၂၂ နှစ်မြောက် ရှစ်လေးလုံးနှစ်ပတ်လည်နေ့ ဆန္ဒပြမှု

၂၀၀၈ဖွဲ့စည်းပုံအခြေခံဥပေဒကို ရှစ်လေးလုံးနှစ်ပါတ်လည်နေ့တွင် အပြင်းအထန်ကန့်ကွက်
သတင်း-သန့်မျိုးထွေး၊
မှတ်တမ်းဓါတ်ပုံ-မင်းညိုဝမ်း(မိုးသောက်ကြယ်)
နအဖစစ်အာဏာရှင်များစိတ်ကြိုက်ရေးဆွဲအတည်ပြု ပြဋ္ဌားန်းထားသည့် ၂၀၀၈ ခုနှစ်ဖွဲ့စည်းပုံ အခြေခံဥပဒေနှင့် ၂၀၁၀ရွေးကောက်ပွဲကို ရှစ်လေးလုံးနှစ်ပါတ်လည်နေ့တွင် ဂျပန်ရောက် ဒီမိုကရေစီလိုလားသူ မြန်မာများက လမ်းလျှောက်ချီတက်ဆန္ဒပြကန့်ကွက်ခဲ့ကြသည်။

၂၀၁၀ ခုနှစ် သြဂုတ်လ(၈)ရက်နေ့တွင်ကျရောက်သည့် ရှစ်လေးလုံးနှစ်ပါတ်လည်နေ့ကို ဂျပန်နိုင်ငံ တိုကျိုမြို့တော်ရှိ Gotanda ပန်းခြံတွင် နေ့လည်(၁)နာရီမှစတင်စုရုံး၍ ချီတက်ဆန္ဒပြကြခြင်းဖြစ်ပြီး အဆိုပါဆန္ဒပြပွဲတွင် နှစ်ပါတ်လည်နေ့နှင့်တိုက်ဆိုင်စွာ မကြာမှီနအဖမှကျင်းပတော့မည့် ၂၀၁၀ရွေးကောက်ပွဲနှင့် ၂၀၀၈ အခြေခံဥပဒေကို အပြင်းအထန်ကန့်ကွက်လိုက်ကြခြင်းဖြစ်သည်။

View all

Get your own

၂၂ နှစ်မြောက်သွားခဲ့သည့် ရှစ်လေးလုံးနှစ်ပါတ်လည်နေ့တွင် ၈၈ အရေးတော်ပုံကာလတွင် ကျောင်းသားခေါင်းဆောင်တစ်ဦးအနေနှင့် ကိုယ်တိုင်ပါဝင်ခဲ့သည့် ဂျပန်ရောက် မြန်မာ့ဒီမိုကရေစီအရေးကို လှုပ်ရှားနေသည့် ကိုဖုန်းမြင့်ထွန်းက ၁၉၇၄ခုနှစ်အခြေခံဥပဒေကြောင့် တစ်ပါတီမဆလအာဏာရှင်စနစ် ပေါ်ပေါက်ခဲ့ပြီး ပြည်သူများစားဝတ်နေရေးကျပ်တည်းမှုနှင့် ဒီမိုကရေစီလိုလားသော ပြည်သူများကြောင့် ၁၉၈၈ ခုနှစ်တွင် သြဂုတ်လတွင် ရှစ်လေးလုံးအရေးတော်ပုံကြီးပေါ်ပေါက်လာခဲ့ပြီး ဦးနေ၀င်းဦးဆောင်သည့် တစ်ပါတီအာဏာရှင်စနစ်ကို အပြီးပြတ်ဖြုတ်ချနိုင်ခဲ့ခြင်းကြောင့် ယခုနှစ်ပါတ်လည်နေ့တွင် ၂၀၀၈ဖွဲ့စည်းပုံနှင့် ၂၀၁၀ရွေးကောက်ပွဲကို အပြင်းအထန်ကွန့်ကွက်ရခြင်းဖြစ်ကြောင်း ပြောကြားသည်။

၎င်းက``အခု၂၀၀၈ အခြေခံဥပဒေအရ ၂၀၁၀ ရွေးကောက်ပွဲကို လုပ်မှာမို့လို့ နိုင်ငံရေးအခြေအနေရ ၂၀၁၀ ရွေးကောက်ပွဲဟာ ကျနော်တို့တိုင်းပြည်ရဲ့ စစ်မှန်တဲ့အဆုံးအဖြတ်မဟုတ်ဘူး၊ ကျနော်တို့တိုင်းပြည်ရဲ့အဆုံးအဖြတ်ဖြစ်တဲ့ အမျိုးသားခေါင်းဆောင်ဒေါ်အောင်ဆန်းစုကြည်နဲ့ နအဖစစ်ခေါင်းဆောင်းတွေ တွေ့ဆုံဆွေးနွေးမှသာ တိုင်းပြည်ရဲ့ အနာဂတ်ကံကြမ္မာကို ဖန်တီးနိုင်မှာဖြစ်တယ်၊ အဲ့ဒါကြောင့် ၂၀၁၀ရွေးကောက်ပွဲကို အတိုင်အခံတွေသဘောဆန္ဒမပါဘဲ တဖက်သတ်လုပ်သွားမယ်ဆိုရင် တိုင်းပြည်ဟာ ဘယ်တော့မှငြိမ်းချမ်းမှာ မဟုတ်ဘူး၊ တိုင်းရင်းသားတွေရော၊ နိုင်ငံရေးသမားတွေအတွက်ရော ဘယ်တော့မှငြိမ်းချမ်းရေးရမှာမဟုတ်ဘူးဆိုတာကို ၂၀၀၈ဖွဲ့စည်းပုံနဲ့၂၀၁၀ရွေးကောက်ပွဲကို လက်မခံဘူးဆိုတဲ့ ဆန္ဒပြပွဲဖြစ်ပါတယ်´´ဟု ပြောကြားသွားသည်။

မြန်မာပြည်ပြင်ပလွတ်မြောက်နယ်မြေတွင် လူစုလူဝေးဖြင့် အများဆုံးသော အင်အားဖြင့် ဆန္ဒပြမှုဟုဆိုနိုင်သည့် ယနေ့ရှစ်လေးလုံး ၂၂ ပြည့်နှစ်ပါတ်လည် ဆန္ဒပြပွဲတွင် ဂျပန်မီးရထားအလုပ်သမားသမဂ္ဂအပါအ၀င် ဂျပန်၌ဖွဲ့စည်းထားသည့် မြန်မာ့ဒီမိုကရေစီးလှုပ်ရှားသူအဖွဲ့အစည်းများအပါအ၀င် အင်အား ၁၁၀၀ ကျော်က နအဖရွေးကောက်ပွဲနှင့်ဖွဲ့စည်းပုံကို ဆန့်ကျင်ကွက်ကြခြင်းဖြစ်ပြီး ဆန္ဒပြသူများသည် စတင်ထွက်ခွာရာ Gotanda ပန်ခြံမှတဆင့် ရှီနာဂါဝါရှိမြန်မာသံရုံးကို ဖြတ်သန်း၍ Gotenyama ပန်းခြံတွင် အဆုံးသတ်ခဲ့ကြသည်။

လမ်းလျှောက်ချီတက်ဆန္ဒပြရာတွင် ဂျပန်ဘာသာဖြင့် တောက်လျှောက်ဟစ်အော် တောင်းဆိုခဲ့ကြသလို မြန်မာသံရုံးအရှေ့သို့အရောက်တွင် ရှစ်လေးလုံးစိတ်ဓါတ်အပြည့်ဖြင့် မြန်မာဘာသာဖြင့် ၂၀၁၀ရွေးကောက်ပွဲအလိုမရှိကြောင်း၊ ရှစ်လေးလုံးစိတ်ဓါတ်ဖြင့် နအဖအာဏာရှင်စနစ်ကို တိုက်ဖျက်ပစ်စသည့်ကြွေးကြော်သံများကို ပိုမိုပြင်းထန်းစွာ ဟစ်အော်တောင်းဆိုခဲ့ကြသည်။

ဆန္ဒပြတောင်းဆိုမှုများနှင့်ပါတ်သတ်၍ ဂျပန်အစိုးရ၏တုံ့ပြန်မှုများကို ကိုဖုန်းမြင့်ထွန်းက ``ကျနော်တို့ကတော့ နည်းလမ်းပေါင်းစုံနဲ့ဂျပန်အစိုးရကို ထိုးဖောက်ဖိအားပေးနိုင်ဖို့ လုပ်နေပါတယ်၊ ကျနော်တို့ ပြည်သူ့လွှတ်တော်ထဲလည်း ၀င်ပါတယ်၊ လွှတ်တော်အမတ်တွေကနေတဆင့်လည်း ပြောပါတယ်၊ နိုင်ငံခြားရေးဝန်ကြီးဋ္ဌာနကိုလည်း သွားပါတယ်၊ အဲ့လိုမျိုးနဲ့ဗမာပြည်ကြီး လွတ်မြောက်ရေးအတွက် လှုပ်ရှားနေတာဟာ ဒီနေ့လူပေါင်းထောင့်တစ်ရာလာတာထက် ပိုမိုပြီးတော့ လာနိုင်မယ်ဆိုရင် ဂျပန်အစိုးရကို ပိုမိုဖိအားပေးနိုင်မယ်၊ ဂျပန်မှာရှိတဲ့ မြန်မာလူမျိုးတိုင်း ပူးပေါင်းပါဝင်လာမယ်ဆိုရင် တိကျတဲ့တစုံတရာသောအတိုင်းအတာနဲ့ဖိအားကို ဂျပန်အစိုးရကို ပေးနိုင်လိမ့်မယ်ထင်ပါတယ်´´ဟု အနည်းငယ်ရှင်းလင်းဖွင့်ဆိုပြောပြသွားခဲ့သည်။

Posted in: ဂျပန်လှုပ်ရှားမှုသတင်း(Japan Movement News)