ခြောင်းကြည့်သူရဲ့ အမှား(အမှတ် ၈) ကိုကြီးပေါ် ~ မိုးသောက်ကြယ်

ကိုကြီးပေါ် တယောက် ဒီတပတ် ခြောင်းကြည့်လိုက်တာ မှန်ပြောင်းက နည်းနည်း ချော်သွားတယ် ထင်တယ်။ ဗိုလ်ချုပ်မင်းများရဲ့ နန်းတော်ကြီးကို ကျော်ပြီး ဟိုဟိုဒီဒီ ရောက်သွားပါလေရော။ ဟိုဟိုဒီဒီ ဆိုတာကို ဘာပဲ ညာပဲလို့ အဓိပ္ပာယ် ဖွင့်တော်မူမယ် မကြံပါနဲ့။ ဟိုဟိုဒီဒီ ဆိုတာ ဂျာနယ် စာမျက်နှာတွေကို ပြောတာပါ။ ပြည်တွင်းက ဂျာနယ်စာမျက်နှာတွေ ဆိုတာလည်း ကိုကြီးပေါ်က အစုံအစေ့ လိုက်ကြည့်နိုင်တာတော့ မဟုတ်ပါဘူး။ ဟဲ့ ဒါတော့ ဆန်းသကွဲ့… ဒါတော့ ထူးသတဲ့… လို့ သူများက လက်တို့ပြောမှ ကမန်းကတမ်း လိုက်ခြောင်းရတဲ့ ဘ၀ပါ။ ဟော တွေ့ပါပြီ။

ဂုရုကြီး
သြဂုတ်လ ၈ ရက်နေ့ထုတ် မော်ဒန်ဂျာနယ်မှာ ပါတဲ့ ``ဒိုင်ယာလော့ခ်သည် အလှတန်ဆာ ဆင်ခြင်းသာ ဖြစ်၍ အနှစ်သာရ မဟုတ်ပေ။ အလှတန်ဆာဆင်မှုကို စွဲမက်လွန်းလျှင် ဤအလှတန်ဆာဆင်မှုထဲ ချောင်ပိတ်မိပြီး ထွက်နိုင်မည် မဟုတ်ပေ။ အလှတန်ဆာဆင်မှုကို တရားသေကိုင်သည်မှာ မိုက်မဲသည်။´´ ဆိုတဲ့ စာသားတွေကြောင့် ပြည်ပမှာ ရှူးရှူးရှားရှား ဖြစ်သွားကြပါတယ်။ ဖြစ်ရတာက ဒီစကားကို ပြောတဲ့သူက မြန်မာ့နိုင်ငံရေးမှာ ပြောနိုင်ဆိုနိုင်သူတဦးဖြစ်တဲ့ ဂုရုကြီး မောင်စူးစမ်း ဖြစ်နေလို့ပါပဲ။
ဂုရုကြီးက အစဉ်အလာ အင်မတန်ကြီးပါတယ်။ နိုင်ငံရေးမှာ တောတွင်းမြို့တွင်း နှံ့အောင် ပေါက်ရောက်သူ ဖြစ်ပါတယ်။ တချိန်က ပါတီကြီးတခုကို ကိုယ်စားပြုပြီး ဆွေးနွေးမယ့် ကိုယ်စားလှယ်တော်ကြီး အဖြစ် ကျော်ကြားခဲ့သူ၊ စစ်တမ်းတစောင်နဲ့ တိုင်းတုန်အောင် လှုပ်ခဲ့သူပါ။ ၉၀ လွှတ်တော်အမတ် တဦး ဖြစ်သလို၊ အဖွဲ့ချုပ် ဗဟိုကော်မတီဝင်လည်း ဖြစ်ခဲ့သူပါ။ ယနေ့ထက်တိုင်အောင် စာတွေ အဆက်မပြတ်ရေးနေပြီး၊ နိုင်ငံရေး, ဒဿန, ဘောဂဗေဒ, ဘာသာဗေဒ, လူမှုသိပ္ပံ, မော်ဒန်, မော်ဒန်လွန်, အနာဂတ္တိ အစရှိသဖြင့် ဘာသာရပ် အတော်ကို စုံတာပါ။ အနှီလို ပုဂ္ဂိုလ်ကြီးရဲ့ အရေးအသား အပြောအဆိုတွေက မြန်မာနိုင်ငံသားတွေ အပေါ်မှာ တစုံတရာတော့ လွှမ်းမိုးနေနိုင်တာ သေချာတာပေါ့။ ဒါကြောင့်လည်း ဂုရုကြီးရဲ့ ဒီဆောင်းပါး ပါလာတော့ လှုပ်လှုပ်ရှားရှား ပြောကြဆိုကြနဲ့ အသံတွေ ဆူသွားခဲ့ရတော့တာပါ။
ဂုရုကြီးရဲ့ ဆိုလိုရင်းကို သူ့အတိုင်း ဖော်ပြရရင် — ``လက်ရှိ အခြေအနေ၌ မြန်မာနိုင်ငံ၏ နိုင်ငံရေး ဖြစ်ထွန်းမှုသည် စပိ မြန်နှုန်းပြဿနာ (the matter of speed) သာ ဖြစ်မည်။ စင်ပြိုင်အစီအစဉ်၊ တခြား ရွေးချယ်စရာ အစီအစဉ်နှင့် ဖိုရမ် (alternative agenda and forum) တို့သည် ဖြစ်နိုင်ခြေ မရှိပေ။ ထို့ကြောင့် ဖြစ်နိုင်ခြေ တကယ်ရှိနေသည့် အစီအစဉ်ကို မြန်မြန်ဖြစ်အောင်သာ တိုက်တွန်းဖို့ ရှိသည်။ ထို့ကြောင့် စပိသည်သာ အဓိက ပြဿနာ ဖြစ်သည်။´´တဲ့။
ဒါရဲ့ ရှေ့နားမှာ — ယခု အခြေခံဥပဒေ ပြဋ္ဌာန်းပြီးသွားပြီ။ ရွေးကောက်ပွဲအသစ် လုပ်မည်။ ဒါကြောင့် လက်ရှိ အစိုးရက အိမ်စောင့်အစိုးရ သဘော ဖြစ်သွားပြီ — လို့ ဆိုထားပါသေးတယ်။
ဂုရုကြီးရဲ့ အဆိုအမိန့်ကို အနှစ်ထုတ်ကြည့်လိုက်တော့ ကိုယ်က ဘာမှ မလုပ်နိုင်ဘူး၊ ဒါကြောင့် သူလုပ်တဲ့အတိုင်း ရေဆုံးရေဖျား လိုက်သွား၊ မြန်မြန်ရောက်အောင် မြန်မြန်သာတွန်း လို့ ဆိုလိုဟန် တူပါတယ်။ ပြီးတော့ ဖြစ်ထွန်းလာတဲ့ ကိစ္စတွေကို တရားတာ မတရားတာ, မှန်တာ မမှန်တာ ပြန်မကြည့်တော့ဘဲ၊ ဖြစ်လာတဲ့အတိုင်း လက်ခံလိုက်တဲ့ သဘောထားကို တွေ့ရပါတယ်။
တကယ်တော့ ဒီအယူအဆက ဂုရုကြီးရဲ့ အခုမှ ပေါ်လာတဲ့ အယူအဆ မဟုတ်ပါဘူး။ ဟိုး လွန်ခဲ့တဲ့ အနှစ် ၅၀ ကတည်းက ကိုင်စွဲလာတဲ့ နည်းဗျူဟာ အဟောင်းကြီးလို့ ကိုကြီးပေါ်တော့ ထင်မိတာပဲ။ ချမ်းအေးစစ်တမ်း ထဲမှာလည်း တောထဲက ကွန်မြူနစ်တွေ လက်နက်စွန့်ပြီး ပါလီမန်ထဲ ၀င်နွှဲကြလို့ ဆိုခဲ့တာပါပဲ။ ဒီတုန်းကတော့ တိုင်းပြည်မှာ ဒီမိုကရေစီ ရှိနေသေးတော့ ဒီစကားကို မှားတယ်လို့ အပြတ် မဆိုသာဘူး။ သို့ပေမယ့် ကွန်မြူနစ် လူ့ဘောင် ဆိုတာကြီးကို စိတ်ကူးယဉ်နေကြသူတွေ အဖို့တော့ ဆတ်ဆတ်ခါ နာရတာပေါ့။ ပြီးတော့ တော်လှန်ရေးကောင်စီရဲ့ စီးပွားရေး စီမံကိန်းတွေကို သြဘာပေးခဲ့တာလည်း ဂုရုကြီးပါပဲ။ နောက်တော့လည်း အိုးစားခွဲရပြန်ရော။
ရှစ်ဆယ့်ရှစ်မှာ အဖွဲ့ချုပ်ပေါ်လာတော့ ဂုရုကြီးတို့က ဗဟိုကော်မတီဝင်ပေ့ါ။ တိုင်းပြည်အတွက် ပါဝင်လှုပ်ရှားကြတာကို ကိုကြီးပေါ်က အားပေးပါတယ်။ လေးလည်း လေးစားပါတယ်။ အဲသည်တုန်းက ဂုရုကြီးရဲ့ အတွေးအခေါ်တွေက ထက်မြလှပါတယ်။ လွှတ်တော် ပေါ်လာရေးသာ အဓိကတဲ့။ အာဏာယူဖို့ လောမကြီးနဲ့တဲ့။ ဒါပေမယ့် ဂုရုကြီး စကားကို အများက နားလည်ခဲ့ကြဟန် မတူဘူး။ ဒီလိုနဲ့ အမျိုးသားညီလာခံခေတ် ရောက်တော့ ဂုရုကြီးက ညီလာခံကို မြန်မြန်ပြတ်အောင် ဖြတ်လိုက်လို့ မိန့်ပါတယ်။ ဒါပေမယ့် ညီလာခံကလည်း ဆယ့်ငါးနှစ်လောက် မျောသွားပြန်ရော။ ဟောအခု- ညီလာခံလည်း ပြီး, ဥပဒေလည်း အပြီးမှာ ရွေးကောက်ပွဲ မြန်မြန် ဖြစ်အောင်လုပ်လို့ တိုက်တွန်း ပြန်ပါပြီ။ ရွေးကောက်ပွဲပြီးရင် နိုင်ငံရေးသစ်နဲ့ ကစားကြမယ်တဲ့။
ဂုရုကြီးရဲ့ ရွာရောက်အောင် မြန်မြန်ပို့တဲ့ ဗျူဟာက ကောင်းပါတယ်။ ပြဿနာက အဆုံးမှာ ရွာတွေ့ရင်တော့ ကောင်းတာပေ့ါ။ ရွာမတွေ့ဘဲ သင်္ချိုင်းတွေ့တော့ ဘယ့်နှယ် လုပ်ကြရမလဲ။ ဂုရုကြီးရဲ့ နည်းအတိုင်း ဖြစ်လာတာကို လက်ခံလိုက်, အဲဒါကို မြန်မြန်လိုက်လုပ်လိုက်, နောက်တခု ထပ်ပေါ်လာရင် ထပ်ပြီး လက်ခံလိုက်, ထပ်ပြီး မြန်မြန်လိုက်လုပ်လိုက်… ဆိုရင်…၊ နအဖကလည်း စိတ်ကြိုက် မတွေ့သေးသရွေ့ ကွင်းအသစ်တွေ တကွင်းပြီး တကွင်းထွင်, ဂုရုကြီးကလည်း မြန်မြန်ဝင်ကစားကြဖို့ ဆော်သြ, ကစားသမားတွေကလည်း တကွင်းပြီးတကွင်း မမောတမ်း လိုက်ကစား… ဟုတ်ကဲ့ နောက်ဆုံးတော့ နေ၀င်မိုးချုပ်။

ဂုရုလေး
ပြည်တွင်းက ဂုရုကြီးက တမျိုးဆော်သြနေချိန်မှာ ပြည်ပ ဂုရုလေးကလည်း တစခန်းကတယ် ခင်ဗျ။ ဒေါက်တာ လွဏ်းဆွေ ဆိုတဲ့ ဂုရုလေးက ယခုတလောမှာ အမျိုးသားဒီမိုကရေစီအဖွဲ့ချုပ် ဗဟိုအမှုဆောင်တွေကို ပစ်ပစ်နှစ်နှစ်ကြီး ဝေဖန်နေတာ တွေ့ရပါတယ်။
နာဂစ်အလွန် ဆန္ဒခံယူပွဲအပြီး ကာလမှာ ပိုမို ပေါက်ကွဲလာဟန် တူပါတယ်။ ဂုရုလေးရဲ့ အယူအဆကို အနှစ်ချုပ်လိုက်တော့ အနှစ်နှစ်ဆယ်လုံးလုံး ဒီမိုကရေစီ ရေစုန်မျောရတာဟာ အဖွဲ့ချုပ်ခေါင်းဆောင် မျိုးချစ်ရဲဘော်ဟောင်းများကြောင့် ဖြစ်တယ်လို့ ဆိုပါတယ်။ ဒီကာလအတွင်း ဖြစ်ခဲ့သမျှရဲ့ လက်သည် တရားခံဟာ ဒီလူကြီးတွေကြောင့်တဲ့။ ဒေါ်စုကို မလှုပ်နိုင်အောင် နအဖနဲ့ လက်ဝါးရိုက်ပြီး အတွင်းအပြင် ညှပ်ထားတာတဲ့။ ဂုရုလေးရဲ့ စာသားတွေကို ဖတ်ကြည့်ပါဦး။
``အနှစ်နှစ်ဆယ်အတွင်း အပြင်မှာ တလျှောက်လုံးနီးပါး ဦးဆောင်ခွင့်ရခဲ့တုန်းကလည်း မျိုးချစ်ရဲဘော်ဟောင်းကြီးတွေ အနေနဲ့ ဘာမှ လောက်လောက်လားလား ဦးဆောင်မှု မပေးနိုင်ခဲ့တာကို အတိတ်ဖြစ်ရပ်တွေက သက်သေပြနေပါပြီ။
သေချာတာကတော့ မျိုးချစ်ရဲဘော်ဟောင်း ဗဟိုကော်မတီကြီးတွေရဲ့ အနေအထားက ကြာလေလေ ပိုရှင်းလေလေ ဆိုသလိုပါပဲ။ ဘာတွေဘယ်လို ပိုရှင်းလာသလဲဆိုတော့ အမျိုးသားဒီမိုကရေစီအဖွဲ့ချုပ် စတင်ဖွဲ့စည်းချိန်ကစပြီး နအဖနဲ့ NLD - CEC မျိုးချစ်ရဲဘော်ဟောင်းကြီး (ဘောင်းဘီဝတ်နဲ့ ဘောင်းဘီချွတ်) တွေကြား လက်ဝါးချင်းရိုက် လုပ်ဆောင်ခဲ့၊ လုပ်ဆောင်နေတာတွေကို ပိုပိုပြီး ရှင်းရှင်းလင်းလင်း မြင်တွေ့လာရတာကို ပြောတာပါ။
အဲဒီတော့ ပြန်ကြည့်ရင် အနှစ်နှစ်ဆယ်အတွင်းမှာ အပြင်မှာတလျှောက်လုံး ဦးဆောင်ခွင့်ရခဲ့တဲ့ မျိုးချစ်ရဲဘော်ဟောင်းတွေဟာ တိကျပြတ်သားတဲ့ ဦးဆောင်မှု ဘာတခုမှ မပေးနိုင်ဘဲ နအဖအလိုကျ အလိုက်သင့် ကခုန်နေခဲ့ကြတာကိုပဲ တွေ့ရပါတယ်။ ဘာတိုက်ပွဲမှ မဖော်ဆောင်ဘဲ မျက်နှာပြောင်ပြောင်နဲ့ ကြေညာချက်တွေပဲ ထုတ်လာလိုက်တာ အခုဆိုရင် အထူးကြေညာချက်အဆင့်ကို ရောက်နေပါပြီ။ ၂၀၁၀ ရောက်တဲ့အထိလည်း မြန်မာပြည်က လက်ဖက်ရည်တွေလို ရှယ်၊ ထူးရှယ်၊ ရှယ်တကာ့ရှယ်ဆိုတဲ့ ကြေညာချက်တွေပဲ ထုတ်ရင်း ငုတ်တုတ်ထိုင်နေတော့မယ် ထင်ပါရဲ့။
တဖက်က ပြန်စဉ်းစားကြည့်လျှင်လည်း နအဖအနေနဲ့ မျိုးချစ်ကြီးတွေကို အနှစ်နှစ်ဆယ်လုံးလုံး မဖမ်းမဆီးဘဲ အန်အယ်လ်ဒီကို ဦးဆောင်ခိုင်းထားတာဟာ သူတို့စစ်အုပ်စုအတွက် အကျိုးအမြတ်တွေ တသီကြီးရနေလို့ဆိုတာ ရှင်းပါတယ်။ အစွမ်းအစမရှိတဲ့ မျိုးချစ်ကြီးတွေ အန်အယ်လ်ဒီကို ဦးဆောင်ခိုင်းထားခြင်းအားဖြင့် စစ်အုပ်စုအနေနဲ့ အန်အယ်လ်ဒီကို ဖျက်သိမ်းစရာမလိုတော့ဘဲ ကမ္ဘာကိုလည်း မျက်နှာပြရတာ ကောင်းသွားတယ်။ မြန်မာပြည်မှာ အတိုက်အခံအဖွဲ့အစည်း တရားဝင် ရပ်တည်ခွင့်ပေးထားပါတယ် ဆိုရုံလေးပေါ့။ နောက်ပြီး နအဖဟာ သူတို့စကားကို နားလည်းထောင်၊ ကြောက်လည်းကြောက်တဲ့ မျိုးချစ်ကြီးတွေနဲ့ ဒေါ်အောင်ဆန်းစုကြည် မလှုပ်သာမရှားသာအောင် အတိုင်အဖောက်ညီညီ လူညှပ်ကစားရတာကို တော်တော်လည်း ခြေတွေ့ပုံပေါ်တယ်။ မျိုးချစ်ကြီးတွေနဲ့ အနှစ် နှစ်ဆယ်လုံးလုံး အပေးအယူမျှခဲ့မှတော့ ခြေတွေ့တာ မဆန်းဘူးပေါ့လေ။´´
ဂုရုလေးက လာမယ့် ရွေးကောက်ပွဲ မဖြစ်အောင် တားဆီးနိုင်ဖို့ ဆော်သြတာပါ။ ဒီလူတွေနဲ့တော့ မရတော့ဘူး၊ လုပ်ကြပါဦးလို့ ဟစ်ထားတာပါ။ ဆော်သြတဲ့ စေတနာကိုတော့ နားလည်ပါရဲ့။ ဒါပေမယ့် ဂုရုလေးရဲ့ `ဆွဲချ´လုပ်ချက်က အဖွဲ့အစည်းတခုရဲ့ ရပ်တည်မှုကို ထည့်မတွက်လေရော့သလား။ မျိုးချစ်ကြီးတွေ မှားချင်မှားမှာပေါ့။ သို့ပေမဲ့ သူတို့လုပ်ဆောင်ချက်က အဖွဲ့ချုပ်တခုလုံးကို ကိုယ်စားပြုနေတာ။ သူတို့ကို မှားတယ် ပြောမှတော့ အဖွဲ့ချုပ်တခုလုံး မှားတယ်လို့ ပြောတာနဲ့ ဘာထူးတော့မှာလဲ။ ဒီလိုတော့လည်း ဂုရုလေး မပြောရဲဘူး ထင်ပါရဲ့။ ဂုရုလေးက ဒေါ်စု, ဦးတင်ဦး နဲ့ ဦးဝင်းတင် တို့ မပါဘူးလို့ ဆိုတယ်လေ။ အဖွဲ့အစည်းတခုရဲ့ အမှုဆောင်အဖွဲ့က လူတွေကို အခုလို ခွဲခြားပြီး စီရင်ချက်ချလိုက်တဲ့ ဂုရုလေးရဲ့ မဟာပညာကို ရွှေချထားလိုက်ချင်သပ။ အကယ်၍များ ဒေါ်စုတို့က မျိုးချစ်ကြီးတွေ လုပ်တာမှန်တယ်လို့ ပြောလာခဲ့ရင် ဂုရုလေး ဘာများ ထပ်ပြောမလဲ ကြားချင်သေးသပ။
ဝေဖန်တယ်ဆိုတာ လွတ်လပ်စွာ ဝေဖန်လို့ရတာမို့ ကိုယ့်သဘောပေ့ါလေ။ သို့သော် ကိုယ့်ဝေဖန်ချက်ကို ကာယကံရှင်တွေက ပြန်လည်ဆွေးနွေး ချေပနိုင်ဖို့ အခွင့်အလမ်း ရှိမရှိဆိုတာတော့ ဂုရုလေး ထည့်တွက်ဖို့ မေ့သွားတယ် ထင်ပါရဲ့။ ဂုရုလေးရဲ့ စာက ပြည်ပက ခေတ်ပြိုင်မှာ ပါလာတာနော်။ အကယ်၍ ဒီလို အရေးအသားမျိုး ပြည်တွင်းက မြန်မာ့အလင်းမှာ ပါလာရင် ဂုရုလေး ဘယ်လို သဘောထားမလဲ ကိုကြီးပေါ် သိချင်လိုက်ပါဘိ။
အနှစ်ချုပ်လိုက်တော့ ဂုရုကြီးက ဒိုင်ယာလော့ခ်ကို စွဲကိုင်တာ မိုက်မဲတယ်တဲ့။ ဆိုတော့ ဒေါ်စုက မိုက်မဲတယ်ပေ့ါ။ ဂုရုလေးက မျိုးချစ်ကြီးတွေ ညံ့တယ်တဲ့။ ဟုတ်ကဲ့… ဂုရုကြီး နဲ့ ဂုရုလေး တို့ရဲ့ အမိန့်တော်အရဆိုရင် မြန်မာ့နိုင်ငံရေး ဦးဆောင်မှုက သုည ဖြစ်သွားပြီ။ အနာဂတ်မှာ ဘာအဖြေ ထွက်လာမလဲ စောင့်ကြည့်ကြပါစို့။
အဟဲ… ကိုကြီးပေါ်ကတော့ အနာဂတ် မြန်မာ့အရေး အဖြေထက် ဂုရုကြီး နဲ့ ဂုရုလေးကို ပေါင်းကြည့်လိုက်ရင် ထွက်လာမယ့် အဖြေကို ပိုစိတ်ဝင်စားမိတာပါပဲ ခင်ဗျာ။
ကိုကြီးပေါ်