မိုးသောက်ကြယ်သို့ ဆုမွန်စကား
အမှောင်ထုကို ထိုးဖောက်မယ်ဆိုတဲ့ `မိုးသောက်ကြယ်`လာပါပကော။
`ထွေးညိုကမှာ`ဆိုတဲ့ ဆရာကြီးမင်းသုဝဏ်ရဲ့ကဗျာကလေးကို သတိရမိသေးရဲ့။
`မြရေကန် ဘောင်ရိုးက
ရေအိုး ယူခဲ့ပါ
ထွေးညိုကမှာ။
ပဒုမ္မာ၊ ရွှေကြာက သင်း
နှစ်ပွင့် သူယှဉ်လို့
အေးကြည်လင် ရေပြည့်အိုးမှာ
ထိုးတက်လေခြင်း`….တဲ့။
မောင်နဲ့မယ် အတူယှဉ်တွဲပြီး အေးမြကြည်လင်တဲ့ရေပြည့်အိုးမှာ ပဒုမ္မာကြာပန်း နှစ်ပွင့်ထိုးပြီး ရေချိုခပ်ရာက ပြန်လာသတဲ့။
မောင်တို့ မယ်တို့ အတူယှဉ်တွဲကြမှ လောကအလယ် တင့်တယ်ပေလိမ့်မယ်။ မေတ္တာရေစင်အိုးနဲ့ ပြည့်ဖြိုးနေမှသာ ငြိမ်းချမ်းသာယာပေလိမ့်မယ်။
အချင်းချင်း မောင်ရင်းနှမ ညီရင်းအကိုကဲ့သို့ ချစ်ခင်လက်တွဲပြီး အခက်အခဲမှန်သမျှ ကျော်လွှားကြစေလိုတယ်။ မာန်စောင်ချပြီး ရန်မထောင်ကြမှ မြန်ဘောင်လှမယ်။ ပန်းတိုင်တူရာသို့ အတူတူချီတက်ကြသူအချင်းချင်း၊ သည်းခံကြ၊ ခွင့်လွှတ်ကြ၊ နားလည်မှုထားကြစေချင်တယ်။
အမိမြန်မာကို မေတ္တာနဲ့ကျေးဇူးဆပ်ကြတဲ့ သားကောင်း သမီးကောင်းတို့ရဲ့လုပ်ရပ်ဟာ အမှတ်တရ၊ လွမ်းစရာ၊ ဂုဏ်ယူစရာပါ။
စိတ်နှလုံးကျယ်ပြန့်၊ အတွေးအမြင်သန့်သန့်နဲ့ ခန့်ညားတဲ့အမူအရာနဲ့ `မိုးသောက်ကြယ်`ဆိုတဲ့ တာရာဦး ပွင့်ဖူးလာပါပြီ။
ကျက်သရေ တက်နေသို့လင်းပါစေ။
တင်မိုး
၁၀-၁၁-၂၀၀၄
လော့စ်အိန်ဂျလိစ်။
“အာဟာရစာကြည့်တိုက်”အမည်မှ “မိုးသောက်ကြယ်စာကြည့်တိုက်“အဖြစ် အမည်ပေးကင်ပွန်းတပ်ခဲ့သူ၊ ဦးဆောင်လမ်းညွန်ကြီးကြပ်ပေးခဲ့သူ မိုးသောက်ကြယ်စာကြည့်တိုက်၏ဥယျာဉ်မှူးကြီး ဆရာတင်မိုး(ကွယ်လွန်)၏
၂၀၀၄ ခုနှစ်က ရေးသားခဲ့သောလက်ရေးမူကို ပြန်လည်ဖော်ပြခြင်းဖြစ်ပါသည်။
-------------------------------------------------------------------------------------------
မိုးသောက်ကြယ်စာကြည့်တိုက်သို့
စာကြည့်တိုက်တံခါး
ဖွင့်၍ထားလော့
ထောင်တံခါးတို့ ပိတ်စေအံ့။
မောင်စွမ်းရည်
-------------------------------------------------------------------------------------------
မိုးသောက်ကြယ် စာကြည့်တိုက် (၅)နှစ်ပြည့်တွင် အဖွဲ့သူ အဖွဲ့သားများ ကိုယ်စိတ်နှလုံးကျန်းမာချမ်းသာစွာဖြင့် စာပေအလင်းရောင်ဖြင့် နိုင်ငံအကျိုး ဆထက်တိုး၍ လုပ်ဆောင်နိုင်ပါစေ။
--------------------------------------------------------------------------------------------------
အမှောင်ခွင်းတဲ့ မိုးသောက်ကြယ်၊ အလင်းဆောင်ယူ ဒို့ ပြည်သူတွက်။
ကိုမိုး(ပွင့်သစ်)
---------------------------------------------------------------------------------------------
မိုးသောက်ကြယ် စာကြည့်တိုက် ငါးနှစ်ပြည့် အထိမ်းအမှတ်(ကိုကြီးပေါ်)
“သိကျွမ်း
ခဲ့ရသော မိုးသောက်ကြယ်” စကားဝိုင်းပြေရိုးတလျှောက်ဝယ် မင်္ဂလာ အဖြာဖြာ ရှိလိုက်ပါတဲ့
ရွှေမိုးသောက်ကြယ် မြန်မာ စာကြည့်တိုက်ကိုဖြင့်
သပြေ ဖြိုးမောက်ကယ် မကိုဋ်စုံစွာ ပန်းတွေနဲ့
အထိုက်တော် တန်သင့်အောင်ပ ဂုဏ်ဆန်းချင်
သြော်… သမိုက်နော် ကျန်ရစ်အောင်ပ မှတ်တမ်းတင်။
သခင်ကိုယ်တော်မှိုင်း ရေးတာလို့ … မထင်လိုက်ပါနဲ့။ ဆရာကြီးသာ ရှိရင် အဲသလိုများ ရေးလေမလားလို့ သခင်ကိုပေါ်မိ်ှုင်း လက်တည့် စမ်းကြည့်လိုက်တာပါ။
သြော်… ဘာလိုလိုနဲ့ ငါးနှစ်တောင် ရှိပြီပဲကိုး။ ငါးနှစ်ဆိုတော့ မူကြိုကျော်လို့ လူပျိုဘော်တောင် ၀င်ပါပေါ့။ ဟိုအရင် အတိတ်ဘ၀ အာဟာရ ကိုပါ ထည့်ပေါင်းရင် အိုတောင် နေပြီပဲ။ ဟိုတုန်းက သူတို့က အာဟာရဟေ့ ဆိုတော့လည်း အာဟာရလိုက်ရ။ နောက်တော့ မိုးသောက်ကြယ်ဗျို့ ဆိုတော့လည်း မိုးသောက်ကြယ်လိုက်ရ။ နောက်တခါ…။ အဲ နောက်တခါတော့ ရှိမယ် မထင်ပါဘူးနော့။
စာကြည့်တိုက် ဆိုတာ ဘာလဲလို့ သိချင်ရင် လာကြည့်လိုက်မှ သိတယ်လို့ ပြောရမလိုပါပဲ။ စာကြည့်တိုက်ဆိုတာ အခန်းထောင့်ကလေး ပိစိကွေးလေးကနေ မြို့တမြို့လောက်အထိ ကြီးကျယ် နိုင်ပေတာကိုး။ လုပ်ဆောင်သူတွေရဲ့ စိတ်ဓာတ် ကြီးကျယ်သလောက် စာကြည့်တိုက်ဆိုတာ ကြီးကျယ်နိုင်တယ်တဲ့။ အဲ စိတ်ဓာတ် မကြီးကျယ်ရင်ကောတဲ့…။ အဲဒါတော့ ကိုယ့်ဘာသာ ဖြေကြည့်ပါတော့။ ဖြေမကြည့်ချင်ရင် ရွှေနိုင်ငံတော်ကြီးကို လည်ပြန်သာ ကြည့်၊ ဗေထိဆို သိကိုသွားစေရမယ်။
ဗေထိ ဆိုလို့။ မိုးသောက်ကြယ်ကလည်း ဗေထိတွေ အတော်များ ဆိုပဲ။ ဂျပန် တိုကျိုမှာ ဇရာအိုအောင် နေချင်ရင် မိုးသောက်ကြယ်ကို တည့်အောင်ပေါင်း ဆိုလားပဲ။ ကြားမိတာ ပြောတာပါ။ ဟုတ်ချင်မှ ဟုတ်မှာပါ။ မိုးသောက်ကြယ်က ဗေမထိပေမယ့် အယ်ဒီတာမင်း စိုးဝင်းရှိန်ကတော့ ဗေထိမယ် ထင်တာပဲ။ စိုးဝင်းရှိန် ခမျာလည်း မငွေမြိုင် ဇာတ်ထောင်သလိုပါပဲ။ မြခြေကျင်း မငွေမြိုင်က စွယ်စုံရ မင်းသမီး ဆိုတော့ သူ့ဇာတ်မှာ သူဇာတ်စီးပေါ့။ ဒီတော့ မင်းသားသစ်ကလေးတွေ သင်ပေးပြီး တွဲကတယ်။ ကိုယ်တော်လေးတွေက ပညာလည်း စုံရော ဇာတ်ခွဲထောင်သွားကြတော့ မငွေမြိုင်က မင်းသားသစ် ထုတ်လုပ်ပေးတဲ့ စက်ရုံကြီးကို ဖြစ်လို့။ ဒါနဲ့တောင် ဒီ အယ်ဒီတာမင်းက လုပ်အားပေး ခေါ်ထားသေးရဲ့။
အဲသလို လေ့ကျင့်ကွင်းတခု ရှိတယ် ဆိုတာလည်း အရေးကြီးတဲ့ လိုအပ်ချက်တခု ပါပဲ။ မိုးသောက်ကြယ်မှာ လေ့ကျင့်နိုင်တယ် ဆိုတာ ဒုလ္လဘတခုလို့ ပြောရမှာပေါ့။ ဒုလ္လဘ ၀တ်တုန်းလေးတော့ ကုသိုလ်ရအောင် ပါရမီဖြည့်ကြရင် အားလုံးအတွက် အကျိုးရှိတာပါပဲ။ နောင်ခါမှ ကိုယ့်ဘာသာ ကျောင်းထိုင်ပဲ လုပ်လုပ်၊ ဓမ္မကထိကပဲ လုပ်လုပ်ပေါ့။ အဟဲ၊ ကိုကြီးပေါ်လည်း မိုးသောက်ကြယ်မှာ ဒုလ္လ၀တ်နေတာ အတော်ကြာပါပေါ့။ အယ်ဒ်ီတာမင်းများရော၊ စာကြည့်တိုက် အဖွဲ့သားများရော၊ စာဖတ်သူများကိုပါ ကျေးဇူးတင်ပါတယ်ဗျာ။
အယ်ချုပ်ကြီး ဒေါ်တင်တင်ဝင်းကို ဂျပန်တွေက လူမှုထူးချွန်ဆု ပေးတယ်သိရလို့ ဂုဏ်ပြုပါကြောင်း ပြောပါရစေဦး။ ဟို ကိုချစ်မိုးကိုလည်း သတိရပါကြောင်းနဲ့ မိုးသောက်ကြယ်နဲ့ ပတ်သက်ကြတဲ့ မြင်ဖူးသူ/မမြင်ဘူးသူ ပြောဖူးသူ/မပြောဖူးသူ ကြားဖူးသူ/မကြားဖူးသူ ရှိရှိသမျှ ဝေနေယျ… အဲမှားလို့၊ မိုးသောက်ကြယ် အဖွဲ့သားများ အားလုံး ကိုယ်ကျန်းမာ စိတ်ချမ်းသာ ကြပါစေ။
အလုပ်တွေကို ဘာလုပ်မယ် ညာလုပ်မယ် ကွိကွိကွကွ စိစိရွရွ လျှောက်ပြောရတာ လွယ်တယ်။ တကယ် လုပ်ရတာ ခက်တယ်။ ဒါကြောင့် တကယ်လုပ်နေသူတွေကို ဘာလုပ်သင့်တယ် ညာလုပ်သင့်တယ် ဘယ်တော့မှ မပြောပါ။ အခုလည်း ငါးနှစ်ပြည့် အမှတ်တရမှာ ဘာလုပ်ပါလို့ မပြောပါ။ လုပ်နေသမျှကို လူနတ်သတ္တ၀ါ သိကြပါတယ်။ သိတာကို သာဓုခေါ်ဖို့ ပါပဲ။ သာဓု မခေါ်နိုင်သူဟာ အ,နေလို့ ဖြစ်ပါလိမ့်မယ်။
အချို့ကျတော့လည်း နှစ်ပတ်လည်တို့ မိတ်ဆုံပွဲတို့ဆိုရင် မုန့်ကျွေးပြီး ကြွားတော့တာပဲ။ စားတဲ့သူတွေကလည်း ပလုပ်ပလောင်းနဲ့ ဟုတ်ပ ဟုတ်ပ လုပ်ကြ။ အပြင်လည်းရောက်ရော အတင်းတုပ်တော့တာပဲ။ သို့ပေမယ့် ဒါကလည်း ယနေ့ခေတ် ဖက်ရှင်တခု ဖြစ်နေတာကိုး။ ကမ္ဘာကျော် အဖွဲ့အစည်းတွေက စ၍ မြန်မာကျော် အဖွဲ့များ အထိပေ့ါ။ သြကာသ ဖြောင့်အောင် မရတဲ့ မင်းသမီးက အင်တာဗျူးအတွက် ဘုရားစင်ရှေ့မှာ သဘက်ကလေး ပတ်ပြီး ဓာတ်ပုံ အရိုက်ခံသလိုပါပဲ။ သေချာကြည့်တော့ သဘက်က ပြောင်းပြန်။
မိုးသောက်ကြယ်ကတော့ နည်းနည်း လည်ပုံရတယ်။ ကိုကြီးပေါ်နဲ့ ပေါင်းလို့ ထင်တယ်။ စကားဝိုင်းတဲ့။ သိကျွမ်းခဲ့ရသော… ဆိုတော့ မသိတဲ့လူတွေ မပါဘူးလို့ ယူဆရပါတယ်။ ဒါလည်း ကောင်းတာပါပဲ။ မသိဘဲ လျှောက်ပြောတော့ နားညည်းတာပေါ့။ စကားဝိုင်း ဆိုရင်တော့ - သောမနဿသဟဂုတ်, လက်ဖက်က သုံးလေးလုတ်, ဒိဋ္ဌိဂတသမ္ပယုတ်, ကြက်သွန်ကြော် များများနှင့် ဗိုက်ကားအောင် တုတ်ပြီးလျှင် - ဆိုတဲ့ ဦးပုည ရေးသလိုတော့ မဟုတ်လောက်ဘူး ထင်ပါရဲ့။
ဘာပဲဖြစ်ဖြစ် စကားဝိုင်းမှာ
အဖွဲ့သားတွေ အားလုံးစုံပြီး
အဝေးအနီး အမြင်အထွေထွေကို
သွေးစည်း ကြည်လင်စေတဲ့ စကားချိုစွာနဲ့
လိုရာရောက်အောင် ပြောလို့မို့
မလိုတမာ အမိုက်ရန်တွေကင်းပြီး
စိတ်ကြံရင်းသမျှတွေလည်း ပြည့်ဝကြပါစေ
မပြည့်မရသေးတဲ့ ဒီမိုကရေစီ ခရီးမှာလည်း
ယီးတီးယောင်တ အချောင်ခွစားသူတွေကို ပယ်သတ်၍
တကယ် တပ်အပ်သေချာစွာ ကြိုးကုပ်၍ အရိုးထုတ်မယ့်သူတွေနဲ့
ထမ်းပိုးတုပ်ကာ လက်ချင်းချိတ်ချိတ်ပြီး တစိတ်ထဲ ညီစွာမောင်း
(ဒီမယ် စိုးဝင်းရှိန်ရဲ့) သူခိုးယုတ်မာ နအဖ ကမြင်းမသားတွေကိုဖြင့်
နားရင်းချကာ ချကာနဲ့ လင်းတစာ ကျွေးဖို့သာကောင်း။
ကိုကြီးပေါ်
၂၀၀၉ နိုဝင်ဘာ ၂၀
----------------------------------------------------------------------------------------------
မိုးသောက်ကြယ် ၅ နှစ်မြောက်မွေးနေ့မှာ
ဝိုင်းတော်သားတွေအားလုံး ရွှင်လန်းချမ်းမြေ့ကြပါစေ။
သားဆွေ
----------------------------------------------------------------------------------------------
မနိုးသူတို့ပျောက်တဲ့ မိုးသောက်ရှုခင်း
(တင်မိုး)
(တင်မိုး)
မနက်တိုင်း
ကြယ်ကလေးတလုံး ပေါ်သည်။
မနက်တိုင်း
ကြယ်ကလေးကို မျှော်သည်။
ပေါ်လိုက်မျှော်လိုက်နှင့်
တိမ်တိုက်အောက်
တခါတလေ ပျောက်သွားတတ်သည်။
မိုးသောက်ချိန်ဆိုတာ အမြဲရှိသည်။
မိုးသောက်ချိန်နှင့် ငှက်ကလည်း
တွဲဖက် ဖြစ်သည်။
အာရုဏ်တက်တိုင်း ငှက်တို့သီချင်း ဆိုသည်။
မနက်မိုးလင်းပေမဲ့
နိုးကြားပျင်းသူတို့မှာ
ဤရှုခင်း အမြဲပျောက်လိမ့်မည်။
တင်မိုး
၆၊ ၄၊ ၂ဝဝဝ
ကြာသပတေး နံနက်ခင်း
----------------------------------------------------------------------------------------------
မိုးသောက်ကြယ်စာကြည့်တိုက် အဓွန့်ရှည် ပါစေလို့ မေတ္တာပို့ ဆုတောင်းပါတယ်။
မိုးချိုသင်း
----------------------------------------------------------------------------------------------
Congratulation !!!!!!!!!!
မေငြိမ်း
----------------------------------------------------------------------------------------------
မင်္ဂလာပါ... မိုးသောက်ကြယ် ယခု ၅ နှစ်ပြည့်မှ နောင်နှစ်ပေါင်းများစွာတိုင် စာဖတ်သူများကို အလင်းရောင် ပေးဝေနိုင်ပါစေ ။
ဖြိုးဝေ-mmp
.jpg)
0 comments:
Post a Comment