ပြောင်းလဲဖို့ အတွက် ကိုယ်တိုင်ကြိုးစားဖို့လိုအပ်ကြောင်း အရှင်နာယကမိန့်ကြား ~ မိုးသောက်ကြယ်

Monday, November 17, 2008

ပြောင်းလဲဖို့ အတွက် ကိုယ်တိုင်ကြိုးစားဖို့လိုအပ်ကြောင်း အရှင်နာယကမိန့်ကြား

2:15 AM moethaukkye No comments

၂၀၀၈၊ နိုဝင်ဘာ(၁၆)

('နအဖက သူတို့အာဏာတည်မြဲဖို့အတွက် သံဃာတော်တွေကို ရက်ရက်စက်စက် သတ်ရဲတယ်။ ဦးဇင်းတို့သံဃာတွေကတော့ အမျိုး၊ ဘာသာ၊ သာသနာတော် တည်တံ့ရှင်သန်နိုင်ရေးအတွက် ရဲရဲကြီးအသေခံရဲတယ်'(အရှင်နာယက))

'ကံ-ကံ၏အကျိုး'ကိုသက်ဝင်ယုံကြည်ကြသည့် ထေရဝါဒဗုဒ္ဓဘာသာနွယ်ဝင်မြန်မာလူမျိုးများအနေဖြင့် စစ်အာဏာရှင်လက်အောက်မှလွတ်မြောက် ဖို့နှင့် ဓမ္မံန္တရာယ်ရန်မှတွန်းလှန်ကာကွယ်နိုင်ဖို့အတွက် မိမိတို့ကိုယ်တိုင်ကြိုးစားဆောင်ရွက်ဖို့လိုအပ်ကြောင်း သာသနာ့ ဥသျှောင်အဖွဲ့အတွင်းရေးမှူး ဆရာ တော်ဒေါက်တာအရှင်နာယကမှ ဂျပန်ရောက်ဒီမိုကရေစီအင်အားစုများနှင့် တွေ့ဆုံနွေးပွဲတွင် မိန့်ကြားလိုက်သည်။

ဂျပန်နိုင်ငံ၊ တိုကျိုမြို့ အဆကုဆ(Asakusa)တွင် နိုဝင်ဘာ ၁၄ ရက်နေ့မှ ၁၇ ရက်နေ့အထိ ကျင်းပပြုလုပ်သည့် ၂၄ ကြိမ်မြောက် ကမ္ဘာ့ဗုဒ္ဓဘာသာ ဆိုင်ရာနှီးနှောဖလှယ်ပွဲသို့ တက်ရောက်စာတမ်းတင်သွင်းရန် ဖိတ်ကြားခြင်းခံရသည့် ရခိုင်အမျိုးသားဆရာတော် အရှင်နာကယက နိုဝင်ဘာ ၁၆ ရက်နေ့ကပြုလုပ်ခဲ့သော ဂျပန်ရောက်မြန်မာ့ဒီမိုကရေစီအင်အားစုများနှင့်တွေ့ဆုံဆွေးနွေးပွဲတွင် ''ဦးဇင်းတို့ရဲ့ ဗုဒ္ဓမြတ်စွာဘုရားက 'ဧဟိပတိ ကော(ကျင့်ကြံအားထုတ် ကြိုးစားလှည့်)၊ အကာလိကော(အခါမလင့်အကျိုးပေးအံ)'လို့ ဟောကြားတော်မူခဲ့တယ်။ ဆုမတောင်းခိုင်း ဘူး။ လက်ရှိပစ္စုပ္ပာန်အကျိုးအကြောင်းတရားကိုပဲ ကြိုးစားအားထုတ်ကျင့်ကြံခိုင်းတာ။ မြန်မာပြည်မှာ သာသနာအန္တရာယ်ကနေ ကာကွယ်ဖို့ ဦးဇင်းတို့က နအဖကိုယနေ့ထက်ထိ 'ပတ္တနိက္ကုဇ္ဇနကံ'ဆောင်ဆဲပဲဖြစ်တယ်။ ဒါကာ/မတို့ကလည်း အာဏာရှင်စနစ် အောက်ကနေချုပ်ငြိမ်းဖို့၊ လက်ရှိဘဝကနေပြောင်းလဲဖို့အတွက် ဆုတောင်းမနေ၊ မျှော်လင့်စောင့်ဆိုင်းမနေကြဘဲ ညီညီညွတ်ညွတ်နဲ့ ကိုယ်တိုင်ကြိုးစားအားထုတ်ဖို့လိုအပ်တယ်..'' ဟုမိန့်ဆိုသည်။

ဆက်လက်၍ ၄၄ ဦးမြောက် အမေရိကန်သမတဖြစ်လာတော့မည့် ဘားရက်အိုဘားမားသည်လည်း 'ပြောင်းလဲဖို့အတွက်၊ ငါတို့လုပ် နိုင်ပါတယ်'ဆိုတဲ့ (Change! Yes..We Can)စကားအတိုင်း လက်တွေ့အကောင်အထည်ဖော် လုပ်ဆောင်ခဲ့သည့်အတွက် အမေ ရိကန်နိုင်ငံသမိုင်း၏ နှစ် ၂ဝဝ ကျော်စာမျက်နှာတွင် ပထမဦး ဆုံးသောလူမည်းသမတဖြစ်လာရခြင်းဖြစ်ကြောင်း၊ မဖြစ်နိုင်ဘူးဆိုတာမရှိကြောင်းနှင့် သံဃာနှင့်ပြည်သူကို မယုံကြည်နိုင်လောက် အောင်နှိပ်စက်သတ်ဖြတ်နေသည့် မင်းဆိုးမင်းညစ်များကို အမြန်ဆုံးဖယ်ရှားနိုင်ဖို့အတွက် မစိုးရိမ် ဆရာတော်ကြီးမိန့်မှာခဲ့သည့်အ တိုင်း နည်းပေါင်းစုံနဲ့တော်လှန်ကြဖို့လိုကြောင်း အကျယ်တဝင့် ရှင်းလင်းမိန့်ကြားခဲ့သည်။

ဆရာတော်အရှင်နယကသည် အမေရိကန်နိုင်ငံ၊ နယူးယောက် မြို့ရှိ ကိုလံဘီယာတက္ကသိုလ်တွင် ဗုဒ္ဓဘာသာဆိုင်ရာ သမိုင်းအ ချက်အလက်များကို ဟောပြောပို့ ချပေးနေသည့် သံဃာတော်တပါးဖြစ်သည်။ ၂ဝဝ၇ ခုနှစ် သံ ဃာသပိတ်တွင်လည်း ဦးဆောင် ပါဝင်ခဲ့ပြီး ယနေ့အချိန်အထိ နအဖစစ်အုပ်စုကို 'ပတ္တနိက္ကုဇ္ဇန ကံ' ဆောင်ထားဆဲဖြစ်သည်။

ကမ္ဘာတဝှမ်းမှ ဗုဒ္ဓသားတော် ၅ဝဝ ကျော်တက်ရောက်ခဲ့သည့် ၂၄ ကြိမ်မြောက် ကမ္ဘာ့ဗုဒ္ဓဘာ သာဆိုင်ရာနှီးနှောဖလှယ်ပွဲတွင် 'စစ်အာဏာရှင်လက်အောက်ကျရောက် နေသော မြန်မာပြည်ဗုဒ္ဓဘာသာ'ခေါင်းစဉ်ဖြင့် စာတမ်းတစောင်ကို အထောက်အထားပြည့်ပြည့်စုံစုံနှင့် တင်သွင်းခဲ့ပြီး သာသနဥသျှောင်မှ အင်္ဂလိပ်လိုပုံနှိပ်ထားသည့် စာအုပ်ကိုလည်း နှီးနှောဖလှယ်ပွဲတွင် ဖြန့်ချိခဲ့ကြောင်းလည်းသိရှိရသည်။

အရှင်နာယကထံ တိုက်ရိုက်ဆက်သွယ်လိုပါက-

Ashin Nayaka(Ph.D)

Visiting Professor

Department of History

Columbia University,

New York

Buddhist Missionary Society

35-25 90th St: #2R

Jackson Heights,

NY 11372

USA

P&F:(1718)898-8274