တိုကျို၊ အောက်တိုဘာ(၁၈)
မဆလတစ်ပါတီအာဏာရှင်ကို ဖြုတ်ချပစ်နိုင်ခဲ့သည့် ၈၈ အရေးတော်ပုံတွင်ထင်ရှားကျော်ကြားခဲ့သည့် အကျဉ်းကျခံ ၈၈မျိုးဆက်ကျောင်းသားခေါင်း မင်းကိုနိုင်၏ အောက်တိုဘာ(၁၈)ရက်တွင် ကျရောက်သည့် ၄၈ နှစ်ပြည့်မွေးနေ့တွင် မြန်မာ့ဒီမိုကရေစီအရေးအတွက် ဂျပန်တွင်လှုပ်ရှားနေသည့် တက်ကြွသူမြန်မာနိုင်ငံသား (၄၈)ဦးက အကျဉ်းကျခံနေရမှုမှ မင်းကိုနိုင်၏ လွတ်မြောက်ရေးအတွက် တိုကျိုရှိမြန်မာအခွန်ရုံး(သံရုံး)ရှေ့တွင်သွားရောက်စုပေါင်း ဆန္ဒပြတောင်းဆိုခဲ့ကြသည်။
ကျိုင်းတုံအကျဉ်းထောင်တွင် လူတဦး၏တန်ဖိုးရှိသော ငယ်ရွယ်သည့်အချိန်များကို တိုင်ပြည်အတွက်ပေးဆပ်ရင် ဒီမိုကရေစီရရှိရေးအတွက် ယနေ့ထိတိုင် နအဖစစ်အာဏာရှင်များကို တိုင်ပွဲဝင်နေသာ ကျောင်းသားခေါင်းဆောင်မင်းကိုနိုင်၏ ၄၈နှစ်ပြည့်မွေးနေ့ကို ဂုဏ်ပြုရင်း ၄င်းပြန်လည်လွတ်မြောက်ရေးအတွက် တောင်းဆိုဆန္ဒပြရခြင်းဖြစ်သည်ဟု အခန်းအနားမှူးဖြစ်သည့် ကိုမြတ်သူမှပြောဆိုသည်။
``မင်းကိုနိုင်ဆိုတာက ပြည်သူတွေကို မတရားဖိနှိပ်ချုပ်ချယ်အုပ်စိုးနေတဲ့ မင်းဆိုးတွေကိုနိုင်တဲ့သူ မင်းကိုနိုင်ဖြစ်ပါတယ်။ မင်းကိုနိုင်ဟာ ပြည်သူတွေနဲ့တသားတည်းရှိနေတဲ့အတွက် ဘယ်တော့မှမသေပါဘူး၊ အကယ်၍ မင်းကိုနိုင်သေသွားခဲ့ရင်တောင် မင်းကိုနိုင်ရဲ့နေရာမှာ အခြားသော မင်းကိုနိုင်တွေက ထပ်ပြီးတော့ အစားထိုးလာပါလိမ့်မယ်´´ဟုကိုမြတ်သူမှ မင်းကိုနိုင်သည် ပြည်သူတို့၏ ပြယုဂ်၊ ကျောင်းသားထု၏ ပုံရိပ်ဖြစ်ကြောင်းကို ရှင်းလင်းပြောဆိုသွားသည်။
၈၈ မျိုးဆက်ကျောင်းသားခေါင်းဆောင် မင်းကိုနိုင်သည် ရန်ကုန်တက္ကသိုလ်တွင် ၁၉၈၀ ခုနှစ်မှစ၍ သတ္တဗေဒအထူးပြုဖြင့် လေ့လာဆည်းပူးရင် နိုင်ငံရေးကို စိတ်ပါဝင်စားသည့် ကျောင်းသားတဦးဖြစ်သည့်အလျှောက် ၁၉၈၅ ခုနှစ်နောက်ပိုင်း မဆလအာဏာရှင်နေ၀င်းအစိုးရမှ ၁၉၈၅ ခုနှစ်၌ ပြည်သူအများလက်ဝယ်တွင် သုံးစွဲနေသည့် ၁၀၀ ကျပ်တန်များ ရုတ်တရုတ်ပိတ်သိမ်းလိုက်သည့်အတွက် ယင်းကဲ့သို့ပိတ်သိမ်းမူ့ကြောင့်ဖြစ်ပေါ်လာသည့် လူထုလှုပ်ရှားမှုများတွင် ပါဝင်လှုပ်ရှားကာ ဗမာနိုင်ငံလုံးဆိုင်ရာ ကျောင်းသားသမဂ္ဂကိုဖွဲ့စည်း၍ ၈၈ အရေးတော်ကာလတွင် ပြည်သူများကို ဦးဆောင်ခဲ့သည့် ထင်းရှားသောကျောင်းသားခေါင်းဆောင်တဦးဖြစ်ခဲ့သည်။
၈၈ အရေးတော်ပုံတွင် ပါဝင်လှုပ်ရှားရင်း ယနေ့အချိန်တွင် ဂျပန်နိုင်ငံသို့ရောက်ရှိပြီး နိုင်ငံရေးအကျဉ်းသားများကူညီစောင့်ရှောက်ရေးအသင်း၏ ဂျပန်တာဝန်ခံအဖြစ်ဆောင်ရွက်နေသည့် ကျောင်းသားခေါင်းဆောင်ဟောင်းကိုဖုန်းမြင့်ထွန်းက မင်းကိုနိုင်အား အမြဲအမှတ်ရစေသောအရာမှာ သာမန်ကျောင်းသားတဦး၏ပုံစံမျိုးရှိသော မင်းကိုနိုင်သည် ၈၈ အရေးတော်ပုံကာလတွင် ဆန္ဒပြတောင်းဆိုနေသော ကျောင်းသားပြည်သူထုနှင့် သေနတ်ကိုင်ဆောင်ထားသောစစ်သားများအကြားတွင် အများအတွက်မားမားမတ်မတ်ဝင်ရောက်ရပ်တည်ပေးခဲ့သော ရဲဘော်ရဲဘက်နှင့်ခေါင်းဆောင်ကောင်း စိတ်ဓါတ်ပင်ဖြစ်ကြောင်းပြောပြသည်။
၎င်းက``ကိုမင်းကိုနိုင်ပြောခဲ့တဲ့စကားတခု ရင်ထဲမှာစွဲနေတာရှိပါတယ်၊ ကျောင်းသားထုနဲ့စစ်တပ်ထိပ်တိုက်တွေ့ခဲ့တဲ့ ကုန်သွယ်ရေးရုံးနဲ့စစ်ရုံးကြီးကို ၀ိုင်းထားတဲ့အချိန်မှာ သူက ကျောင်းသားနဲ့စစ်သားတွေရဲ့ကြားကနေ ကျောင်းသားနဲ့စစ်တပ်ဟာ ရန်သူမဟုတ်ဘူး၊ ကျောင်းသားနဲ့စစ်တပ်ဟာ ပြည်သူလူထုကို အလုပ်အကျွေးပြုနေတဲ့သူတွေပဲဖြစ်တယ်၊ ဒီတော့ဒီကျောင်းသားနဲ့စစ်တပ်ဟာ ဘယ်တော့မှ ရန်ဖြစ်စရာမလိုဘူးလို့ ကျောင်းသားထုကို ပြောခဲ့တယ်၊ အဲ့လိုပဲ စစ်တပ်ဖက်ကိုလည်း ခွပ်ဒေါင်းဆိုတဲ့စိတ်ဓါတ်ဟာ တိုက်ရင်အနိုင်တိုက်တယ်၊ သေတာနဲ့အနိုင်ပဲရှိတယ်၊ အရှုံးဆိုတာမရှိဘူးလို့ရဲရဲတောက်မိန့်ခွန်းပြောခဲ့တယ်´´ဟု ပြောပြသည်။
၂၀၀၇ ခုနှစ်တွင် အခြား ၈၈မျိုးဆက်ကျောင်းသားခေါင်းဆောင်(၁၃)ဦးနှင့်အတူ လောင်စာဆီဈေးနှုန်းကျဆင်းရေးလမ်းလျှောက်ဆန္ဒပြတောင်းဆိုခဲ့ခြင်းကြောင့် တတိယအကြိမ်အဖြစ် နအဖ၏ အကျဉ်းချခြင်းကို ထပ်မံခံနေရသည့်အတွက် မြန်မာ့ဒီမိုကရေစီအရေးအတွက် အရေးပါသော ခေါင်းဆောင်တဦး လွတ်မြောက်ဖို့ရန် ဂျပန်ရှိဒီမိုကရေစီအင်အားစုများက မကြာခဏတောင်ဆိုခဲ့ကြသလို မင်းကိုနိုင်၏ ၄၈နှစ်ပြည့်မွေးနေ့တွင်လည်း လူပေါင်း ၄၈ ဦးက တညီတညွတ်တည်း စုစည်းဆန္ဒပြတောင်းဆိုခဲ့ကြခြင်းဖြစ်သည်။
ရေးသားသူ-သန့်မျိုးထွေး(မိုးသောက်ကြယ်)
မှတ်တမ်းဓါတ်ပုံ-မင်းညိုဝမ်း
.jpg)
0 comments:
Post a Comment