မိနစ် ပုတ်ပြတ်စနစ်နဲ့ Skype ဝယ်နိုင်ပြီ

နိုင်ငံတကာကို ဖုန်းခေါ်ဆိုနိုင်တဲ့ Skypeကလစဉ် မိနစ်ပုတ်ပြတ်စနစ်နဲ့ ကြိုက်နှစ်သက်တဲ့ နိုင်ငံအလိုက် ရွေးချယ်ဝယ်နိုင်ပြီလို့ သိရတယ်။ ပုတ်ပြတ် စနစ်ကို ဇွန်လ ၁ ရက်နေ့ကစပြီး အသုံးပြုနိုင်မှာပါ။ လာရောက် ငွေမသွင်းနိုင်တဲ့ သူတွေအတွက် အိမ်တိုင်ရာရောက် ကောက်ခံ ပေးမယ်လို့ ဆိုပါတယ်။ လစဉ် ပုတ်ပြတ်စနစ်နဲ့ မိနစ် ၆၀၊ မိနစ် ၁၂၀၊ မိနစ်၁၀,၀၀၀ အထိ ဝယ်နိုင်ပါတယ်။ ပုတ်ပြတ်စနစ် ဝယ်မယ်ဆိုရင် ထိုင်း၊ စင်ကာပူ၊ အမေရိကန်၊ ကနေဒါတို့ကို တစ်မိနစ် ၇၅ ပြားသာ ကျသင့်မယ်လို့ သိရတယ်။ ‘ပုတ်ပြတ်စနစ်ကြောင့် ခေါ်ဆိုခတွေက ကျပ် ၁၀၀လောက် ဈေးကျသွားတယ်၊ ပုတ်ပြတ်စနစ် မသုံးချင်ရင်လဲ အရင်ကလို ကြိုက်သလောက်ပြော ကျသလောက် ရှင်းစနစ်နဲ့ပဲဆက်ခေါ်နိုင်တယ်’ လို့ Skyper Business Group မှ တာဝန်ရှိသူတစ်ဦးက ပြောပါတယ်။ သူက ‘Skype ရဲ့အားသာချက်က ဗီဒီယိုနဲ့အခမဲ့ ပြောနိုင်တယ်၊ မြန်မာ ဘာသာနဲ့ ချက်နိုင်တယ်၊ မြန်မာဘာသာနဲ့လဲ အိုင်ဖုန်းကိုအက်စ်အမ်အက်စ် ပို့နိုင်တယ်။ သူငယ်ချင်း လေးငါးယောက်နဲ့ စကားဝိုင်းဖွဲ့ပြောဖို့တစ်ပြိုင်နက် ခေါ်ဆိုပြီး ဖုန်းပြောနိုင်တယ်’လို့ ပြောပါတယ်။ Skype ရဲ့ မိနစ်ပုတ်ပြတ်စနစ်ကို စင်ကာပူ၊ ထိုင်း၊ ဟောင်ကောင်၊ အမေရိကန်၊ တရုတ်၊ မလေးရှား၊ ဒူဘိုင်း၊ ကိုရီးယား၊ ဂျပန်၊ တရုတ်(တိုင်ပေ)၊ ဂျာမနီ၊ နော်ဝေ၊ ဗြိတိန်၊ ရုရှား၊ မြန်မာ၊ အိန္ဒိယ၊ ကာတာ၊ အိုမန်၊ သြစတြေး လျား၊ ဘင်္ဂလားဒေ့ရှ်၊ ပါကစ္စတန်နိုင်ငံတွေမှာ ဝယ်ယူနိုင်တယ်လို့သိရကြောင်း ၂၀၁၀ ခုနှစ်မေလ ၂၈ ရက်နေ့ထုတ် မော်ဒန်ဂျာနယ်တွင် ဖော်ပြထားပါသည်။

Posted in: ပြည်တွင်းသတင်းများ(Local News)