ကျနော်တို့ဆိုတာ ပြည်ပ(အမေရိကန်ပြည်ထောင်စု)ကိုရောက်လာကြတဲ့ မန္တလေးတက္ကသိုလ်ထွက်၊ လူထုတိုက် ထွက် စာပေသမားတွေကိုဆိုလိုပါတယ်။ အသက်အကြီးဆုံးကစပြီးပြောရရင် - မောင်သာရ၊ တင်မိုး၊ ၀င်းဖေ၊ မောင်စွမ်းရည်တို့ လေးဦးဖြစ်ပါတယ်။ မောင်သာရကို ရန်ကုန်ရှုမ၀မဂ္ဂဇင်းကြီးက စင်တင်ပေးလိုက်လို့ မောင် သာရရယ်လို့ ကလောင်တလက်ဖြစ်လာရပေမဲ့ သူလဲ မန္တလေးမှာနေစဉ်က လူထုဂျာနယ်မှာကဗျာရေးပြီး က လောင်သွေးခဲ့သူဖြစ်ပါတယ်။ သူပြည်ပကိုထွက်မလာခင်က ဒုလ္လဘရဟန်းဝတ်ချင်တယ်ဆိုတော့လဲ သူ့ကို အမေလူထုဒေါ်အမာကပဲ သင်္ကန်းစည်းပေးခဲ့တာပါ။ ရဟန်းအမ ဖြစ်ခဲ့ပါတယ်။
ကိုဝင်းဖေကတော့ အမျိုးသားကျောင်းဆရာကြီးရွှေပြည်ဦးဘတင်ရဲ့သားပါ။ ဦးဘတင်က သမိုင်းပညာ ရှင်၊ စာပေပညာရှင်၊ မဟာဂီတပညာရှင်ကြီးတဦးလဲဖြစ်ပါတယ်။ အဲဒီပုဂ္ဂိုလ်ကြီးဟာ အမေမာရဲ့ဆရာရင်းပါ။ ကို ၀င်းဖေက လူထုသတင်းစာမှာ ပေါ်ဦးသက်နဲ့အတူ လူထုပန်းချီဆရာ၊ ကာတွန်းဆရာအဖြစ် လခစားလုပ်ခဲ့တဲ့ အပြင် နိုင်ငံခြားသတင်းအယ်ဒီတာအဖြစ် အမေလူထုဒေါ်အမာကလွှဲပေးတာကိုလဲ ခေတ္တခံယူဖူးပါတယ်။ လူထု တိုက်မှာ သားတယောက်လိုနေခဲ့တာပါ။
တင်မိုးက လူထုဂျာနယ်မှာ ၁၉၄၇ လောက်ကတည်းက မောင်ဘဂျမ်း၊ ကိုရင်ဂျမ်း၊ ကန်မြဲနန်းမြင့်နွယ် စတဲ့ အမည်အမျိုးမျိုးနဲ့ ကဗျာတွေရေးခဲ့ပြီး လူထုသတင်းစာ တနင်္ဂနွေအချပ်ပိုမှာ ကဗျာကဏ္ဍကိုကိုင်ရသူဖြစ် ပါတယ်။ ကျနော်က လူထုမှာ ကဗျာတွေနဲ့ စာပေဆောင်းပါးတွေရေးပြီး လူထုစာအုပ်စင် ကဏ္ဍတခုကို တာဝန် ယူရင်း စာအုပ်ဝေဖန်ချက်တွေရေးလာခဲ့သူဖြစ်ပါတယ်။ ဒါကြောင့် အမေလူထုဒေါ်အမာက ကျနော်တို့အပေါ်မှာ သံယောဇဉ်ကြီးပြီး ကျနော်တို့ကလဲ အမေနဲ့အဆက်မပြတ်ခဲ့ပါဘူး။
အမေက မဂ္ဂဇင်းတွေမှာ စာမရေးနိုင်ပေမဲ့ ကျနော်တို့ဆီကို လူကြုံနဲ့စာရေးခဲ့ပါတယ်။ “မင်းတို့အသံတွေကို ငါ တနေ့မပြတ်နားထောင်နေတယ်...”ဆိုတာကို စာနဲ့လဲရေး၊ ဖုန်းနဲ့လဲပြောပါတယ်။ သူ့စာနိဂုံးချုပ်ရင် “ငါတို့ တနေ့ပျော်ပျော်ပါးပါးပြန်ဆုံကြမယ်...”ဆိုတာပါရှိမြဲပါ။ ဒါက ကျနော်တို့လေးဦးနဲ့ အမေမာတို့မိသားစုဆက်ဆံ ရေးအကြောင်းသက်သက်ဖြစ်ပါတယ်။
အမေလူထုဒေါ်အမာကို ကျနော်တို့နဲ့တကွ အများပြည်သူက အမေအဖြစ်ဘာကြောင့်လေးစားရသလဲဆိုရင် ဗိုလ်ချုပ်အောင်ဆန်းဘွဲ့၊ သီချင်းတပုဒ်ထဲက “ရာဇ၀င်အတ္ထုပ္ပတ္တိလဲရှိရမယ်၊ မော်ကွန်းလဲထိုးလောက်တယ်၊ မြင့်မြတ်တဲ့ ဗိုလ်အောင်ဆန်းရယ်” - ဆိုတဲ့အတိုင်း “ရာဇ၀င်အတ္ထုပ္ပတ္တိ” ရှိလို့ပါပဲ။
(၁)အမေလူထုဒေါ်အမာဟာ ကိုနု၊ ကိုအောင်ဆန်း၊ ကိုဗဟိန်းစတဲ့ ၁၉၃၆ ခုနှစ် တက္ကသိုလ်ကျောင်းသားများနဲ့ အတူ သပိတ်မှောက်ရာမှာ ဦးဆောင်ပါဝင်ခဲ့သူတဦးဖြစ်ပြီး၊ ဗမာနိုင်ငံလုံးဆိုင်ရာကျောင်းသားသမဂ္ဂ(ဗကသ) ဖွဲ့စည်းရာမှာလဲ ဦးဆောင်ပါဝင်ခဲ့သူတဦးဖြစ်လို့ တကသမိခင်၊ ဗကသမိခင်တဦးအဖြစ် ရာဇ၀င်အတ္ထုပ္ပတ္တိရှိခဲ့ သူဖြစ်ပါတယ်။ (၂)လူထုဦးလှနဲ့အကြောင်းပါစမှာပဲ ဖက်ဆစ်တော်လှန်ရေးကြီးဖြစ်ပေါ်လာလို့ မန္တလေးမှာ လူထုဦးလှက ဖဆ ပလခေါင်းဆောင်၊ အာရှလူငယ်ခေါင်းဆောင်အဖြစ် မြေပေါ်မြေအောက်လုပ်ငန်းများဆောင်ရွက်တဲ့အခါ အမေ လူထုဒေါ်အမာလဲ လူထုဦးလှရဲ့ပါရမီဖြည့်ဖက်အဖြစ်ဆောင်ရွက်ရင်း တော်လှန်ရေးသမားဖြစ်လာခဲ့ပါတယ်။ (၃)လူထုဦးလှနဲ့အတူ လူထုဂျာနယ်၊ လူထုသတင်းစာတည်ထောင်ထုတ်ဝေပြီး ဗိုလ်ချုပ်အောင်ဆန်းရဲ့ ညာ လက်ရုံးသဖွယ် စာပေနဲ့တိုက်ပွဲဝင်ခဲ့ရာက ဗိုလ်ချုပ်တို့ကျဆုံးပြီး ပြည်တွင်းစစ်ဖြစ်လာတဲ့အခါ ဆရာကြီးသခင် ကိုယ်တော်မှိုင်းရဲ့သားသမီးများအဖြစ် ပြည်တွင်းငြိမ်းချမ်းရေးနဲ့ ကမ္ဘာ့ငြိမ်းချမ်းရေးလုပ်ငန်းတို့မှာ လူကိုယ် တိုင်ရော သတင်းစာပါ, ပါဝင်ဆင်နွဲခဲ့ပါတယ်။ လူထုသတင်းစာက ဆရာကြီးရွှေဥဒေါင်းနဲ့ လူထုဦးလှတို့ အဖမ်း ဆီးခံရ၊ သတင်းစာတိုက်ကိုဗုံးခွဲခံရ၊ မီးလောင်ခံရတဲ့အခါတွေမှာ သတင်းစာကို ကိုယ်တိုင်ဦးဆောင်ပြီး သေတ္တာ မှောက်ဆောင်ရွက်လုပ်ကိုင်ခဲ့သူလဲဖြစ်ပါတယ်။
(၄)တော်လှန်ရေးကိစ္စတွေပြီးသွားတဲ့အခါ ဦးလှရဲ့ကြီးပွားရေးမဂ္ဂဇင်းမှာ ၁၉၃၆ ကတည်းက ခင်လ၀င်းကလောင် အမည်နဲ့ ဘာသာပြန်စာပေ၊ မြမဉ္ဇူကလောင်အမည်နဲ့ ဘ၀သရုပ်ဖေါ်ဝတ္ထုတွေရေးခဲ့ပြီး၊ သပိတ်မှောက်ရာက မန္တလေးကိုပြန်တဲ့အခါ အမျိုးသားကျောင်း၊ ကျောင်းအုပ်ဆရာကြီးဦးရာဇတ်က တာဝန်လွှဲအပ်ချက်အရ - ဘာ သာပြန်လုပ်ငန်းကိုလုပ်ရတဲ့အခါ(မ,အမာ-သပိတ်မှောက်ကျောင်းသူ)ကလောင်ဘွဲ့ခံ ခဲ့ပါတယ်။ အဲဒီအခါကစပြီး ဗမာ့စာပေလောကနဲ့ ဗမာနိုင်ငံရေးလောကအတွက် အထူးအကျိုးရှိမယ့်ဘာသာပြန်စာအုပ်တွေကို ရေးသား ထုတ်ဝေခဲ့ပါတယ်။
(၅)ဗမာမင်းများရဲ့နောက်ဆုံးမင်းနေပြည်လဲဖြစ်၊ ဗမာ့ယဉ်ကျေးမှုအချက်အချာလဲဖြစ်တဲ့ မန္ထလေးမြို့မှာမွေးဖွား ကြီးပြင်းသူဖြစ်တဲ့အတွက် ဗမာ့ယဉ်ကျေးမှုဓလေ့ထုံးစံတွေ၊ ဇာတ်သဘင်နဲ့ မဟာဂီတစတာတွေကို အစွမ်းကုန် သုတေသနပြုရင်း ဗမာ့ယဉ်ကျေးမှုထိန်းသိမ်းရေးနဲ့ မြှင့်တင်ရေးတို့ကို ဦးဆောင်နိုင်ခဲ့ပါတယ်။
(၆)သဘင်သည်တွေ၊ ပန်းချီပန်းပုအနုပညာရှင်တွေ၊ စီးပွားရေးသမားတွေကအစ၊ ရဟန်းသံဃာတော်ကြီးတွေ အထိ မန္ထလေးဝန်းကျင်နယ်ပယ်အသီးသီးက ထင်ရှားသူတွေရဲ့အတ္ထုပတ္တိအရှည်အတိုများကိုလဲ ရသမြောက် အတ္ထုပတ္တိစာပေများအဖြစ်ရေးသားရင်း မြန်မာစာပေတခန်းတကဏ္ဍကို မြှင့်တင်နိုင်ခဲ့သူလဲဖြစ်ပါတယ်။ ဒီလို အတ္ထုပတ္တိရေးသားရာမှာ ပြည်သူ့အမြင်၊ အရပ်သားအမြင်၊ အရပ်သားစကားများကိုအခြေပြုပြီး ခေတ်မီတဲ့အမြင် သစ်နဲ့ ဝေဖန်သုံးသပ်တင်ပြရေးသားတာတွေဖြစ်လို့ ရေးသမျှစာများက “ဆွဲဆောင်မှုလည်းရှိ ရှေ့ဆောင်မှု လည်းရှိ” တဲ့စာပေတွေဖြစ်လာပါတယ်။
(၇)ဒီလို စာရေးဆရာသတင်းစာဆရာမကြီးအဖြစ်နဲ့ ကမ္ဘာ့ငြိမ်းချမ်ရေးညီလာခံတွေ၊ ကမ္ဘာ့အမျိုးသမီးညီလာခံ တွေကိုဖိတ်ကြားခံရပြီး ကမ္ဘာ့ငြိမ်းချမ်ရေး၊ နယ်ချဲ့ဆန့်ကျင်ရေးနဲ့ အမျိုးသမီးဘ၀လွတ် မြောက်ရေးလုပ်ငန်းတွေ မှာလဲ ပါဝင်ဦးဆောင်နိုင်ခဲ့ပါ တယ်။
ဒီလိုရာဇ၀င်အတ္ထုပတ္တိတွေရှိခဲ့တာကြောင့် ဗကသမိခင်၊ ငြိမ်းချမ်းရေးမိခင်ကြီးတဦးအဖြစ် အများပြည်သူက တန်ဖိုးထားလေးစားခြင်းခံခဲ့ရပါတယ်။ တိုင်းပြည်မှာပြဿနာတွေကြုံတိုင်း သတင်းဋ္ဌာနတွေကမေးလာတဲ့ အခါ မှာလည်း ပြည်သူ့ဘက်ကရပ်တည်တဲ့ ပြတ်သားတဲ့အမြင်များကို ရဲရဲဝံ့ဝံ့တင်ပြခဲ့တာချည်းဖြစ်လို့ ပြည်သူတွေက အားထားကြပါတယ်။
ဒါကြောင့် ဗမာပြည်တ၀န်းလုံးကစာရေးဆရာ၊ သတင်းစာဆရာတွေ၊ ကျောင်းသားခေါင်းဆောင်အဟောင်း အသစ်တွေ၊ နိုင်ငံရေးသမားအဟောင်းအသစ်တွေ၊ ပန်းချီပန်းပုအနုပညာရှင်တွေဟာ အမေလူထုမွေးနေ့ တွေမှာ အမေလူထုဒေါ်အမာက ကျင်းပဖိတ်ကြားတာမဟုတ်ဘဲ ဒေါင့်စုံနယ်စုံကလာရောက်ကြပြီး အမေလူထု ဒေါ်အမာအသက်ရာကျော်ရှည်ပါစေလို့ လာရောက်ဆုတောင်းကြရင်း အမေလူထုဒေါ်အမာထံက သြ၀ါဒကထာ၊ သြသဓအားဆေးများကို လာရောက်သုံးဆောင်အားဖြည့်ကြတာဖြစ်ပါတယ်။ ခုအခါအမေလူထုဒေါ်အမာကွယ် လွန်ပြီဖြစ်ပေမဲ့ အမေလူထုဒေါ်အမာရဲ့ဂုဏ်သတ္တိများက ပျောက်ကွယ်သွားမည်မဟုတ်ပါ။ အမေ့သတ္တိ၊ အမေ့စေ တနာ၊ မေတ္တာ၊ အမေ့အတွေးအမြင်များက ကျနော်တို့ပြည်သူများကို ဆက်လက်အားပေးရှေ့ဆောင်သွားမှာဖြစ် တယ်လို့ ယုံကြည်မိပါတယ်။
အမေလူထုဒေါ်အမာရဲ့ သားတဦးဖြစ်သူ
မောင်စွမ်းရည်
၂၀၀၈ ဧပြီ ၂၂၊ နယူးယောက်
.jpg)
0 comments:
Post a Comment