တရုတ်အလယ်ပိုင်းတွင် အင်အားပြင်းထန်သော ငလျင်တခု လှုပ်သွားရာ ခရိုင်တခုတည်းတွင် လူ ၂၀၀၀၀ ခန့် သေဆုံးပြီး စာသင်ကျောင်း ပြိုကျရာတွင် ကျောင်းသူကျောင်းသားကလေး ၉၀၀ နီးပါး ပိတ်မိနေကြောင်း တရုတ်အစိုးရ မီဒီယာက ကြေညာသည်။ ဇင်ဟွာ သတင်းဌာနက ပြင်းအား ၇ ဒသမ ၈ ရှိ ငလျင်လှုပ်သွားပြီးနောက် စီချွမ်ပြည်နယ် ဘိုင်ချွမ်ခရိုင်တွင် ၃၀၀၀ မှ ၅၀၀၀ အထိ သေဆုံးသွားကြောင်း ပြောကြားသည်။ ငလျင်လှိုင်းကို ပါကစ္စတန်၊ ဗီယက်နမ်နှင့် ထိုင်းနိုင်ငံမှပါ ခံစားလိုက်ရသည်။
အထက်တန်းကျောင်း ပြိုကျရာတွင် ကိုးတန်းကျောင်းသား လေးယောက် သေဆုံးသွားကြောင်း ဇင်ဟွာသတင်းက ဆိုသည်။ ဓာတ်ပုံများတွင် ပျက်စီးသွားသော ကျောင်းထဲမှ အပျက်အစီးများကို ကရိန်းကားကြီးများဖြင့် ဖယ်ရှားနေပုံကို ပြထားသည်။ ဇင်ဟွာသတင်းဌာနက ကျောင်းသားမည်မျှ သေဆုံးမည် စိတ်ပူရကြောင်း မပြောပေ။ ကျောင်းပြိုကျရာတွင် အပျက်အစီးများအောက် ပိမိနေသော ဆက်ကျော်သက်များသည် လူးလွန့်ရုန်းကန်နေကြပြီး အခြားသူများမှာလည်း ကယ်ပါယူပါ အော်ဟစ်နေကြကြောာင်း မိုင် ၆၀ အကွာရှိ ဇူယွမ်မြို့မှ သတင်းထောက်များက ပြောကြားသည်။ အခြားသူများထက် မြန်အောင် ပြေးနိုင်သော မိန်းကလေး နှစ်ဦးမှာ အသက်ရှင်လွတ်မြောက်လာကြောင်း ဇင်ဟွာသတင်းဌာနက ဆိုသည်။
ယခု မြေငလျင်သည် ပီကင်း နွေရာသီ အိုလံပစ်ပွဲ မတိုင်မီ သုံးလမပြည့်မီကလေးအတွင်း တုန်လှုပ်လိုက်ခြင်း ဖြစ်သည်။ တရုတ်က အိုလံပစ်ပွဲကို သူ၏ တိုးတက်မှုကို ပြသဖို့ မှန်ဘီရိုအဖြစ် အသုံးချရန် မျှော်လင့်ထားသည်။ ပီကင်း အိုလံပစ်သို့ နိုင်ငံခြားသား သိန်းနှင့်ချီ၍ လာရောက်မည်ဟု မျှော်လင့်ထားသည်။
ချန်ဒူမြို့တွင် စိုးရိမ်ထိတ်လန့်နေသော ဒေသခံများသည် တယ်လီဖုန်းလိုင်းများကို စုပြုံသုံးစွဲနေချိန်တွင် မြို့သို့ ဖုန်းအ၀င်များ ရပ်တန့်သွားခဲ့သည်။ ငလျင်သည် တယ်လီဖုန်းနှင့် စွမ်းအင် ကွန်ယက်များကို ထိလိုက်သွားစေခဲ့ရာ အစိုးရ သတင်းဌာနပင်လျှင် ငလျင်အကြောင်း သတင်းအချက်အလက် အနည်းငယ်မျှသာ ရခဲ့ပုံ ရသည်။
“ချန်ဒူမှာ မိုဘိုင်းဖုန်း ဆက်သွယ်ရေးတွေ ပိတ်ဆို့ပြီး ထောင်နဲ့ချီတဲ့ ဆာဗာတွေလဲ ချွတ်ယွင်းကုန်တယ်”ဟု ချိုင်းနားမိုဘိုင်း၏ ဒု အမှုဆောင်အရာရှိချုပ် Sha Yuejia က ဆိုသည်။ ချန်ဒူမြို့သို့ ဖုန်းဆက်ရန် ခက်ခဲနေသော်လည်း အစ္စရေး ကျောင်းသားတဦးဖြစ်သည့် ရိုနန် မက်ဇင်နီက အေပီ သတင်းဌာနသို့ မက်ဆေ့ခ်ျ ပေးပို့ကာ ရေနှင့်မီးများ ပြတ်ကုန်ကြောင်း အသိပေးခဲ့သည်။ “ယာဉ်ကြောတွေ ပိတ်နေတယ်။ ရေမလာဘူး။ မီးပြတ်သွားပြီ။ လူတိုင်း လမ်းပေါ်မှာ ထိုင်နေတယ်။ လူနာတွေ ဆေးရုံက ထွက်ပြီး အပြင်မှာ ထိုင်စောင့်နေကြတယ်“ဟု မက်ဆေ့ခ်ျတွင် ပါရှိသည်။
တရုတ်ပြည်တွင် နောက်ဆုံး လှုပ်ခဲ့သည့် အင်အားပြင်း ငလျင်မှာ ၂၀၀၃ ခုနှစ်က ဘာချုခရိုင်တွင် လူ ၂၆၈ ဦး သေခဲ့ရသည့် အင်အား ၆ ဒသမ ၈ ရှိ မြေငလျင် ဖြစ်သည်။
ခေတ်သစ် တရုတ်ပြည်သမိုင်းတွင် လူအသေအပျောက် အများဆုံး မြေငလျင်မှာ ၁၉၇၆ ခုနှစ်၊ ဇူလိုင် ၂၈ ရက်က တန်ရှန်းမြို့တွင် တုန်လှုပ်ခဲ့သော ငလျင်ဖြစ်ပြီး လူ နှစ်သိန်းလေးသောင်း သေပွဲဝင်ခဲ့ရသည်။
အပြည့်အစုံသို့...(ကိုရဲ - သွေးသစ်)
Posted in:
.jpg)
0 comments:
Post a Comment