မြန်မာနိုင်ငံတွင် ၂ဝဝ၇ ခုနှစ် အတွင်းက ဖြစ်ပွားခဲ့သော အဖြစ်အပျက်များကို မှတ်တမ်းတင်ရိုက်ကူးထားသည့် ဘားမားဗီဂျေ(BURMA VJ)ဖြစ်ရပ်မှန် မှတ်တမ်းရုပ်ရှင်ဇာတ်ကားကို ဂျပန်နိုင်ငံတွင်လည်း ရုံတင်ပြနေပြီဖြစ်သည်။ တိုကျိုမြို့၊ ရှီဘူယရပ်ကွက်၊ ကုလသမဂ္ဂအဆောက်အဦရုံးရှေ့တွင်တည်ရှိသည့် Aoyama Theatreတွင် မေလ ၁၅ ရက်နေ့မှစတင်၍ ရုံတင်ထား လျက်ရှိပြီး တနေ့(၅)ကြိမ်ပြသလျက်ရှိသည်။ဘားမားဗီဂျေမှတ်တမ်းတင်ရုပ်ရှင်ဇာတ်ကားကို သွားကြည့်ရှုခဲ့သူတဦးဖြစ်သည့် အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ-ဂျပန်ဌာနခွဲ)မှ အလုပ်သမားရေးရာတာဝန်ခံ ကိုဝင်းအောင်(၂)မှ ''ဒီကားဟာ မြန်မာနိုင်ငံအတွင်းမှာ တကယ်ဖြစ်ပျက်ခဲ့တဲ့ကိစ္စတွေကို ပြသထားတာလေ။ ဇာတ်လမ်းကျောရိုးဖန်တီးပြီး ရိုက်ထားတာမဟုတ်ဘူးပဲ Documentaryသဘောမျိုး ဖြစ်ရပ်မှန်သတင်းတွေကို စုစည်းပြီးတင်ပြထားတဲ့ဇာတ်ကားပါ။ အင်တာနက်မှာ တင်ထားတာရှိပေမယ့် အခုလို ရုံမှာကြည့်ရတာက ပိုရှင်းလင်းတယ်။ ကြည်လည်ပြတ်သားမှုလည်းရှိတယ်။ နောက်တချက်က ကိုယ့်ပြည်တွင်းထဲမှာ တကယ့်ကို ဆိုးဆိုးရွားရွားဖြစ်ခဲ့တဲ့အကြောင်းတွေကို ဂျပန်မိတ်ဆွေတွေသိအောင်၊ ကြည့်ဖြစ်အောင် တိုက်တွန်းသင့်တယ်။ သူတို့လည်းကြည့်ပြီး မြန်မာပြည်အကြောင်း အထူးသဖြင့် နအဖစစ်အာဏာရှင်တွေရဲ့ လူမဆန်စွာရက်စက်မှုတွေကို ကောင်းကောင်းနားလည်သဘောပေါက်သွားကြပါလိမ့်မယ်လို့ ကျနော်ထင်ပါတယ်။ နောက်ပြီး ဗိုလ်ချုပ်မှူးကြီးသန်းရွှေဦးဆောင်တဲ့ နအဖစစ်အုပ်စုဟာ တိုင်းပြည်အပေါ်ထားတဲ့ သူတို့ရဲ့သဘောထား၊ ပြည်သူလူထုအပေါ်ထားတဲ့ စိတ်ပိုင်းဆိုင်ရာတွေကို ကွက်ကွက်ကွင်းကွင်းကွင်းမြင်ရပါလိမ့်မယ်။ သူတို့(နအဖ)ဟာ မတရားသိမ်းပိုက်ထားတဲ့ သူတို့ရဲ့အာဏာနဲ့ပတ်သက်လာရင် တောင်းဆိုမှုတွေပြုလုပ်လာမယ်ဆိုရင် ပြည်သူမပြောနဲ့ ဘုရားသားတော်တွေဖြစ်တဲ့ ရဟန်းသံဃာတော်တွေကိုတောင် လိုက်လျောမှာမဟုတ်ဘူး။ အရာရာကို လက်နက်အားကိုးနဲ့ ဖြေရှင်းမယ်ဆိုတဲ့ အကြမ်းဖက်ချင်တဲ့စိတ်ပဲရှိတယ်တာကို မြင်တွေ့ရမှာဖြစ်တယ်။ ဒါကြောင့် သူတို့ပြောပြောနေတဲ့ စစ်မှန်တဲ့ဒီမိုကရေစီစနစ်ဖော်ဆောင်နေတယ်ဆိုတာ နိုင်ငံတကာကို လိမ်လည်နေတာပဲဖြစ်တယ်...''ဟု ယခုလိုရှင်းပြသည်။
ဘားမားဗီဂျေဇာတ်ကားသည် ၂ဝဝ၇ ခုနှစ် ရွှေဝါရောင်တော်လှန်ရေးကာလတွင် နအဖစစ်အုပ်စုမှ ရဟန်းသံဃာတော်များနှင့် ကျောင်းသားပြည်သူတို့၏ ငြိမ်းချမ်းစွာတောင်းဆိုဆန္ဒပြခဲ့မှုများကို ရက်ရက်စက်စက်နှိပ်ကွပ်ခဲ့သည့် တကယ့်အဖြစ်အပျက်များကိုဇတ်ကားဖြစ်ပြီး ပြည်တွင်းရှိ ဗီဒီယိုဂျာနယ်လစ်တို့က သက်စွန့်ဆံဖျားမှတ်တမ်းတင်ကာ ပြည်ပသတင်းဌာနသို့ အခက်အခဲများကြားမှ ပေးပို့ခဲ့ပုံကို တင်ပြထားသည့် မှတ်တမ်းရုပ်ရှင်ဇာတ်ကား ဖြစ်သည်။ ထို့အတွက် ၂ဝဝ၉ ခုနှစ်အတွက် ရွေးချယ်ခဲ့သည့် (၈၂)ကြိမ်မြောက် အော်စကာဆုပေးပွဲတွင် နောက်ဆုံးဇကာတင်ဇာတ်ကား(၅)ကားတွင် တကားအဖြစ် စာရင်းတင်သွင်းခြင်းခံခဲ့သည်။ အော်စကာဆုမရရှိပေမယ့်လည်း လူ့အခွင့်အရေးမှတ်တမ်း ရုပ်ရှင်ဆု (ဘာလင်)၊ ကမ္ဘာ့မှတ်တမ်း ရုပ်ရှင်တည်းဖြတ်ဆု အပါအဝင် နိုင်ငံတကာရုပ်ရှင်ဆုပေါင်း (၄၁) ဆု ဆွတ်ခူးခဲ့သည်။ အဆိုပါဇာတ်ကားကို နော်ဝေနိုင်ငံအခြေစိုက် ဒီမိုကရက်တစ်မြန်မာ့အသံ(DVB)က စီစဉ်ခဲ့ဖြစ်ပြီး ဒိန်းမတ်လူမျိုးဒါရိုက်တာ Anders Ostergaard ကပြန်လည်တည်းဖြတ်ပေးခဲ့ကာ ထုတ်လုပ်သူမှာ Lise Lense-Mollerတို့ဖြစ်ကြောင်း သိရသည်။
BURMA VJဇာတ်ကားကို Aoyama Theatreရုံတွင် ဇွန်လ ၁၈ ရက်(သောကြာနေ့)အထိ ပြသမှာဖြစ်ပြီး ယန်း ၁,၅ဝဝ ဖြစ်သည်။ ပြသချိန်များမှာ နံနက် ၁၁းဝဝ နာရီ၊ နေ့လယ် ၁းဝဝ နာရီ၊ နေလယ် ၃းဝဝ နာရီ၊ ညနေ ၅းဝဝ နာရီနှင့် ည ၇းဝဝ နာရီတို့ဖြစ်သည်။ သွားရောက်ကြည့်ရှုလိုသူများအနေဖြင့် မြို့ပတ်ရထား Yamanote လိုင်းစီး၍ Shibuyaဘူတာတွင်ဆင်းရမည်ဖြစ်သည်။
မောင်ရှင်(ဘားမားမီဒီယာသတင်းထောက်)
BURMA VJရုပ်ရှင်ဇာတ်ကားပြသနေသည့် Aoyama Theatreတည်ရှိရာမြေပုံ
0 comments:
Post a Comment