စဉ်းစားပါဦး [?] ၈ ၈ ၈၈

ပြည်ပရောက် မြန်မာပြည်ဖွား အိုလူသား-

မြန်မာပြည် ဒီမိုကရေစီရသွား

“ပြန်လည်ထူထောင်ရေး”မှာ ပူပေါင်းအုံးမှာလား?

ပြန်လာအုံးမှာလား?

စဉ်းစားသေးရဲ့လား?

စဉ်းစားပေးပါလား?။



တော်လှန်ရေးကို ခုတုံးလုပ်

ဟွန်ဒီငွေကို မြက်မြက်ကလေးလွှဲကာ

ပြည်ပမှာခိုလှုံအမြတ်ကြီးစား

“စီးပွါးရေးသမားများ”

နိုင်ငံတော်သစ်ဆီ ခါတော်မှီ

ဒီမိုကရေစီကို ခုတုံးရှာ

လုပ်စားအုံးမှာလား?။

စဉ်းစား၊ အိုစဉ်းစားစမ်းပါလား?

ဒီမိုကရေစီအောင်ပွဲခံခဲ့တဲ့နေ့

အဲသည့်နေ့မှာ ပြန်လာခဲ့မှာလား?။



Singapore မှာ အနေကြာသွား

Engineer ဗိသုကာသမား လူညိုထွား

ခင်ဗျားတို့သူငယ်ချင်းဖုန်းမော်လေး

သွေးခင်းပေးခဲ့ရ

တော်လှန်ရေးသစ္စာများ

မေ့သွားပြီလား?

မေ့နိုင်ရက်ပြီလား?

စဉ်းစားပေးပါလား?

တံတားနီမှာကျိုးပဲ့သွား

ခင်ဗျားတို့ရဲ့ T-squares များ

မှတ်မိသေးရဲ့လား?

South Africa, England, Norway,Australia, America မှာ ပညာရှာ

အို Doctor ကိုကိုရာ၊

လိပ်ခုံးထဲမှာခွဲစိတ်ခဲ့ရ ဖား…ငါးလေးတွေအော်သံများ

မေ့သွား…စိမ်းကားသွားပြီလား?



မြန်မာပြည်ထဲက ဆူဆူညံ

လူနာမျိုးစုံအသံ

Internet ခုံပေါ်ကြည့်

ဖတ်မိပါရဲ့လား?

မကြားနိုင်သေးဘူးလား?

နယ်စပ်တနေရာမှာ

အမှန်တရားဖွေရှာ

Sister စင်သီယာဆီ မေးကြည့်ပါလား?။



ရိုမီယို၊ ဂျူးလိယက်ထုံးနှလုံးမှု

တပြည်သူ/သားများအား

နဖူးစာရွာလည်ထိမ်းမြားသွား

မြန်မာပြည်သူ/သား

အန်တီစုကိုပမာထား

အားမကျဖူးလား?။



Lead, Rhyth, Bass တွဲလုံး

အဆန်းဆုံးသံစဉ်တွေဆိုတီး ….စည်းနဲ့ဝါး

အိုဂီတသမား မြန်မာပြည်သား

ပြည်တွင်းမှာ ခံစစ်တလူလူ

လေးဖြူ၊ ဇော်ဝင်းထွဋ် တော်လှန်ရေးအသီးသီး

ဂီတသစ်ရေးစီးပြို

အာဏာရှင်စနစ်ကို အံတုတိုက်ပွဲဝင်

ဟာသဘုရင်ပါပါလေးနဲ့ ဇာဂနာ

တခါတရံမှာ သတိရပါသေးရဲ့လား?။



တခါတုန်းကတက္ကသိုလ်ဆီ

လွမ်းရစ်ဝေသီ မှန်းမျှော်ရည်

သစ်ပုတ်ပင်အောင်မှာလွမ်း

အလွမ်းတွေရွှေရင်ဆို့တစ်

ဦးချစ်၊

မခွဲရက်နိုင်ဘဲ

R C

ထဲက Farewell ဂီတသံဆို

Eco နံဘေး ယမ်းဘီးလူးဆိုင်

သူနဲ့အတူထိုင်ခဲ့ အင်လျားကန်နံဘေး

ကြော်ဆိုင်လေး၊

တစိမ့်စိမ့်တွေးလျှောက်လှမ်း

ပုဂံလမ်း၊

အလွှမ်းစကားတွေလှိုင်ခဲ့ရ

Convo (Convocation Hall) ရှေ့အနား

အင်းလျားအဆောင်သူလေးအတွက် သီချင်းတွေဖွဲ့ဆို

အိုလူပျို ပင်းယဆောင်သား (ဂစ်တာသမား)

မာလာဆောင်အနား လွမ်းချင်းကိုဆို

မြရိပ်ညိုမှာအကြင်နာစကားတွေ

စန္ဒာဝေနဲ့သည်းသည်းအမြဲ

အသည်းမှာချို

မိုးတွေရွာနေတုန်း လှည်းတန်းဈေးအသွား(အပြင်ဦးသစ်)

မိုးမိုးအေးအနား ကဗျာလူသား

ကံကော်မြို့တော်ကြား အနှံတခို

ဆိုခဲ့ရသစ္စာစကားများကို(စု၊တု၊ပြု)

ငွေရတု၊ ရျှေရတု၊ စိန်ရတု၊ ပတ္တမြားရတု

သစ္စာရတုအမှုဆိုင်

မင်းကိုနိုင်ကိုစံပြုကဗျာတိုင်

အပြိုင်အဆိုင် ပြန်လည်ဆောင်ရွက်ကြစို့လား။



အကြောင်းကြောင်းကြောင့် အဝေးနေကြာသွား

အတက်ပညာရှာ၊ အသိပညာရှာ၊ စီးပွါးရှာ

မြန်မာပြည်သာ၊ ပြည်သူတို့ရေ

မြန်ပြည်၊ မြန်ရေ၊ မြန်မြေမှ ပေါက်ဖွား

အမိမြေရဲ့သစ္စာတရား

ကျေးဇူးတရားအထူးအမှတ်တရတွေးကြည့်

မမေ့နိုင်ပါဘိ။



ဟေ့-အတိတ်စိမ်းပန်းချီကား

ဖွင့်ကြည့်ကြစို့လား၊

ရွှေတိဂုံမှာတပေါင်းပွဲ

ဂျဒ်ဆင်ထဲကလရိပ်ပြာသန်း

အောင်ဆန်းကွင်းနံဘေးက တခြမ်းပဲ့ပလီအနား

စမူဆာသုတ်ကိုစားပြီး

ကန်တော်ကြီး၊ ကရဝိတ်အနား

ကာလီမာနတ်ဘုရား လှည့်လည်ပွဲအက

ရှုလို့မဝ

ကျောင်ပြေးပြီးသွားကြည့်ခဲ့ကြရ

အလှ၊ ဘဝ သရုပ်ဖော်

စစ်၊ အချစ်၊ အလွမ်း၊ အကြမ်းရသစုံ

သမ္မတ၊ ပပဝင်းရုပ်ရှင်ရုံ အစုံတလွှားမယ်

ငယ်ရည်းစားနဲ့ အလည်အတူသွား

အင်းလျား၊ ကန်တော်ကြီး၊ တိရိစ္ဆာန်ရုံ

နှစ်အကုန်သင်္ကြန်မှာအနှံ့သွားခဲ့ကြ

ငပလီ၊ မောင်းမကန်၊ ကျိုက်ထီးရိုးတောင်တော်

ရွှေစက်တော်၊ ဖောင်တော်ဦးအင်းလေး

မန္တလေးတောင်တော်က မြွေကြီးနှစ်ကောင်

တောင်ပြုံး၊ တောင်ကြီးကမြစိမ်းတောင်ဘုရား၊ သန်လျှင်ကျိုက်ခေါက်ရေလည်ဘုရား၊

ဖားအံအနား မြတ်စောညီနောင်ဘုရား၊ မြို့ဟောင်းမြို့အနား ရှစ်သောင်းဘုရား၊

မတူပီခံတပ်ဟောင်း၊ ဧရာဝတီအစ (မေခ၊ မလိခ) မြစ်ဆုံ၊

ပုံတောင်၊ ပုံညာ၊ မုံရွာ သံဗုံဒ္ဓေဘုရား၊ စစ်ကိုင်းတောင်ဘုရား၊

ပုပ္ပါးအသွားမျောက်ကလေးများ၊ ရတနာတွေအစီအရီတိုက်စိုး

မိုးကုတ်မြေအလှ

အို ရေးပြရမစုံနိုင် မကုန်နိုင်

စာဖွဲ့ရမကုန်နိုင် မစုံနိုင်

သူနိုင်ကိုယ်နိုင် အပြိုင်အဆိုင်

အသွေးညီညီ အလှတွေကိုယ်စီ။



ဟေး

ဒို့မြန်ပြည်ရဲ့ရှုမောသာယာ

စုံစွာအလှရေးဖွဲ့လို့ မဝပေ

ညှင်းသဲ့သဲ့မုတ်သုန်လေအလူး

မင်းလွင်ကမြူး၊ ဥသြသံချို

လေနုအေးစို၊ သင်းတမြမြ

အဆင်းလှလှ၊ နှင်းညတညမှာ

ဘယ်သူပြိုင်လို့ လှပါတော့နိုင်။



နိုင်ငံဇာတိ၊ အမိမြန်မာ

ဒို့ပြေ၊ ဒို့မြေ၊ ဒို့ရပ်ရွာအား

အသင်လူသား….မြန်မာပြည်သား

ခွဲခြမ်းစိတ်ဖြာ ပြန်လှန်စဉ်းစား

သတိ သတိ ရပါသေးလား?၊

အသိ အသိ ရှိပါသေးလား?၊

အတွေး အတွေး လွမ်းပါသေးလား?၊

အမြန် အမြန်ပြန်ကြစို့အရေး

မနှေးအမြန် တိုက်ပွဲခေါ်သံ

ဘယ်သံ ညာသံတွေ ဆူဆူညံ

ဒီမိုကရေစီအောင်လံတလူလူ

လွှင့်ထူကြစို့ ဒို့လူတို့၊

ကြိုးစားကြစို့ ဒို့လူတို့၊

စွန့်လွှတ်ကြစို့ ဒို့လူတို့။ ။



မှတ်ချက် ။ ။ ၈ ၈ ၈၈ (၁၄)နှစ်မြောက် အထိမ်းအမှတ်အတွက် ဒီမိုကရေစီ တိုက်ပွဲ ကျဆုံးသွားသော သူရဲကောင်းများအား ဦးညွှတ်ဂုဏ်ပြုလျက် ခံစားရေးသီပါသည်။

လိရိကနိမိတ်ပုံများ

Posted in: