ဧပြီလ ၃ ရက်နေ့က ဘ၀တစ်ပါးသို့ကူးပြောင်းသွားသော ကြေးမုံသတင်းစာဆရာကြီးအောင်ဗလ(ခ)ဦးသောင်း အတွက် ကောင်းမှုကုသိုလ်ပြုပွဲကို ဂျပန်နိုင်ငံ၊ တိုကျိုမြို့ရှိ ‘မိုးသောက်ကြယ်စာကြည့်တိုက်‘မှ ကမကထပြုလုပ်၍ ဆွမ်းကပ်ခြင်း၊ ရေစက်ချတရားနာခြင်းနှင့် အမျှအတန်းပေးဝေခြင်းတို့ကို ယနေ့(မေလ ၃ ရက်၊ စနေနေ့)တွင် ပြု လုပ်ခဲ့ကြပါတယ်။
အဆိုပါကောင်းမှုကုသိုလ်ပြုပွဲကို မိုးသောက်ကြယ်စာကြည့်တိုက်က ကမကထပြုလုပ်တယ်ဆိုပေမဲ့ ဆရာကြီးကို လေးစားချစ်မြတ်နိုးကြသော ဂျပန်ရောက်စာပေ၀ါသနာရှင်များနှင့်တကွ မြန်မာနိုင်ငံသားတချို့လည်း မိမိတို့ တတ်နိုင်တဲ့ဖက်က ကောင်းမှုကုသိုလ်ပြုခဲ့ကြပါတယ်။
ကျောင်းတွင်သီတင်းသုံးနေကြသော ဆရာတော်သံဃာတော် ၃ ပါးနှင့် ဒုလ္လဘကိုရင် ၂ ပါး၊ စုစုပေါင်း ၅ ပါး စလုံးကို နေ့ဆွမ်းအဖြစ် ကြက်သားဒံပေါက်ကပ်လှူခဲ့ကြပြီး၊ ဆရာတော်များမှ ကွယ်လွန်သွားတဲ့သတင်းစာဆရာ ကြီးကြေးမုံဦးသောင်းကောင်းရာဘုံဝမှ သာဓုအနုမော်ဓနာခေါ်ဆိုနိုင်ရန်အတွက် မေတ္တာသုတ်၊ မင်္ဂလသုတ် တော်များချီးမြှင့်ပေးခဲ့ပါတယ်။
ကြေးမုံဦးသောင်းဟာ ဂျပန်နိုင်ငံသို့ စာပေကိစ္စနှင့် နှစ်ကြိမ်တိတိလာရောက်ခဲ့ဖူးပြီး ၁၉၉၃ ခုနှစ်လောက်က တကြိမ်နှင့် ဒုတိယနောက်ဆုံးအခေါက်ကတော့ ဂျပန်ရောက်စာပေချစ်မြတ်နိုးသူများ စုပေါင်းကျင်းပတဲ့ ၂၀၀၇ ခုနှစ် ကြေးမုံဦးသောင်း ၈၀ ပြည့်အထိမ်းအမှတ် စာပေဟောပြောပွဲဖြစ်ပါတယ်။
မေလ ၅ ရက်နေ့တွင် မစိုးရိမ်ဆရာတော်ဘုရားကြီး ဘ၀နတ်ထံပျံလွန်တော်မူသွားတဲ့အတွက် ကောင်းမှုကု သိုလ်ပြုပွဲနှင့် မေလ ၇ ရက်နေ့တွင် လူထုဒေါ်အမာကွယ်လွန်ခြင်း ၁ လပြည့် ဆွမ်းကပ်ခြင်းတို့ကိုလည်း ဂျပန် နိုင်ငံရောက်မြန်မာများက ပြုလုပ်မှာဖြစ်ပါတယ်။
0 comments:
Post a Comment