အမေရိကန်ရေတပ်မှ စစ်သဘောင်္(၃)စီး မြန်မာနိုင်ငံသွားပြီ

မြန်မာစစ်အစိုးရက ခွင့်ပြုလျှင် မုန်တိုင်းဒုက္ခသည်များအတွက် အသင့်ကူညီနိုင်ရန် အမေရိကန် ရေတပ် စစ်သင်္ဘော (၃) စီး မြန်မာနိုင်ငံသို့ ထွက်ခွာသွားပြီ ဖြစ်သည်။

အမေရိကန် စစ်သင်္ဘော (၃) စီးသည် ယခုအခါ ဘင်္ဂလားပင်လယ်အော်တွင် ရောက်ရှိနေကြောင်း အမေရိကန် ရေတပ် ဒု- ဗိုလ်ချုပ်ကြီး Doug Crowder က ပြောသည်။ အမေရိကန် တပ်မ (၇) ရေတပ်မှ ကုန်းရေ နှစ်မျိုးလုံးသုံးနိုင်သည့် စစ်သင်္ဘော (၃) စီး မြန်မာနိုင်ငံသို့ ဦးတည် ထွက်ခွာ သွားကြောင်း အမေရိကန် ရေတပ် ဒု- ဗိုလ်ချုပ်ကြီး Doug Crowder က အင်ဒိုနီးရှားနိုင်ငံ ဂျကာတာမြို့ရှိ သတင်းထောက်များကို ယခုကဲ့သို့ တနင်္လာနေ့တွင် ပြောခြင်းဖြစ်သည်။
အကူအညီပစ္စည်းများ ပထမဆုံးအကြိမ် တင်ဆောင်လာသည့် အမေရိကန် C-130 စစ်လေယာဉ် တစီး တနင်္လာနေ့တွင် ရန်ကုန်ရောက်ပြီး မကြာခင် အမေရိကန်ရေတပ် စစ်သင်္ဘော(၃) စီး မြန်မာနိုင်ငံသို့ ထွက်ခွာသွားခြင်း ဖြစ်သည်။ မြန်မာစစ်အစိုးရဘက်က အဆိုပါ အမေရိကန်ရေတပ် စစ်သင်္ဘော (၃) စီးကို မြန်မာရေပိုင်နက်သို့ ၀င်ခွင့်ပေး မပေးဆိုသည်ကိုမူ ရှင်းရှင်းလင်းလင်း မသိရသေးပေ။
ခေတ်ပြိုင်သတင်းဌာနမှ ကိုးကားတင်ပြထားပါသည်။
(ကိုရဲ - သွေးသစ်)

အပြည့်အစုံသို့...

Posted in: