အသက်(၈ဝ)ပြည့်သွားပြီဖြစ်တဲ့ ဆရာကြီးဦးမင်္ဂလာ၊ မွေးနေ့မင်္ဂလာပွဲကို တပည့်များနှင့်ပျော်ရွှင်စွာဆင်နွဲ

မြန်မာလူမျိုးများကို အစဉ်တစိုက်ကူညီအားပေးနေပြီး ''မင်္ဂလာ''ဂျပန်စာသင်ကျောင်းတည်ထောင်သူ ဆရာကြီး ဦးမင်္ဂလာ(ခေါ်)Nishida Sanသည် ယခုနှစ်နိုဝင်ဘာ(၁၁)ရက်နေ့တွင် အသက်(၈ဝ)ပြည့်မြောက်သွားပြီဖြစ် ကြောင်းသိရသည်။
ကြည်လင်သောအပြုံး၊ နှစ်လိုဖွယ်ကောင်းသောမျက်နှာထားဖြင့် အမြဲရွင်ရွင်လန်းလန်းနေတတ်သည့်ဆရာကြီး ဦးမင်္ဂလာ၏ မွေးနေ့ပွဲကို တိုကျိုမြို့၊ ကိုးအန့်ဂျိ(koenji)အရပ်ရှိ ကုရိုးရှိအိုး(kuro shio)စားသောက်ဆိုင်တွင် ယခုလ (၁၆)ရက်က တပည့်များနှင့်အတူ ပျော်ပျော်ပါးပါးဆင်နွဲကျင်းပခဲ့ကြောင်းသိရသည်။

မြန်မာနိုင်ငံသားဒုက္ခသည်များကူညီစောင့်ရှောက်ရေးအသင်း၏နာယကတစ်ဦးလည်းဖြစ်သူ ဆရာကြီးဦးမင်္ဂလာ သည် ဂျပန်နိုင်ငံတွင် ဒုက္ခသည်လျှောက်ထားသည့်မြန်မာလူမျိုးများကို လဝကအချုပ်တွင် အဖမ်းခံနေရစဉ်အ ချိန်အတွင်း သွားရောက်တွေ့ဆုံအားပေးခြင်း၊ တွေ့ဆုံချိန်တွင် ဂျပန်စာကိုပါ သင်ကြားပေးသည့်အပြင် ''ကာလီ ဟိုးမင့်''ခေါ် ယာယီခံဝန်ချုပ်ဖြင့် ပြန်လည်လွတ်မြောက်နိုင်ရန်အတွက်ပါ အာမခံပြုလုပ်ပေးသည့်အထိ ကူညီ ပေးနေသူလည်းဖြစ်သည်။
''ဆရာကြီးက အဖေအမေမက တကယ့်ဖခင်ရင်းအလားကျေးဇူးရှိပါတယ်၊ ကတယ့်ကျေးဇူးရှင်လည်းဖြစ်တဲ့ အတွက်ကြောင့် ကျေးဇူးဆပ်တဲ့အနေနဲ့ ဆရာကြီးရဲ့နှလုံးသား၊ ဆရာကြီးပျော်ရွင်အောင်လို့၊ သက်ကျော်ရာ ကျော်ရှည်အောင်လို့ အကုန်လုံးကိုယ်စား၊ စားတာသောက်တာကအစ အားလုံးတာဝန်ယူပြီးတော့၊ လက် ဆောင်ပေးတာကအစ တာဝန်ယူပြီးလုပ်ပေးတာပါ''ဟု တာဝန်ယူကျင်းပပေးသည့်တပည့်များထဲမှ မလှလှဝေ နှင့်မအိဖြူထွေးတို့ကပြောပြသည်။

မင်္ဂလာစာသင်ကျောင်းတွင် ဆရာကြီးနှင့်အတူလက်တွဲလုပ်ဆောင်နေသည့် တပည့်ရင်းတဦးလဲဖြစ်သူ မနီနီစိုး ကတော့ ''ကျနော်ကတော့ အခုလိုပေါ့နော်၊ ဆရာကြီးလိုလူမျိုးရှိတဲ့အတွက်ကြောင့် ကျနော်တို့တွေအကုန်လုံး၊ ဒီနန်းမင်း(Refugee)တွေ၊ ဘာတွေမပေါ်ခင်ကတည်းက လွန်ခဲ့တဲ့နှစ်ပေါင်းများစွာကတည်းက ဝလုံးတွေအဖမ်း ခံရရင် သွားတွေ့တာမျိုး၊ လေယာဉ်လက်မှတ်ခတွေထုတ်ပေးတာမျိုး၊ လိုအပ်တဲ့အသုံးအဆောင် ခြေအိတ် အ နွေးထည်ကအစ သူ့ပိုက်ဆံနဲ့ဝယ်ပြီး အားလုံးကိုကူညီပေးခဲ့တယ်။ ကျနော်တို့အတွက်ကတော့ ဒီလိုဒုက္ခရောက် တဲ့ ကိုယ်လူမျိုးအချင်းချင်းတွေကိုတောင် အဲ့လိုကူညီနိုင်ဖို့ဆိုတာ ဘယ်လိုမှမဖြစ်နိုင်ဘူး၊ အဲ့တော့ ကျနော်တို့ရဲ့ ဘဝမှာ၊ မြန်မာလူမျိုးတွေရဲ့ဘဝမှာ တသက်မှာတယောက်ဆိုသလိုတန်ဖိုးထားမိတယ်။ ဆရာကြီးလဲ ကျန်းကျန်း မာမာချမ်းချမ်းသာသာနဲ့ဆက်လက်နေထိုင်သွားနိုင်ပါစေလို့ဆန္ဒပြုပါတယ်...''လို့ဆုမွန်ကောင်းစကားဆိုသည်။

ဆရာကြီးဦးမင်္ဂလာသည် တက္ကသိုလ်ပြီးသည့်အချိန်မှစ၍ ကုမ္မဏီအလုပ်ကို အသက်(၆ဝ)အထိလုပ်ကိုင်ခဲ့ကာ အနားယူပြီးသည့်နောက်ပိုင်း ၁၉၉၆ ခုနှစ်မှ အခုအချိန်အထိ မြန်မာလူမျိုးများကိုကူညီရင်း မင်္ဂလာဂျပန်စာသင် ကျောင်းကို လျှပ်စစ်မြို့တော်ဟုခေါ်တွင်သော(Akihabara)ရပ်ကွက်တွင် အခန်းငှား၍ ဖွင့်လှစ်သင်ကြားပေးနေ သည်။

မြန်မာစကားအနည်းငယ်ပြောတတ်၍ မြန်မာပြည်သို့ ၄ ကြိမ်တိတိသွားရောက်လည်ပတ်ဖူးပြီး ဆရာကြီး၏ မင်္ဂလာစာသင်ကျောင်းမှ ဂျပန်စာသင်တန်းစာမေးပွဲအောင်မြင်ခဲ့သည့် မြန်မာကျောင်းသူ/သားပေါင်း မရေတွက် နိုင်လောက်အောင် ထူးချွန်ပေါ်ထွန်းခဲ့သည်။ ဆရာကြီး၏ စေတနာ့ဝန်ထမ်းလုပ်ရပ်ကို အားကျသည့် ဂျပန် လူငယ်-လူလတ်ပိုင်းမှ ကုမ္မဏီဝန်ထမ်းသား/သူများကလည်း အပတ်စဉ်တနင်္ဂနွေနေ့တိုင်း မင်္ဂလာစာသင် ကျောင်းတွင် အခမဲ့သင်ကြားပို့ချပေးလျက်ရှိသည်။ လက်ရှိအချိန်အထိ ဆရာကြီးနှင့်အတူလက်တွဲ၍ စာသင် ကြားပို့ ချ ပေးနေသည့် ဂျပန်လူမျိုး ဆရာ/မပေါင်း ၂၀ ကျော်ရှိပြီး ကျောင်းသူ/သား ၇၀ ကျော်ရှိသည်။ မင်္ဂလာမဂဇင်းစာအုပ်ကို ဂျပန်-မြန်မာနှစ်ဘာသာတွဲ၍ ၃ လတကြိမ်ထုတ်ဝေပြီး မြန်မာလူမျိုးတို့၏ဓလေ့ထုံးစံ များ၊ သာရေးနာရေးအကြောင်းများအပြင် မြန်မာပြည်အခြေအနေများကိုလည်း ဂျပန်မျိုးများသိရှိအောင် ဖြန့်ချိ ပေးနေလျက်ရှိသည်။

အသက်(၈ဝ)ပြည့်မွေးနေ့နှင့်ပါတ်သက်၍ဆရာကြီး၏ ရင်တွင်းစကားအဖြစ် 'အခုလိုမြန်မာတပည့်တွေနဲ့ ကျနော့်ရဲ့မွေးနေ့ကို ပျော်ပျော်ရွင်ရွင်ဆင်နွဲရတာ အရမ်းကိုပျော်ပါတယ်...။ ကျနော်ကလူချောဆိုတော့ မချော လေးတွေ ကဂုဏ်ပြုတာပေါ့ဗျာ...''ဟု ဟာသနှော၍ပြောပြခဲ့သည်။

လက်ရှိမြန်မာပြည်အခြေအနေကိစ္စနှင့်ပတ်သက်ပြီး ''ကျနော်က ဒုတိယကမ္ဘာစစ်ကိုလည်းမှီခဲ့တယ်။ ဂျပန် တိုင်းပြည်ကို စစ်ဝါဒီတွေ၊ ခင်ဗျားတို့အခေါ် ဖက်ဆစ်ဝါဒီတွေအုပ်ချုပ်တာကိုလည်း ကြုံတွေ့ခဲ့ရတယ်။ ဒါပေမဲ့ ဂျပန်စစ်ဝါဒီတွေက ကိုယ့်လူမျိုးအချင်းချင်းကို ဘယ်တော့မှမညှင်းဆဲ၊ မရက်စက်၊ မသတ်ဖြတ် ဘူး။ ကိုယ့်ပြည်သူတွေကောင်းစားဖို့ တခြားနိုင်ငံကိုပဲကျူးကျော်ခဲ့တာ။ ရက်စက်ခဲ့တာ။ ယခုမြန်မာစစ် ၀ါဒီတွေက ကိုယ့်လူမျိုးကို နှိပ်စက်၊ သတ်ဖြတ်တယ်။ ဘုန်းတော်ကြီးတွေအထိပါ ရိုက်နှက်သတ်ဖြတ် နေတာတွေ့ရတော့ ဒီလူတွေမှဟုတ်ရဲ့လားလို့တောင်ထင်မိတယ်။ တော်တော်ဆိုးတဲ့အစိုးရပဲ...''ဟု မှတ်ချက်ပေးခဲ့သည်။
(ဆရာကြီးဦးမင်္ဂလာနှင့် မိုးသောက်ကြယ်အဖွဲ့သားများ အင်တာဗျူးထားသည်ကို ၂ဝဝ၈ ခုနှစ် သြဂုတ်လထုတ် မိုးသောက်ကြယ်ဂျာနယ်၊ အတွဲ ၅၊ အမှတ် ၈ တွင် ဖတ်ရှုနိုင်ပါသည်)
မြန်မာလူမျိုးအားလုံးကို မိမိသားသမီးလိုသဘောထားပြီး အမြဲကူညီစောင့်ရှောက်ပေးနေလျှက်ရှိသော မင်္ဂလာစာသင်ကျောင်း၏ဥယျာဉ်မှူး Nishida Sanခေါ် မြန်မာအမည်ဦးမင်္ဂလာ အသက် (၈ဝ)ပြည့်မွေးနေ့ မင်္ဂလာမှသည် နောင်နှစ်ပေါင်း (၁၂ဝ)တိုင် ပျော်ရွှင်သောဘဝများစွာရရှိပိုင်ဆိုင်နိုင်ပါစေ...ဟု မိုးသောက်ကြယ် စာကြည့်တိုက်အဖွဲ့သားများက ဆုတောင်းပေးလျက်-

Posted in: