သတင်းတို့၏စေတသိတ် ~ မိုးသောက်ကြယ်

Saturday, March 15, 2008

သတင်းတို့၏စေတသိတ်

2:59 AM moethaukkye No comments

(ကြေးမုံဦးသောင်း)

သတ္တလောကသား သက်ရှိသတ္တ၀ါတို့၏နယ်ပယ်ဖြစ်သော လောကကြီးသုံးပါးတွင် စိတ်သည် အမြန်ဆုံးသောအရာဖြစ်ပြီး အစွမ်းထက်လှသဖြင့် တန်ခိုးအာဏာအကြီးဆုံးအရာဖြစ်သည်။ ထို့ကြောင့် ဗုဒ္ဓ၏သွန်သင်မှုကိုလက်ခံသော ဗုဒ္ဓဘာသာဝင်တို့က စိတ်၏အသိဓါတ်ပိုမိုမြင့်မားရေး၊ စိတ်၏အသိဉာဏ်ကို နိုင်နင်းစွာအားထုတ်ရေးကို အမြဲကြိုးစားရလေ့ရှိကြ၏။

စိတ်သည် မြင်သိခြင်း၊ ကြားသိခြင်း၊ နံ့ သိခြင်း၊ စားသိခြင်းနှင့် ထိသိခြင်းဟူသော အာရုံငါးပါးကိုခံစားသော ကိရိယာဖြစ်သ ဖြင့် စိတ်၏တည်ငြိမ်မှုရရှိရန် ထိန်းသိမ်းကြ ရသည်မှာ ခက်ခဲသည်။
ပြဿနာမှာ သတ္တ၀ါတို့အဖို့ အာရုံတခုနှင့်တွေ့သည်နှင့် တမဟုတ်ခြင်း သူ၏ရင်ညွန့်မှ ဦးနှောက်သို့ ဆက်တိုက်သိရှိလိုက်သောစိတ်သည် သူတဦးတည်းလာလေ့မရှိ၊ အဖေါ်တဦးအမြဲပါလာလေ့ရှိသည်။ ထို အဖော်ကို ‘စေတသိက်‘ဟုခေါ်ကြ၏။

မြင်သောအရာ၊ ထိသောအာရုံ၊ ရှုသောရနံ့ စသည့်အာရုံတခုကိုတွေ့သ် နှင့် စေတသိတ်ကသာယာ၏။ သာယာမှုရှိ၏။ နှစ်သက်၏၊ နှစ်သက်မှုမရှိ၏ကို ဝေ ဖန်သုံးသပ်လေ့ရှိသည်။

အလားတူပင် သတင်းတို့သည် စာဖတ်သူတို့ ဖတ်ရှိသိရှိသည်နှင့် ချစ်မိခြင်း၊ နှစ်လိုခြင်း၊ မုန်းတီးခြင်းစသည့်စေတသိတ်များ အမြဲကပ်လျက်ဖြစ်ပေါ်မြဲဖြစ်သည်။
သတ္တ၀ါတို့၏စိတ်များနှင့်အတူ ဆန်းစစ်သောသတင်းစေတသိတ်သည် စိတ် စေတသိတ်ကဲ့သို့ လျင်မြန်မှုမရှိခြင်း၊ သတင်းတို့သည်နက်နဲတတ်ခြင်း၊ သတင်းတခု၏ ကျောထောက်နောက်ခံအဖြစ်အပျက်များပါ ပြည့်စုံစွာသိရှိမှသာ စာဖတ်သူတို့ အမှန်တရားကိုသိရှိနိုင်မည်ဖြစ်သောကြောင့် သတင်းဝေဖန်သူတို့က အကြောင်းစုံတင်ပြ၍ ဝေဖန်သမှုပြုကြရမြဲဖြစ်သည်။

တနေ့၌ နံနက်စောစော ဆိုင်ကြီးတခု သို့သွား၍ စားသောက်စဉ်တွင် စားပွဲပေါ် ၌ချထားသည့် သတင်းစာများကိုလှန်မိသည်။ မှတ်မှတ်ရရ ဖတ်မိသောသတင်းသုံးပုဒ်သည် စာဖတ်သူတို့အဖို့ သတင်းဝေဖန်ရန် တာဝန်ယူထားသော သတင်းစာဆရာတို့၏ အကူအညီကိုမလိုဘဲ ဝေ ဖန်ချက်တို့သည် မိမိတို့ဖာသာ သတင်း ၏စေတသိတ်များအဖြစ် တမဟုတ်ချင်း ဖြစ်ပေါ်လာကြသည်ကို သတိပြုမိသည်။

အခြားစားပွဲတို့တွင်ထိုင်ကြရင်း သ တင်းစာကိုကိုင်မိသူတို့သည်လည်း တူညီ သောစေတသိတ်ကို ဖြစ်ပေါ်လာကြသည် ကို သတိပြုမိသည်။
အမေရိကန်ပြည်၊ မြို့ငယ်တမြို့မှ စားသောက်ဆိုင်တွင်ဖတ်ရသဖြင့် သတင်းသံး ပုဒ်သည် အမေရိကန်သတင်းများသာဖြစ်၏။

ပထမသတင်းမှာ အမေရိကန် ဖလော်ရီဒါပြည်နယ်ရှိ အစုစပ်စီးပွားရေးလုပ်ငန်း ကော်ပိုရေးရှင်းကြီး ၉၀ တို့ကို အုပ်ချုပ်ကွပ်ကဲသော ဦးစီးအရာရှိကြီးများ ခံစားစံစားရသော အထူးအခွင့်အရေးဆုတော် ငွေစာရင်းကို သတင်းစာက စုံစမ်းတင်ပြသော သတင်းဖြစ်ပါသည်။

ဧပြီလ ၇ ရက်နေ့က ရာထူးမှနှုတ်ထွက်သူ ဘာဂါကင်း ဟန်ဗါးဂါကုမ္ပဏီကြီး ၏အကြီးအကဲသည် ကုမ္ပဏီတွင် ၁၈ လ သာအလုပ်လုပ်ခဲ့သော်လည်း နစ်နာကြေး အဖြစ် ဒေါ်လာ ၃.၀၉ သန်း၊ ဆုငွေအဖြစ် ဒေါ်လာ ၂.၀၆ သန်းကို ထပ်လောင်းပေးရ ကြောင်း၊ အလားတူပင် အောဖစ်ဒီပို့စ်ကုမ္ပ ဏီဥက္ကဋ္ဌကြီး ရာထူးမှထွက်လျင် ဒေါ်လာ ၄၁.၇၄ သန်း လျော်ကြေးပေးပါမည်။

ထို့ အပြင် အစုငွေတန်ဖိုး ဒေါ်လာ ၂၆.၄၅ သန်းတန် အစုရှယ်ယာနှစ်သန်း ၀ယ်ယူ ခွင့်ပေးရမည်ဖြစ်ကြောင်း၊ စီးကရက်ကုမ္ပဏီကြီး၏ ဥက္ကဋ္ဌလစာမှာ ၃,၇၃၉,၅၀၁ လစာအမြင့်ဆုံးဖြစ်ကြောင်း၊ စသည်ဖြင့်ဖော်ပြထားသည်။

မိမိက ထိုသတင်းစာများကိုဖတ်နေစဉ် တဖက်စားပွဲမှ ဖတ်မိသူတဦးက သူ၏အဖော်ကိုပြသပြီး ကုမ္ပဏီအကြီးအကဲများကို လွန်စွာလောဘကြီးသည်ဟု ပြစ်တင်ပြောဆိုသည်။ အဖော်နှစ်ဦးကလည်း လုပ်ငန်း ရှင်အကြီးအကဲများကို ပိုမိုဒေါသကြီးစွာ ပြစ်တင်ရှုံ့ချသည်ကို ကြားလိုက်ရသည်။

“ခွေးမသား-ဒါလောက်တောင်သ၀န်ကြောင်ရသလား”ဟု နောက်သတင်းတ ပုဒ်ကိုလှန်မိကြသည်နှင့် စားပွဲသုံးဝိုင်းမှစေတသိတ်အသံတမျိုး ထွက်လာကြသည်။

“ခွေးမသားက ကိုယ့်အမျိုးသမီးကို နိုင်အောင်ထိမ်းပါလား…”ဟု ဆဲဆိုမိသူ ၏အသံကိုလည်း ကြားလိုက်ရသေး၏။

သတင်းမှာ ညသန်းခေါင်တွင် အသက် ၄၅ နှစ်ရှိသူမိခင်နှင့် အသက် ၂၃ နှစ်ရှိသမီးတို့ အတူနေအခန်းသို့ သမီး၏အဆက်ဟောင်းက သမီးနှင့်တွေ့ရန်ရောက်ာ ၏။ သူ၏အဆက်ဟောင်းက မိမိ၏အမျိုးသမီး နောက်လူတွေ့နေသဖြင့် အပြင်သွား နေသည်ဟုသိရှိသဖြင့် မတော်လိုက်ရသောယောက္ခမကြီးကို ပါလာသည့်သေနတ်နှင့်ပစ်သတ်သော လူသတ်မှုဖြစ်၏။

သတင်းကိုတွေ့သူတို့က စိတ်ဆိုးကြ စေကာမူ ဗုဒ္ဓဘာသာဝင် စာဖတ်သူကမူ ‘စိတ်နှင့်စေတသိတ်တို့သည် လျင်မြန်စွာ ဖြစ်ပေါ်လေ့ရှိပါတကား…’ဟု ကရုဏာ ပွားမိသည်။

နောက်ဖတ်ရသောသတင်းကိုမူ ဖတ် မိသူတိုင်းက ‘ဖဥထုတ်ယမပင့်ဘဲ ဖစ်မှဖစ် ရလေခြင်း‘ဟု စားပွဲဝိုင်းအားလုံးက ဟက်ဟက်ပက်ပက်ရယ်မိကြသည်။

သတင်း၏ဇာတ်လိုက်မှာ အသက် ၆ နှစ်သာရှိသေးသူ မိုက်ကယ်ဖြစ်သည်။ ထိုနေ့သည် မိုက်ကယ်၏မွေးနေ့ဖြစ်သည်။ အသက် ၂၃ နှစ်ရှိ မိခင်မွန်ရိုနှင့် ဖွားအေကြီးတို့က မိုက်ကယ်ကို အရူးအမူးချစ်ကြသည်။ ထို့ကြောင့် နာမည်ကျော်စားသောက်ဆိုင်ကြီး၌ မွေးနေ့ပွဲကျင်းပသည်။
မိုက်ကယ်၏ညီ မောင်နှမများ၊ ကစားဖော်ကစားဖက်များနှင့် ဦးလေးများ၊ အဒေါ်များကိုပါ စည်ကားစွာဖိတ်၍ကျင်းပသည်။

ကလေးများရော မိဘဆွေမျိုးများပါ ကြာမြင့်စွာ တပျော်တပါးစားသောက်ကြသည်။ နောက်ဆုံးအစီအစဉ်အရ “သား မိုက်ကယ်ကလေး ပျော်ရွင်သောမွေးနေ့ ဖြစ်ပါစေ”ဟု ပရိသတ်အားလုံးတို့ သံပြိုင် ဆုတောင်းပြုပြီးနောက် လူစုခွဲကြသည်။

ပွဲပြီး၍ လူစုခွဲကြစဉ်တွင် ကလေးများ က သူ့ကားငါစီး ငါ့ကားသူစီး ပြောင်းလဲစီး ကြသဖြင့် ကြာမြင့်စွာလူစုခွဲရသည်။
အားလုံးပြန်သွားပြီး ဆိုင်ပိတ်ချိန်တွင်မှ မွေးနေ့ရှင်မိုက်ကယ်တယောက် ကျန်ရစ်နေသည်ကို ဆိုင်ရှင်တို့ကတွေ့ရသည်။ ကလေးတို့အတွက် အထူးဆိုင်ဖြစ်သဖြင့် ကလေးကစားခန်းတခုထားရှိသည်။ မိုက်ကယ်ကတယောက်ထဲကစားနေသည်။
ညဉ့်နက်၍ အချိန်လွန်သဖြင့် ဆိုင်ရှင်တို့က ရဲတို့ကိုခေါ်ကာ ကလေးကိုအပ်ရသည်။ မိုက်ကယ်၏မိဘများသည် နောက်တနေ့မိုးလင်းသည်အထိ သားပျောက်သည်ကိုမသိ။ သားဖြစ်သူသည် အဖွား(သို့)ဦးလေးအဒေါ်များအိမ်လိုက်သွားသည်ဟုယူဆကာ စိတ်ချလက်ချအိပ်နေခဲ့သည်။
နံနက်လင်း၍ ရဲတို့ကလာရောက်၍ ကလေးကိုပြပြီး စစ်ဆေးမေးမြန်းသည်။
“ကျမဘယ်သိမလဲ- အကြီးကောင်တွေကို ရှောစီးပွဲပို့နေရတာကိုး…”ဟု ထွက်ဆိုသည်။

ဇာတ်ပေါင်းသောအခါ သားငယ်မှာ ဘေးမသီရန်မခ မိခင်နှင့်တွေ့ကြရသည်ဟု သတင်းဆုံးသဖြင့် စာဖတ်သူတို့ကရယ်ကြသည်။ ရဲအရာရှိတို့ကမူ-
“ဒီလိုဇာတ်သိမ်းလို့မရဘူး။ ကလေးမိခင်က သားကိုစောင့်ရှောက်ရန်ပျက်ကွက်မှုနှင့် အရေးယူရမည်…”ဟု မိခင်ကို အမှုဖွင့်နေလေသည်။
ဤကား သတင်းသုံးပုဒ်၏ သတင်းစေတသိတ်သုံးရပ်တည်း…။

(၂၀၀၆ ခုနှစ်၊ အောက်တိုဘာလထုတ် မိုးသောက်ကြယ်ဂျာနယ်အတွဲ ၃၊ အမှတ် ၁၀ အတွက် ဆရာကြီးကြေးမုံဦးသောင်းရေးသားပေးပို့ခဲ့သော ဆောင်းပါးကို ပြန်လည်ဖော်ပြခြင်းဖြစ်ပါသည်။ ဆရာကြီးဦးသောင်း ဆုံးပါးသွားပြီဟု မှားယွင်းစွာဖော်ပြခဲ့မှုအပေါ် အနူးအညွတ်တောင်းပန်ပါကြောင်း…)