ဂျပန်နိုင်ငံတွင် လာရောက်အလုပ်လုပ်ကိုင်နေကြသည့် နိုင်ငံခြားသားများအနေဖြင့် မိမိ၏ရပိုင်ခွင့်ဆိုင်ရာ အလုပ်သမားအခွင့်အရေးများအတွက် သတ္တိရှိစွာနှင့် တိုက်ယူဖို့လိုအပ်ကြောင်း အာရှနိုင်ငံသားများချစ်ကြည်ရေးအဖွဲ့(Asian People Friendship Society-APFS)၏ ယနေ့ပြုလုပ်ကျင်းပခဲ့သော နှစ်သစ်ကိုကြိုဆိုသည့် မိတ်ဆုံစားပွဲတွင် တာဝန်ခံတစ်ဦးဖြစ်သူ တိုမိုယူခိ ယာမာဂုချီစီ(Mr. Tomoyuki Yamaguchi)မှ တိုက်တွန်းပြောကြားသည်။
”ဂျပန်မှာ လာရောက်အလုပ်လုပ်နေကြတဲ့ ခင်ဗျားတို့တတွေဟာ နိုင်ငံခြားသားတွေဖြစ်လို့ ဂျပန်လူမျိုးတွေလိုမျိုး အလုပ်သမားအခွင့်အရေးမရနိုင်ဘူးဆိုတဲ့ဥပဒေမရှိပါဘူး။ ဂျပန်ပဲဖြစ်ဖြစ် နိုင်ငံခြားသားပဲဖြစ်ဖြစ် အားလုံးဟာ အလုပ်သမားအခွင့်အရေးအကျိုးခံစားခွင့်ကို ပေးအပ်ရမယ်လို့ ဥပဒေမှာပြဌာန်းထားပါတယ်။ အလုပ်ထဲမှာ ခင်ဗျားတို့ကို ခွဲခြားဆက်ဆံခြင်းရလျင်ဖြစ်စေ၊ အနိုင်ကျင့်ခံရလျင်ဖြစ်စေ၊ သို့တည်းမဟုတ် အပြစ်တစုံတရာမရှိပဲ ခေါင်းဖြတ်(ရုတ်တရက်အလုပ်ဖြုတ်ခံရခြင်း)ခံလျင်ဖြစ်စေ ကျနော်တို့နဲ့ အချိန်မရွေးဆက်သွယ်နိုင်ပါတယ်။ ဘယ်လူမျိုးကိုမဆိုကူညီသွားမှာပါ။ ကျနော်တို့ကကူညီသလို ခင်ဗျားတို့ကလည်း သတ္တိရှိရှိနဲ့တိုက်ယူကြဖို့လည်း လိုအပ်ပါတယ်…”ဟု ယာမာဂုချီစံမှ ၂၀၁၀ နှစ်သစ်ကြိုဆိုသည့် အဖွင့်အမှာစကားတွင် ယခုလိုပြောဆိုသည်။
သတင်းအပြည်အစုံကို ၂၀၁၀ ဖေဖော်ဝါရီလထုတ် မိုးသောက်ကြယ်ဂျာနယ် အတွဲ ၇၊ အမှတ် ၂ တွင် ဖော်ပြသွားပါမည်။
.jpg)
0 comments:
Post a Comment