင်္ဂဏဓမ္မာစရိယ နဲ့ သကျသီဟဓမ္မာစရိယ စာမေးပွဲများကို အောင်မြင်ခဲ့ပါတယ်

ဗုဒ္ဓကျမ်းစာ စာမေးပွဲတွေ ဖြေဆိုအောင်မြင်ပြီးနောက် မန္တလေးမစိုးရိမ်ကျောင်းတိုက်မှာပဲ နှစ်ပေါင်း ၅၀ မျှ အဆက်မပြတ် စာပေပို့ချခဲ့ပါတယ် ရန်ကုန်မြို့၊ တောင်ဥက္ကလာပမြို့နယ် ရွှေကြာယံကျောင်းတိုက်မှာလည်း နွေရာသီ အထူးသင်တန်းများဖွင့်ပြီး စာချခဲ့ပါတယ်။ တိပိဋက ပါဠိမြန်မာ အဘိဓါန်ကျမ်းပြုအဖွဲ့ဝင် အဖြစ်နဲ့လဲ ဆောင်ရွက်ရတဲ့ ပညာရှင်ဆရာတော်ကြီးလည်း ဖြစ်ပါတယ်။

ဆရာတော်ကြီးပျံလွန်တော်မမူခင်က ကျနော်တို့နယူးယောက်ဗမာတွေအနေနဲ့ မကြာခဏ ဖူးမျှော်ခွင့် ရခဲ့ပါတယ်။ နယူးယောက်မှာ ဒေါ်အောင်ဆန်းစုကြည်ရဲ့ မွေးနေ့ဖြစ်တဲ့ အင်္ဂါနေ့ဝတ်အသင်းရှိပါတယ် ၀တ်ရွတ်စဉ်များကို ဆရာတော်ကြီးကပဲ စီစဉ်ပေးခဲ့ပါတယ်။ သာသနာ့မောဠိအသင်းတိုက်ဖြစ်တဲ့ “ညီမူရာခန်းမ” ကိုလည်း ဆရာတော်ကြီးမပျံလွန်ကလေးတင်ပဲ အခန်းအနားနဲ့ဖွင့်လှစ်ခဲ့တာ ခုအခါ တနှစ်ပြည့်ခဲ့ပြီဖြစ်ပါတယ်။

ကျနော်တို့တတွေကို

“တပတ်တခါ ပဋ္ဌါန်းရွတ်ပွဲ လုပ်ကြပါလား။ ကိုယ်တတ်နိုင်တဲ့ အစားအစာလေးတွေ ယူလာကြပြီး ဆုံစားကြရင် ပျော်တာပေါ့။ ကုသိုလ်လဲရ ၀မ်းလဲဝပေါ့။ ငါလည်းလာဖြစ်အောင်လာမယ် …”

လို့ ချိန်းဆိုသွားပါတယ်။

ဆရာတော်ကြီးကို အင်တာဗျူးလုပ်ပြီး ဗွီဒီယိုရိုက်ထားချင်တယ်လို့ ကျနော်လျှောက်ထားရင်း တနာရီလောက် ကားမောင်းသွားရတဲ့ ဆရာတော်ကြီး သီတင်းသုံးရာကျောင်းကိုလည်း ကျနော် ကားကြုံနဲ့ ကျနော်ပါ လိုက်သွားခဲ့ပါတယ်။ ဗွီဒီယိုရိုက်ကူးချင်ရင် မေးခွန်းတွေပြင်ထားဖို့ မှာလိုက်လို့ ညတွင်းချင်း မေးခွန်းတွေ ပြင်ထားလိုက်ပါတယ်။ နောက်နေ့ကျတော့ ဆရာတော်ကြီး ပျံလွန်တော်မူပြီဆိုတဲ့ သတင်းကို ကြားလိုက်ရတော့တာပါပဲ။ အင်တာဗျူး မလုပ်လိုက်ရပါဘူး။

ဆရာတော်ကြီးရဲ့ အန္တိမဈာပနကို ပီနန်ဆရာတော်ကြီးနဲ့ ထိုင်ဝမ်ဆရာတော်ကြီး ၂ ပါး အပြင် ကမ္ဘာအရပ်ရပ်က ဆရာတော်များလည်း ကြွရောက်ဆောင်ရွက်ကြပါတယ်။ ဈာပနပွဲ ပြီးတော့ ဆရာတော်ကြီးရဲ့ဆန္ဒအတိုင်း ပီနန်ဆရာတော်ကြီးကို အမှုးထားပြီး ပဋ္ဌါန်းရွတ်ပွဲကို တနင်္ဂနွေနေ့ညနေတိုင်း ပြုလုပ်ကြပါတယ်။

ပီနန်ဆရာတော်ကြီး မလေးရှားကို ပြန်ကြွသွားတဲ့အခါ တက္ကဆက်အမာရီလိုက ဆရာတော် ဦးအဂ္ဂဓမ္မနဲ့ ဗမာပြည် မဟာဂန္ဓာရုံကျောင်းက ပဉ္ဇင်းတက်ပြီးပြန်လာတဲ့ ဦးဇင်းခေမိဿရတို့ ဦးဆောင်ပြီး၊ အပတ်စဉ် တနင်္ဂနွေနေ့တိုင်း ပဋ္ဌါန်းရွတ်ပွဲ လုပ်ကြပါတယ်။ တနှစ် ပြည့်ခဲ့ပါပြီ။ သာသနာမောဠိအဖွဲ့ရဲ့ မူအရ အလှည့်ကျလုပ်ရမယ် ဆိုတော့ သံဃာများက အလှည့်အပြောင်းရှိပေမဲ့ ဥပသကာ၊ ဥပသကီတွေကတော့ အလဲအလှယ်မရှိ ပုံမှန်ပဲ တက်ရောက်ပြီး ကုသိုလ်ယူနေကြပါတယ်။

ဒီလထဲမှာပဲ အဆင်ပြေတဲ့နေ့ရွေးပြီး ဆရာတော်ကြီးပျံလွန်တာ နှစ်ပတ်လည်ပွဲရော “ညီမူရာခန်းမ” နှစ်လည်ပွဲရော လုပ်မယ်ဆိုရင်၊ ကျနော်တို့ရဲ့ ပဋ္ဌါန်းပွဲလဲ နှစ်လည်ပွဲ တခါတည်း လုပ်ရတော့မှာပါ။

ကျနော်တို့မှာ ပဋ္ဌါန်းပွဲနဲ့ အခြားနှစ်လည်ပွဲတွေနဲ့ချည်း မပြီးပါ။ ဆရာတော်ကြီး ရည်မှန်းခဲ့တာ၊ မှာကြားခဲ့တာတွေ ရှိပါသေးတယ်။ ဆရာတော်ကြီးဟာ ဗမာပြည် ဒီမိုကရေစီ ရရှိရေးကို သာသနာ့အန္တရာယ်ကာကွယ်ရေးနဲ့ ထပ်တူပြုပြီး ပြောဟောခဲ့ပါတယ်။ အောက်ပါ ရှစ်လုံးဘွဲ့ ကဗျာလေးကို ဆရာတော်ကြီးက ရှစ်လေးလုံး အရေးတော်ပုံမတိုင်မီကတည်းက ရေးဖွဲ့ခဲ့ပြီး၊ နယူးယောက်မြို့က မြန်မာများရဲ့ သြ၀ါဒခံယူပွဲမှာ အားလုံး ကျက်မှတ်ထားကြဖို့ရာ ရှေ့က တိုင်ပေးခဲ့ပါတယ်။

သာသနာ့အရေး ဒို့အရေးပေ

ဆရာရော၊ ဒကာရော

မလျှော့သော စိတ်တွေ

ဘယ်ရန်သူမျိူး ထိုးဖေါက်ပါစေ

ဒို့မမှု ပေါင်းစု ကာကွယ်မလေ

သာသနာ့အရေး ဒို့အရေးပေ။

အဲဒါကို အစက ပြန်ကောက်ပြီး ၁၀ ခေါက်လောက် ရှေ့က ချပေးခဲ့ပါတယ်။ ဆရာတော်ကြီးဟာ တရားဟောရာမှာလည်း ခုလိုပဲ စာချသလို တရားနာ ပရိသတ်ကို ရှေ့ကတိုင်ပေးပြီး စာချခဲ့ပါတယ်။ ဘုန်းကြီးကျောင်းကို လာရောက်ပြီး သဒ္ဒါ၊ သဂြိုလ်စတဲ့ စာတွေသင်ယူချင်ရင်လည်း စိတ်အားထက်ထက်သန်သန်နဲ့ စာ ချပေးလေ့ ရှိပါတယ်။ ဆရာတော်ကြီးမှာ နှစ်ပေါင်း ၅၀ လောက်စာချခဲ့တာ တပည့်ပေါင်း အနည်းဆုံး ၆၀၀၀ (ခြောက်ထောင်) ကျော်ရှိခဲ့ပြီလို့ မှတ်သားရပါတယ်။

ဆရာတော်ကြီးက တပည့်သံဃာတွေကို သားသမီးတွေလို သံယောဇဉ်ကြီးပါတယ်။ ရှစ်လေးလုံးကာလမှာ တပည့်သံဃာတွေနဲ့ ပြည်သူတွေကို စစ်တပ်က မတရား ဖမ်းဆီး နှိပ်စက် သတ်ဖြတ်တာတွေ မြင်တွေ့ရတော့ တိပိဋကဓရကိုယ်တော် ဦးသုမင်္ဂလ စတဲ့ ထေရ်ကြီး ၀ါကြီး ကျမ်းဂန်တတ် ဆရာတော်ကြီးများနဲ့ တိုင်ပင်ပြီး မိမိတို့ရဲ့ တခုတည်းသော လက်နက်ဖြစ်တဲ့ “သပိတ်”ကိုမှောက်မယ်၊ သံဃာပစ်မှားတဲ့ စစ်ဗိုလ်စစ်သားတွေအိမ်ကို ဆွမ်းမခံစတမ်း၊ သာရေး နာရေး ဖိတ်ကြားရင် မလိုက်စတမ်း ဆိုပြီး ဆန္ဒပြလိုက်ကြပါတယ်။

အဲ့ဒီအခါမှာ စစ်အစိုးရက မစိုးရိမ်ဆရာတော်ကြီးနှင့်တကွ တိပိဋကဆရာတော်ဦးသုမင်္ဂလရော မေဒိနီဆရာတော်ကြီးကိုရော သံဃာတော်အများအပြားကို ဖမ်းဆီး ရိုက်နှက် ထောင်ချခဲ့ကြပါတယ်။ ဆရာတော်ကြီးဟာ ၂ နှစ် ထောင်နန်းစံခဲ့ရပြီးမှ လွတ်မြောက်ပြီး၊ ပြည်ပကို ထွက်လာတဲ့အခါ အမေရိကန်ပြည်ထောင်စု နယူးယောက်မြို့မှာ အေးအေး ဆေးဆေး သတင်းသုံးနေထိုင်ဖို့ စိတ်ကူးထားခဲ့ပါတယ်။ ဒါပေမဲ့ “ရွှေဝါရောင်တော်လှန်ရေး” လို့ ကမ္ဘာကျော်သွားခဲ့တဲ့ သံဃာအရေးတော်ပုံကြီး ဖြစ်ပေါ်ခဲ့လို့ ဗမာပြည်အရေးကို အထူးပဲ ပြန်လည်ပြီး စိတ်ဝင်စားလာပြန်ပါတယ်။

ငယ်စဉ်ကမစိုးရိမ်တိုက်မှာ စာသင်ဖက်ဖြစ်ခဲ့တဲ့ ပီနန်ဆရာတော်ကြီးနဲ့ တွဲပြီး သာသနာ့မောဠိအဖွဲ့ကြီးကို ပြည်ပသံဃာတော်တွေနဲ့ ဖွဲစည်းပြီး၊ သာသနာ့အန္တရာယ် ကာကွယ်ရေးလုပ်ငန်းကို စတင်ခဲ့ပါတယ်။

ဆရာတော်ကြီးက နိူင်ငံရေးသမားတွေကို ပထမ တောင်းဆိုတာကတော့ ညီညွတ်ရေးပါပဲ။ အကြောင်းကြောင်းကြောင့် သဘောကွဲလွဲတာတွေရှိရင် ခဏထားပြီး “ဟန်ဆောင်လေးဖြစ်ဖြစ် ညီညွတ်ကြပါ” လို့ တောင်းဆိုသံဟာ ဗမာ့နိူင်ငံရေးလောကမှာ ဂယက်ရိုက်ခဲ့ပါတယ်။

နောက်တချက်ကတော့ “စစ်အစိုးရကို မထောက်ခံကြဖို့” ပါပဲ။

စစ်အစိုးရဟာ သံဃာတွေကို သတ်ဖြတ်ထားတယ်။ ဒါကြောင့် ပထ္ထနိက္ကုဇ္ဇနကံ ဆောင်ရတယ်။ ရှစ်လေးလုံးကာလ ကတည်းက သပိတ်မှောက်ထားတာ ခုထိလည်း မလှန်သေးဘူး။ စစ်အစိုးရကလည်း ၀န်ချ တောင်းပန်တာ မလုပ်သေးဘူး။ စစ်အစိုးရဟာ ဒီ အကုသိုလ်ကံကြောင့် မကြာမီ ကံကြီးထိုက်တော့မှာပဲ။ စစ်အစိုးရကို ထောက်ခံသူများရော၊ စစ်အစိုးရက ရေးဆွဲထားတဲ့ အခြေခံဥပဒေကို ထောက်ခံသူများရော ကံကြီးထိုက်လိမ့်မယ် ဒါကြောင့် မထောက်ခံကြနဲ့လို့ မိန့်ကြားသွားပါတယ်။

(၁) နိုင်ငံရေးသမားများ ဟန်ဆောင်လေး ဖြစ်ဖြစ် ခဏတဖြုတ် ညီညွတ်ကြဖို့

(၂) စစ်အစိုးရရဲ့ အခြေခံဥပဒေနဲ့ ရွေးကောက်ပွဲကို မထောက်ခံဖို့

အဲ့ဒီနှစ်ချက်ကို ဆရာတော်ကြီး ပျံလွန်တော်မမူခင် နောက်ဆုံး မှာကြားသွားခဲ့တာကို တနှစ် ပြည့်အခါမှာ ပြန်လည် ဖေါ်ထုတ်လိုက်ပါတယ်။

အားလုံး ညီညွတ်ကြပါစို့ ။

ကံကြီးထိုက်မယ့် အလုပ်မျိူးကို ရှောင်ရှားကြပါစို့။

Posted in: