ဆရာရေ…
ဆရာကွယ်လွန်သွားခဲ့တာ ဒီနေ့ဆိုရင် ၃ နှစ်ပြည့်သွားခဲ့ပြီနော်….
ဆရာ့အတွက်ရည်စူးပြီး ကျနော်တို့ ထိုင်းနိုင်ငံ၊ နောင်ဘွားကျေးရွာမှာရှိတဲ့ ”သွေးသစ်”စာသင်ကျောင်းလေးမှာရှိတဲ့ ကလေးအယောက် ၂၅၀ အတွက် မနက်စာထမင်း အတွက် ကောင်းမှူကုသိုလ်ပြုလုပ်လိုက်ပါတယ်။ ဆရာက ကလေးချစ်တယ်မဟုတ်လား။ အထူးသဖြင့် ကလေးဆိုးကြီး(ကျနော်အပါအ၀င်ပေါ့)တွေကိုပေါ့...
ဒီကျောင်းလေးကို ကျနော်တို့တာဝန်ယူပြီး လုပ်လာတာ အခုဆို ၅ နှစ်ဝန်းကျင်တောင်ရှိတော့မယ်ဆရာ။
နောက်ပြီး မဲဆောက်မှာ မြန်မာတွေအတွက် တရားပွဲတခုကို HRDB အဖွဲ့ကလုပ်မယ်တဲ့။ ဆရာ့အတွက်ရည်စူးပြီး ဆရာ့နာမည်နဲ့ တရားလေး စည်စည်ကားကားဖြစ်မြောက်သွားအောင် ငွေပဒေသာပင်စိုက်လိုက်ပါတယ်။
ရေးချင်တာတွေတော့ အများကြီးပဲဆရာ။ ဆောင်းပါးလည်းရေးချင်သေးတယ်။ မိုးသောက်ကြယ်ဂျာနယ်အတွက် ဆရာရေးပေးခဲ့တဲ့ ”လူငယ့်ကြေးမုံ”ဆောင်းပါးတွေကိုလည်း အမြန်ဆုံးထုတ်ချင်ပါသေးတယ်။ ဆရာ ကျနော်တို့ဆီမှာ နေသွားတုန်းက ရေးစပ်ထားခဲ့တဲ့ ဆရာ့ရဲ့လက်ရေးမူကဗျာတွေကိုလည်း စာအုပ်ထုတ်ချင်ပါသေးတယ်။ ဆရာဖြစ်စေချင်တဲ့ ဆန္ဒနှစ်ခု(ဆေးလိပ်ဖြတ်ဖို့ကဗျာနှင့် ဖန်မီးအိမ်ဖောင်ဒေးရှင်းကိစ္စ)ကို ဖြစ်မြောက်အောင် လုပ်ဆောင်နေဆဲပါဆရာ။
ဆရာကိုယ်တိုင်နာမည်ပေးပြီး မွေးထားခဲ့တဲ့ ”မိုးသောက်ကြယ်စာကြည့်တိုက်”ကတော့ ထွန်းလင်းတောက်ပြောင်နေဆဲပါ…
လွမ်းတယ်ဆရာ…
လွမ်းလို့ ဆရာဂျပန်ကို ရောက်ခဲ့စဉ်ကပုံတွေနဲ့ ရောက်တိုင်း ကျနော်တို့အိမ်မှာနေခဲ့စဉ်တုန်းက အမှတ်တရရိုက်ယူထားခဲ့တဲ့ပုံတွေကို တင်လိုက်ပါတယ်….
ကောင်းကင်ဘုံက ဆရာတစ်ယောက် ကဗျာတွေစပ်ရင်း ကြည်နှူးနိုင်ပါစေ…
0 comments:
Post a Comment