ဒါဝင်ကိုသနားတယ်… ~ မိုးသောက်ကြယ်

ပေတိုးကား ကျန်ုပ်နှင့်ဆယ်တန်းတွင် အတူကျောင်းတက်ခဲ့သော ငယ်သူငယ်ချင်း ဖြစ်၏။ သူသည် ငယ်စဉ်က ဘုန်းကြီးကျောင်းတွင် ပညာသင်၏။ ပေတိုးသည် စာမျိုးစုံ ဖတ်၏။ သိပ္ပံနှင့်ပတ်သက်သောစာပေများ၊ ကားလ်မတ်စ်နှင့် အိန်ဂျယ်တို့၏ ကွန်မြူနစ်စာပေ၊ အနုပဋိလောမရုပ်ဝါဒစသည်တို့ကိုလည်းဖတ်၏။ မြတ်စွာဘုရား၏ သုတ်၊ ၀ိနည်း၊ အဘိဓမ္မာတို့ကိုလည်းဖတ်၏။
ဖတ်ရုံနှင့်မပြီး။ သူငယ်ချင်းအပေါင်းအသင်းတစု လ္ဘက်ရည်ဆိုင်ထိုင်လျင် သူ့အတွေး အခေါ်အယူအဆတို့ကို လေဖောင်ဖောင်နှင့်ဟော၏။ ပြော၏။ မှန်သည်လည်းပါ၏။ မှားသည်လည်းပါ၏။ ကျန်ုပ်တို့က သူ့အား ဗဟုသုတစုံသောသူဟု ယူဆကြ၏။ သူ့ အား ကျန်ုပ်တို့သူငယ်ချင်းတစုတွင် ခေါင်းတလုံးမြင့်သူဟု ယူဆကြ၏။သူသည် ယခုအခါ ဂျပန်နိုင်ငံတွင်ရှိနေသည်။ တနေ့က သူသည် ကျန်ုပ်အိမ်သို့ ရောက်လာသည်။ ရှေးဟောင်းနှောင်းဖြစ်များပြောကြရင်း ပေတိုးက “ဒါဝင်ကိုသနားတယ်ကွာ…”ဟု ပြောလာသည်။

ကျန်ုပ်။ ။ လင်းစမ်းပါဦးကွာ။ မင်းဟာက အရင်းမရှိ၊ အဖျားမရှိနဲ့
ပေတိုး။ ။ ဒါဝင်ဟာ သုတေသနမျိုးစုံလုပ်ပြီး လူဟာမျောက်ကဆင်းသက်လာတယ်
လို့ ပြောခဲ့တယ်ကွာ။ တဖြေးဖြေးနဲ့ တရွေ့ရွေ့ဖြစ်စဉ်ပြောင်းလဲခြင်း
(Evolution)ဖြစ်တာဆိုပြီး ကမ္ဘာကိုတင်ပြခဲ့တယ်ကွာ။ ကမ္ဘာသိပ္ပံပညာ
ရှင်တွေက လက်ခံတယ်ကွာ။ ရေသတ္တ၀ါကနေ၊ တွားသွားသတ္တ၀ါတွေဖြစ်၊
အဲဒီကနေ နို့တိုက်သတ္တ၀ါ၊ မျောက်လူဝံတို့ဖြစ်ပြီး အဲဒီကမှတဆင့် လူဖြစ်
လာတယ်လို့ဆိုတယ်ကွာ။ Fitness of the Survival(တော်သူနေ၊
မတော်သူသေ)၊ ပါတ်ဝန်းကျင်အခြေအနေနှင့် လိုက်လျောညီထွေနေနိုင်
တဲ့သတ္တ၀ါတွေ ကျန်ခဲ့တာကွာ။ အဲဒီသီအိုရီထုတ်ခဲ့တယ်ကွာ…
အဲဒီလိုဘဲ- ကမ္ဘာကြီးရဲ့အပူအအေး၊ ရာသီဥတုအခြေအနေ အပြောင်းအ
လဲမျိုးစုံကို ကြံ့ကြံ့ခံပြီး၊ အခုလက်ရှိ ရှိနေခဲ့ကြတဲ့ ရေနေ၊ ကုန်းနေသတ္တ၀ါ
အားလုံး လူအပါအ၀င်ပေါ့ကွာ နေခဲ့ကြတယ်။ အဲဒါ ကမ္ဘာကြီးရဲ့အခြေအနေ
အရပ်ရပ် ပြောင်းလဲမှုမျိုးစုံကို လိုက်လျောညီထွေဖြစ်အောင်နေရင်းနဲ့ အခု
လက်ရှိ ‘သတ္တလောကကြီး’ဖြစ်လာတယ်လို့ ပြောတယ်ကွာ…
အဲဒီတော့ မင်းကိုငါပြောမယ်။ သတ္တ၀ါမျိုးစုံက ကမ္ဘာကြီးရဲ့ ပြောင်းလဲနေတဲ့
အခြေအနေအားလုံးနဲ့ လိုက်လျောညီထွေဖြစ်အောင်လုပ်ပြီး၊ မိမိတို့အ
သက်ရှင်ရပ်တည်ရေးနဲ့ မျိုးဆက်ပြန့်ပွားရေးအတွက် ကြိုးပမ်းကြရင်း အ
ရည်အချင်းတိုးတက်လာကြတယ်လို့ ဒါဝင်ကဆိုလိုတယ်။ အဲဒါကို ငါလက်
ခံသလောက် လက်ခံပါတယ်ကွာ။ ဒါပေမဲ့ လိုနေတဲ့ အချက်တွေရှိနေသေး
တယ်ကွာ။ သူတို့အနောက်တိုင်းက မသိသေးတာတွေကို တို့အရှေ့တိုင်း
ကသိခဲ့တာတွေ အများကြီးရှိခဲ့ပါတယ်ကွာ
ကျန်ုပ်။ ။ မင်းကတော့လုပ်ပြီ၊ ငယ်ငယ်ကအကျင့်တွေမပျောက်သေးဘဲကိုး…
ပေတိုး။ ။ မဟုတ်ဘူးကွ။ အနောက်တိုင်းရဲ့ဒဿန၊ အနောက်တိုင်းရဲ့သိပ္ပံပညာတွေ
မှာ လိုနေတာတွေအများကြီးရှိသေးတယ်။ အဲဒါတွေကို ငါက ဘုန်းကြီး
ကျောင်းသားဖြစ်ဖူးလို့သိတာကွ…
ကျန်ုပ်။ ။ မင်းဟာက ဟုတ်ပါ့မလားကွာ…၊ ကြည့်လုပ်ပါအုံးဆရာရဲ့
ပေတိုး။ ။ ငါပြောမယ် ‘တကျမ်းမြင်ရုံ၊ ကျမ်းမစုံ၊ အာရုံတယ်၍မတင်းနှင့်’တဲ့။ အခု
ကမ္ဘာကြီးမှာ ပြဿနာတွေဖြစ်နေတာ တကျမ်းထဲကို အာဂုံဆောင်ပြီး စွတ်
ရွတ်လုပ်နေ ကြလို့ ပြဿနာပေါင်းသောင်းခြောက်ထောင်ဖြစ်နေတာ။
ဘက်စုံနားလည်၊ ဘက်စုံရှု ဒေါင့်ကကြည့်၊ ဘက်စုံအမြင်နဲ့ဆုံးဖြတ်မှ အမှန်
နဲ့အနီးစပ်ဆုံးဖြစ်မယ်
ကျန်ုပ်။ ။ ဘုန်းကြီးကျောင်းသားကလဲ၊ လေရှည်နေလိုက်တာ။ ပြောစရာရှိ တဲ့တဲ့ ပြောတာမဟုတ်ဘူး၊
ဘေးရောက်ကုန်ပြီ။ မင်းပြောခဲ့တဲ့ ဒါဝင်အကြောင်းဆက်ပါအုံးæ
ပေတိုး။ ။ အဲဒါကိုပြောချင်လို့ အစချီနေတာပေါ့ကွာ။ ဒါဝင်ဟာ သတ္တ၀ါတွေ တရွေ့
ရွေ့နဲ့ တဖြည်းဖြည်းတိုးတက်ပြောင်းလဲလာလိုက်တာ နောက်ဆုံး လူဆိုတဲ့
အသိဉာဏ် အရှိဆုံးသတ္တ၀ါမွေးဖွားလာတယ်လို့ဆိုတယ်။ ဒါဝင်ကိုသနား
တာက ဒါဝင်ဟာ မြန်မာဘုန်းကြီးကျောင်းနေခွင့်မရ၊ အဘိဓမ္မာသင်ခွင့်မရ၊
ဗုဒ္ဓဘာသာအတွေးအခေါ် တွေးခွင့်မရခဲ့လို့ သူ့အယူအဆဟာ တ၀က်
တပျက်ဘဲမှန်ခဲ့တယ်။ ဒါဝင်ဘုန်းတော်ကြီးနေခွင့်မရတာကို သနားတာ
ကျန်ုပ်။ ။ ဒါဝင်ဘုန်းကြီးကျောင်းနေခွင့်မရတာနဲ့ ဘာဆိုင်လို့သနားရတာတုန်း…
ပေတိုး။ ။ သူမသိဘူး…၊ ကမ္ဘာကြီးမှာ စင်္ကြာဝဠာကြီးမှာ ‘တက်ကပ်‘ရှိသလို ‘ဆုပ်ကပ်‘
ရှိတာ သူမသိဘူး။ သူ တက်ကပ်ကိုဘဲသိတယ်။ ဆုတ်ကပ်ကိုသူမသိဘူး။
မင်းမှတ်ထား- လောကကြီးမှာ အမှောင်ရှိရင် အလင်းရှိတယ်။ အပေါင်းရှိ
ရင်အနှုတ်ရှိတယ်။ အပူရှိရင်အအေးရှိတယ်။ အဖိုရှိရင်အမရှိတယ်။ အဖြူရှိ
ရင် အမဲရှိတယ်။ အဲဒါကြောင့် တက်ကပ်ရှိရင် ဆုတ်ကပ်ရှိတယ်။ ဆန့်ကျင်
ဖက်တရားတွေဟာ အမြဲရှိတယ်။ အဲဒါဟာနိယာမတခုဘဲ…
ကျန်ုပ်။ ။ ငါလက်ခံပါတယ်ကွာ။ အဲဒါနဲ့ မင်းဒါဝင်ကိုသနားတာနဲ့ ဘာဆိုင်လို့လဲ…
ပေတိုး။ ။ ဒါဝင်ဟာ သတ္တ၀ါတို့ရဲ့တိုးတက်မှုဖြစ်စဉ်ကိုသာ အလေးပေးပြီး တဖက်
စွန်းတွေးခေါ်ခဲ့တယ်။ သတ္တ၀ါတို့ရဲ့ဆုတ်ယုတ်မှုအကြောင်းကိုတော့ အ
လေးမပေးခဲ့ဘူး။ အဲဒါကြောင့် ငါသနားတာ။ ငါဆက်ပြောမယ်- ငါကဘုန်း
ကြီးကျောင်းသားဘ၀ကလာခဲ့တဲ့ သိပ္ပံကျောင်းသား။ ဒါဝင်ရဲ့သီအိုရီအရ
လူသည် မျောက်ကဆင်းသက်လာသည်လို့ဆိုတယ်။ ငါက ဗမာပြည်ရဲ့
လောလောဆယ်ဖြစ်နေတဲ့အခြေအနေတွေကိုကြည့်ပြီး မကြာခင် ကမ္ဘာကို
ထုတ်ပြန်ကြေငြာလိုက်တော့မယ်…
ကျန်ုပ်။ ။ မင်းက ကမ္ဘာနဲ့ချီပြီးကိုင်နေပြီလား..
ပေတိုး။ ။ မရတော့ဘူးကွာ။ ဗမာပြည်အကြောင်းကို ကမ္ဘာနဲ့ချီပြီး ကိုင်ရတော့မယ်။
ဒါဝင်ရဲ့သီအိုရီကိုလည်း ပြောင်းပြန်လှန်ပစ်ရတော့မယ်။ ဒီမှာ ငါပြောပြ
မယ်။ သတ္တလောကကိုကြည့်။ ပိုးကောင်မွှားကောင် ကလေးတွေကို ကြက်
ငှက်တွေကစားကြတယ်။ ကြက် ငှက်တွေကို မြေ၊ ၀ံပုလွေ၊ မြေ ခွေးတို့က
စားကြတယ်။ တခြားဥပမာတွေအများကြီး။ အဲဒီတော့ တိရစ္ဆာန်လောက
မှာ Might is Rightဆိုပြီး ‘အင်အားသည်အမှန်တရား‘၊ ‘ခွန်အားသည်အ
မှန်တရား‘။ ‘နိုင်ရင်အမှန်၊ နိုင်ရင်တရားတယ်‘။ ကိုယ့်အသက်ရှင်ရပ်တည်
ရေးအတွက် ကိုယ်နိုင်တဲ့အကောင်တွေကို နင်းနင်းချေချေ၊ သတ်သတ်စား
စား၊ လုပ်ချင်သလိုလုပ်။ တရားတယ်၊ မှန်တယ်၊ နိုင်တဲ့ ကောင်ရဲ့အောက်
မှာ ရှုံးတဲ့ကောင်တွေက ပြားပြားဝပ်၊ မော်မကြည့်နဲ့။ ထွက်ပြေး အမြဲအစား
ခံ။ နိုင်တဲ့ကောင်ရဲ့တရားစီရင်ဆုံးဖြတ်တာကိုခံ။ အဲသလိုကိုးကွ။ ဒါက
တိရစ္ဆာန်လောကလေ…
အဲဒီ Might is Rightဆိုတာ တိရစ္ဆာန်လောကရဲ့ ဥပဒေသကွ။ လူသား
ရဲ့ဥပဒေသမဟုတ်ဘူး။ အဲဒီဥပဒေကို လူ့လောကမှာလာသုံးရင် လူ့လော
ကဟာ တိရစ္ဆာန် လောကနဲ့မခြားတော့ဘူးကွ။ အဲဒါကို ငါပြောချင်တာ…
ကျန်ုပ်။ ။ မင်းဟာက နဲနဲစိတ်ဝင်စားစရာကောင်းလာပြီ။ ဆက်ပြော ဆက်ပြော…
ပေတိုး။ ။ လာမယ်၊ ဒီထက်ကောင်းတာတွေလာမယ်။ ကမ္ဘာ့သမိုင်းမှာ ဖြစ်ပျက်ခဲ့
ဖူးပါပြီကွာ။ နိုင်ရင်တရားတယ်ဆိုတဲ့ တိရစ္ဆာန်စိတ်နဲ့လုပ်ခဲ့တဲ့ ဟစ်တလာ
တို့၊ မူဆိုလိုနီတို့၊ စတာလင်တို့ဆိုတာတွေဟာ Might is Right (မှန်ရင်
တရားတယ်၊ မှန်ကန်ခြင်းဟာခွန်အား)ဆိုတဲ့ ဥပဒေသရဲ့အောက်မှာ ကျ
ဆုံးသွားခဲ့ပါပြီ
ကျန်ုပ်။ ။ ဒါတော့ဟုတ်ပါတယ်။ ဒါနဲ့ ဒါဝင်ကိုသနားတာနဲ့ ဘာဆိုင်လဲ
ပေတိုး။ ။ ငါ့စကားမဆုံးသေးဘူးæ၊ သေသေချာချာနားထောင်ပါကွ။ တို့ဗမာပြည်
မှာ အခု Might is Rightဆိုပြီးအင်အားကြီးတဲ့သူမှန်တယ်၊ နိုင်ရင်တရား
တယ်ဆိုတဲ့ ပုပ်သိုးဆွေးမြေ့နေတဲ့ဝါဒ ကြီးစိုးနေသေးတယ်။ အဲဒီလိုကြီးစိုးခဲ့
တာ ၁၉၆၂ ခုနှစ်က စခဲ့တာပေါ့ကွာ။ နောက်နောင် သာလို့တောင် ဆိုးဝါး
လာတာ မင်းတို့ငါတို့အသိ။ တခုသက်သေပြုရမှာက လောကမှာ သူ့နိ
ယာမနဲ့သူဖြစ်နေတာ။ ဘယ်သူမှဖန်ဆင်းတာမဟုတ်ဘူး။ မနက်မှာနေ
ထွက်၊ ညမှာနေ၀င်။ ကမ္ဘာဟာ ၀င်ရိုးပေါ်မှာ ၂၄ နာရီမှာတပတ်လည်၊
ကမ္ဘာဟာ နေကို ၃၆၅ ရက်မှာ တပါတ်ပတ်မိ။ E=MC2စတာတွေဟာ
သူ့နိယာမနဲ့သူဖြစ်နေတာ။ ဗုဒ္ဓမြတ်စွာကဖန်ဆင်းတာမဟုတ်ဘူး။ လော
ကရဲ့နိယာမတရားတွေကို မြတ်စွာဘုရားသော်မှ မလွန်ဆန်ခဲ့ပါဘူး…
အဲဒီတော့ တိရစ္ဆာန်လောကရဲ့ Might is Rightကို ခံယူကျင့်သုံးခဲ့တဲ့
န.၀.တဖြစ်လဲ န.အ.ဖ(နွားအဖွဲ့)ဟာ တိရစ္ဆာန်လောကကို အလိုလိုကျဆင်းသွား
ပါပြီကွာ။ မယုံမရှိပါနဲ့…
ဘဒ္ဒကမ္ဘာမှာ ရှေးကပွင့်ခဲ့ဘူးတဲ့ သမ္မာသမ္ဗုဒ္ဓမြတ်စွာဘုရားလေးဆူရဲ့ ဓါတ်
တော်မွေတော်တွေဌာပနာထားတဲ့ ရွှေတိဂုံစေတီတော်ကြီးရှိရာ ရန်ကုန်မြို့
တော်ကြီးကနေ ပျဉ်းမနားမြို့နဲ့ တော်တော်ကြီးဝေးတဲ့ တောစပ်တနေရာကို
န.အ.ဖဟာ ထွက်ပြေးသွးပါပြီ။ အဲဒီလူတွေဟာ ယဉ်ကျေးတဲ့လူ့အဖွဲ့အ
စည်းကနေပြီး တိရစ္ဆာန်တွေနေတဲ့ တောနားကို ပြောင်းရွှေ့သွားခြင်းဟာ
မကြာခင်မှာဘဲ သူတို့ရဲ့နောက်မျိုးဆက်များဟာဆုတ်ကပ်အတိုင်း နောက်
ကိုတရွေ့ရွေ့နဲ့ တဖြည်းဖြည်းဆုတ်ပြီး ဆုတ်ကပ်ဖြစ်စဉ်သဘောတရား
အရ လူဝံလိုလို မျောက်လိုလိုဘ၀ကိုရောက်ပြီး Jungle of the apes
(မျောက်တို့ရဲ့တောကြီး)အဖြစ် ပြောင်းသွားလာလိမ့်မယ်
ကျန်ုပ်။ ။ ဟ- မင်းဟာက ဒါဝင်ကိုသနားတာနဲ့က…
ပေတိုး။ ။ လာမယ်လေကွာ- မင်းကလဲ။ သည်းခံပြီးနားထောင်ပါဦး။ နောင်လာမဲ့
အနာဂတ်မှာ ‘မျောက်သည်လူမှဆင်းသက်လာသည်’လို့ ပျဉ်းမနားတော
တွင်းမှ ကျောက်ဖြစ်ရုပ်ကြင်းတွေကို သက်သေပြပြီး ကမ္ဘာမှာ သီအိုရီတ
ရပ်ထွက်လာလိမ့်မယ်။ အားလုံးကလည်းလက်ခံကြလိမ့်မယ်။ အဲဒါကြောင့်
ငါက ဒါဝင်ကိုသနားတာ။ သူဗမာပြည်မှာမနေခဲ့ဖူးဘူး။ ဘုန်းကြီးကျောင်း
စာမသင်ခဲ့ဖူးဘူး။ မ.ဆ.လ၊ န.၀.တ၊ န.အ.ဖ မကြားဖူး၊ မကြုံခဲ့ဖူးဘူး။ ဆိုလိုချင်
တာက ဒါဝင်ဟာ ကျမ်းမစုံခဲ့ဘူး။ ဒါကြောင့် သူ့သီအိုရီဟာ ရာနှုန်းပြည့်
မမှန်ဘူး။ ငါကတော့ ခုကထဲက အကိုးအကားတွေ အထောက်အထား
တွေကို သေသေချာချာရေးပြီး ‘မျောက်သည်လူကဆင်းသက်လာသည်’
လို့ နောင်လာနောင်သားတွေအတွက်ရေးပြီး Time Capsuleထဲထည့်
မြုပ်ထားခဲ့မယ်။ ငါ့နာမည်‘ပေတိုး’နဲ့ ကမ္ဗည်းထိုးခဲ့မယ်။ နောင်အနာဂတ်
မှာ ဒါဝင်ကို ဘယ်သူမှသိတော့မှမဟုတ်ဘဲ ကမ္ဘာမှာ ပေတိုးသာလျင် မ
သိသူမရှိဖြစ်သွားလိမ့်မယ်။ ဒါကြောင့် ဒါဝင်ကိုငါသနားတာကွ…
ကျန်ုပ်လည်း ပေတိုး၏စကားများကိုနားထောင်ပြီးနောက် ပျဉ်းမနား၊ လယ်ဝေး၊ တပ်ကုန်းတ၀ိုက်တွင်ရှိသော ကျန်ုပ်၏အမျိုးများ၊ မိတ်ဆွေသူငယ်ချင်းများကို ဖြစ်သည့် နည်းနှင့် ရန်ကုန်သို့ပြောင်းရွေ့ရန် အမြန်ဆုံးအကြောင်းကြားလိုက်ပါတော့သည်။
ရေးသားသူ-မောင်သန်းဝင်း(မိုးသောက်ကြယ်ဂျာနယ် အတွဲ ၃၊ အမှတ် ၂ မှ)