Saturday, June 5, 2010

ဟာတိုယာမ ဝန်ကြီးချုပ်ရာထူးမှနှုတ်ထွက်ပြီးနောက် အတိုက်အခံများက အထွေထွေရွေးကောက်ပွဲကျင်းပရန်တောင်းဆို

4:45 PM moethaukkye No comments

ဂျပန်ဝန်ကြီးချုပ်တာဝန်ကိုထမ်းဆောင်နေသော ဒီမိုကရက်တစ်ပါတီ (DPJ)အကြီးအကဲ ယူကီအို ဟာတိုယာမသည် ဇွန်လ ၂ ရက်နေ့က ရာထူးမှနှုတ်ထွက်ကြောင်းကြေညာလိုက်သည်။ ''ကျနော်ရဲ့လုပ်ဆောင်နေမှုများအပေါ် ပြည်သူလူထုလက်ခံလာ အောင်မရှင်းပြနိုင်တဲ့အတွက် ဝန်ကြီးချုပ်ရာထူးမှ နှုတ်ထွက်ပါတယ်''ဟု ပြောခဲ့သူ ဟတိုယာမက သူ့ကိုလူအများလက်မခံရသည့်အဓိကအချက် ၂ ခုမှာ သူ၏မဟာမိတ်ပါတီဖြစ်သော ဆိုရှယ်ဒီမိုကရက်တစ်ပါတီ (SDP)နှင့်လမ်းခွဲခဲ့ရသည့်တိုင်ဖြစ်ခဲ့ရသည့် အိုကီနာဝါရှိ အမေရိကန်စစ် စခန်းပြောင်းရွေ့ရေးအတွက် အရှုံးကြီးရှုံးနိမ့်ခဲ့ရခြင်းနှင့် 'ငွေကြေးနှင့်နိုင် ငံ ရေး'အရှုပ်တော်ပုံတွင် သူနှင့်အတူ ပါတီ၏အထွေထွေအတွင်းရေးမှူး 'အိချီရို အိုဇာဝါ'ပါဝင်ပတ်သက်နေခြင်းကြောင့်ဖြစ်သည်ဟုဆိုသည်။

အဆိုပါနေ့တွင် DPJ၏သြဇာအကြီးမားဆုံးပုဂ္ဂိုလ်၊ ပါတီ၏ အထွေ ထွေအတွင်းရေးမှူးနေရာယူထားသူ အိုဇာဝါသည်လည်း ရာထူးမှဆင်း ပေးခဲ့သည်။ အကြောင်းမှာ သန့်ရှင်းသစ်လွင်သော DPJပါတီကို ပြန် လည်ဖွဲ့စည်းရန်အတွက်ဖြစ်သည်ဟု ဟတိုယာမကပြောကြားခဲ့သည်။ ထိုကိစ္စနှင့်ပက်သက်၍ အိုဇာဝါမှလည်း သူ့အနေနှင့် ဝန်ကြီးချုပ်လည်း ဖြစ်ခဲ့သူ၊ ပါတီ၏အကြီးအကဲလည်းဖြစ်ခဲ့သူ ဟတိုယာမကို အပြည့်အဝ မကူညီနိုင်သည့်အတွက် စိတ်မကောင်းဖြစ်မိကြောင်း ဝမ်းနည်းစကား ပြောဆိုခဲ့သည်။

ဂျပန်ဝန်ကြီးချုပ်ရာထူးမှ ဟတိုယာမနှုတ်ထွက်ကြောင်းပြောဆိုခဲ့ သည့်နေ့မှာပင် အတိုက်အခံလစ်ဘရယ်ဒီမိုကရက်တီပါတီ(LDP)မှနေ ၍ အထွေထွေရွေးကောက်ပွဲပြုလုပ်ပေးရန် ပြင်းပြင်းထန်ထန်တောင်း ဆိုခဲ့သည်။ LDPပါတီ၏အတွင်းရေးမှူး 'တာဒါမိုရီ အိုရှီမား'က ဟတိုယာမနှုတ် ထွက်ခြင်းသည် ပြဿနာတခုကိုဖြေရှင်းလိုက်သည်မဟုတ်ကြောင်း၊ ဝေဖန်ပြောဆိုခဲ့ပြီး မဲဆန္ဒရှင်တို့ကိုကတိပေးခဲ့သည့် နိုင်ငံရေးညွန်ကြားချက်(Mandate)ကို လေး စားသည်ဆိုလျင် ပါလီမန်ကိုဖျက်သိမ်းပြီး အထွေထွေရွေးကောက်ပွဲကို ဆင့်ခေါ်သင့်သည်ဟုပြောဆိုခဲ့သည်။ ၎င်းင်းကဆက်လက်၍ ပြုတ်လုဆဲဆဲဖြစ်သော ဝန်ကြီးချုပ်ရာထူးကို နှုတ်ထွက်ကြောင်းကြေညာခဲ့ခြင်းသည် ဇူလိုင်လ ၁၁ ရက်နေ့တွင် ကျင်းပရန်ရှိသည့် အထက်လွှတ်တော်ရွေးကောက်ပွဲအနိုင်ရရေး ကိုရည်ရွယ်ပြီး ပြည်သူလူထုကို လိမ်လည်လှည့်ဖျားမှုသာဖြစ်ကြောင်း ထည့်သွင်းပြောကြားခဲ့သည်။

လွန်ခဲ့သော ၉ လခန့်က ဂျပန်နိုင်ငံ၏ နိုင်ငံရေးတော်လှန်မှုတရပ်ဟု တင်စားခံခဲ့ရသည့် ဟတိုယာမ၏ DPJပါတီသည် ရာစုနှစ်တစ်ဝက်နည်းပါးအုပ်ချုပ်လာခဲ့သော LDPပါတီကို မဲအပြတ်အသတ်ဖြင့်အလဲထိုးနိုင်ခဲ့သည်။ ထိုအချိန်က လူထုထောက်ခံမှု ၇၂%ကျော်ရရှိခဲ့သော ဟတိုယာမ၏ DPJပါတီသည် ယခုအခါ လူထုထောက်ခံမှု ၂ဝ%အောက်သို့ ရောက်ရှိနေပြီဖြစ်သည်။

မေလကုန်နောက်ဆုံးထား၍ အဆုံးအဖြစ်ပေးရမည်ဖြစ်သော အိုကီနာဝါရှိ အမေရိကန်လေတပ်စခန်းကိစ္စအတွက် အိုကီနာဝါဒေသမှ လူများ၏ခွင့်ပြုချက်၊ မဟာမိတ်ပါတီနှင့်အမေရိကန်တို့ထံမှခွင့်ပြုချက်ကို အောင်မြင်စွာရယူနိုင်ခဲ့သော်လည်း၊ အစိုးရ၏ရွေ့ပြောင်းရေးပေါ်လစီမှာ ဝါရှင်တန်အစိုးရနှင့် သဘောတူညီခဲ့မှုတခုတည်းကိုမူတည်၍ ထုတ်ပြန်ခဲ့ခြင်းသာဖြစ်သည်။ နောက်ဆုံးတွင် စစ်အခြေစိုက်စခန်းကိုယခင်နေရာဖြစ်သော အိုကီနာဝါကျွန်းတွင် ဆက်လက်ထားရှိမည်ဟုကြေညာခဲ့ရသည်။

ငွေကြေးချမ်းသာပြီး သြဇာအာဏာကြီးမားသည့်မျိုးရိုးမှ ဆင်းသက်လာခဲ့သော ဟတိုယာမသည် ပြည်လူထု၏ ယုံကြည်ကိုးစားမှုကို လက်လွတ်ဆုံးရှုံးခဲ့ရသော်လည်း မျိုးဆက်သစ်များအနေဖြင့် သူ၏လုပ်ဆောင်ခဲ့မှုများအပေါ် အမှတ်ရစေမည်ဟုမျှော်လင့်ကြောင်း ပြောဆိုသည်။ လုပ်ငန်းတာဝန်ဆောင်ရွက်ခဲ့မှုနှင့်ပတ်သက်ပြီး သူ၏ DPJပါတီဝင်များက ''ဝန်ကြီးချုပ်ကို ကျနော်တို့က 'ကမ္ဘာရှား'(alien)လို့ချစ်စနိုးခေါ်ကြပါတယ်။ လောကီလူသားထဲကနေ နည်းနည်းထူးခြားတဲ့ပုံစံရှိလို့ပါ..''ဟု ပြောဆိုခဲ့သည်။
နိုင်ငံခြားရေးဝန်ကြီးဟောင်း၏သား၊ စတန့်ဖို့တက္ကသိုလ်မှ ပါရဂူဘွဲ့ ရရှိခဲ့သူ ယူကီအို ဟတိုယာမသည် LDPပါတီမှ ၁၉၉၃ တွင်ခွဲထွက်ခဲ့ပြီး ၁၉၉၈ ခုနှစ်တွင် DPJပါတီဖွဲ့စည်းခဲ့သည့်ခေါင်းဆောင်တဦးလည်းဖြစ်သည်။ ရာထူးမှနှုတ်ထွက်ခဲ့သည့် ဟတိုယာမသည် ဂျပန်ဝန်ကြီးချုပ်တာဝန်ကို ၁ နှစ်ထက်မပိုပဲထမ်းဆောင်ခဲ့သူ ၄ ဦးမြောက်အဖြစ် မှတ်တမ်းဝင်စေခဲ့သည်။ DPJပါတီအထက်လွှတ်တော်ကိုယ်စားလှယ်များ၏ လက်ရှိ ၆ နှစ်သက်တမ်းမှာ လာမည့်ဇူလိုင်လတွင် ကုန်ဆုံးမည်ဖြစ်သည်။ DPJအနေဖြင့် အောက်လွှတ်တော်တွင် အမတ်နေရာများစွာ သိမ်းပိုက်နိုင်ခဲ့သော်လည်း အထက်လွှတ်တော်၌ အမတ်နေရာအများအပြားမရှိပေ။(မောင်အောင်ဌေး-japantodayမှ)