တိုင်းပြည်အကျိုး၊ လူမျိုးအကျိုးကိုဆောင်ရွက်နေသော မြန်မာဒီမိုကရေစီခေါင်းဆောင်၊ နိုဘယ်လ်ငြိမ်းချမ်းရေးဆုရှင်ဒေါ်အောင်ဆန်းစုကြည်ကို နအဖစစ်အုပ်စုမှ မတရားအမှုဆင်ပြီး နေအိမ်အကျယ်ချုပ်အဖြစ် ဆက်လက်ထိန်းသိမ်းထားသည်မှာ ယနေ့သြဂုတ်လ(၁၁)ရက်နေ့တွင် (၁)နှစ်ပြည့်ြ့ပီ ဖြစ်သောကြောင့် တိုကျိုမြို့၊ ဒေါ်အောင်ဆန်းစုကြည် လွတ်မြောက်ရေးအတွက် ဂျပန်ရောက်မြန်မာ့ဒီမိုအရေးလှုပ်ရှားနေသော အဖွဲ့အစည်းများပူးပေါင်းကာ ရှီနာဂါဝရပ်ကွက်ရှိ မြန်မာအကောက်ခွန်ရုံးရှေ့တွင် တောင်းဆိုဆန္ဒပြပွဲတခု ဆောင်ရွက်ပြုလုပ်ခဲ့ကြပါသည်။
အခမ်းအနားမှုးအဖြစ်ဆောင်ရွက်ခဲ့သော ကိုမြတ်သူက “လက်နက်တွေ၊ မတရားတဲ့အမိန့် အာဏာတွေကိုကိုပိုင်ဆိုင်ထားတဲ့ နအဖစစ်တပ်တစ်တပ်လုံးက ဘာလက်နက်မှမကိုင်ထားတဲ့ ကျနော်တို့ရဲ့ လူထုခေါင်းဆောင် ဒေါ်အောင်ဆန်းစုကြည်ကိုကြောက်ရွံ့တဲ့အတွက်ကြောင့် မတရားအမှုဆင်ဖမ်းဆီးပြီးနေ အိမ်အကျယ်ချုပ်ထပ်မံချထားသည်မှာ (၁)နှစ်ပြည့်ပြီဖြစ်ကြောင်း၊ ဒေါ်အောင်ဆန်းစုကြည်ဟာ ကျနော်တို့အားလုံးရဲ့အမျိုးသားခေါင်းဆောင်ဖြစ်တဲ့အပြင်၊ တိုင်းပြည်တည်ငြိမ်ရေးနဲ့ အမျိုးသားရင်ကြားစေ့ရေးအတွက် လုပ်ဆောင်ပေးနိုင်သော နိုင်ငံတကာအသိအမှတ်ပြု ငြိမ်းချမ်းရေးနိုဘယ်လ်ဆုရှင်တဦးဖြစ်တာကြောင့် အမြန်ဆုံးပြန်လည်လွတ်မြောက်လာရန်တောင်းဆိုရခြင်းဖြစ်ကြောင်း”ပြောကြားခဲ့ပါသည်။
အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေဂျပန်ဌာနခွဲ)မှဦးမြသိန်းက “ကျနော်တို့နိုင်ငံရဲ့နိုင်ငံရေးဟာ နအဖရဲ့ ၂၀၁၀ ရွေးကောက်ပွဲ နဲ့ အဖြေရှာလို့မရပါဘူး။ “အမျိုးသားပြန်လည်သင့်မြတ်ရေး၊စည်းလုံးညီညွတ်ရေး၊ တွေ့ဆုံဆွေးနွေးရေး” တို့ကိုပြုလုပ်သင့်ကြောင်း၊ ထိုအခြေခံ(၃)ချက်ကိုဖော်ထုတ်ပြီးမှသာလျှင် ရွေးကောက်ပွဲကိုလုပ်သင့်ကြောင်း၊ သို့မဟုတ်ပါက မြန်မာနိုင်ငံသူ/သားတွေအတွက် ဒုက္ခရောက်စေနိုင်မဲ့ ရွေးကောက်ပွဲဖြစ်သောကြောင့် ၂၀၁၀ ရွေးကောက်ပွဲအားဆန့်ကျင်ကြောင်း၊ မတရားဖမ်းဆီးထိန်းသိမ်းထားသော လူထူခေါင်းဆောင်ဒေါ်အောင်ဆန်းစုကြည်အပါအ၀င် တိုင်းရင်းသားခေါင်းဆောင်များ၊ ကျောင်းသားခေါင်းဆောင်များနှင့် ရဟန်းသံဃာတော်များကိုလည်း အမြန်ဆုံးလွတ်ပေးရန်တောင်းဆိုကြောင်း ပြောဆိုသွားခဲ့ပါသည်။
နေ့လယ် ၃ နာရီမှ ညနေ ၄ နာရီအထိကျင်းပပြုလုပ်သော ဒေါ်အောင်ဆန်းစုကြည်လွတ်မြောက်ရေးတောင်းဆိုဆန္ဒပြပွဲသို့ အဖွဲ့အစည်းအသီးသီးမှပုဂ္ဂိုလ်များလည်း လာရောက်ခဲ့ကြပြီး ကြွေးကြော်သံများနှင့်ရုပ်သိမ်းခဲ့ကြပါသည်။
ရေးသားသူ-နန်းအိမွန်ချစ်
.jpg)
0 comments:
Post a Comment